1. اليوم الأول :: الراحه بعد الوصول في الفندق TRansasia بعد توزيع الغرف


2. ODEL


3. السكن في فندق ماهاولي ريش mahaweli reach ( 5 نجوم )

حبيت أقدم لهذا المنتدى سفرتي المتواضعة إلى بلد الشاي سريلانكا ( سيلان )
البرنامج كان لمدة اسبوعين في شهر8 سنة 2007
الطيران :: الخطوط الجوية القطرية ( ترانزيت في مطار الدوحة لمدة ساعتين تقريبا ثم المواصلة إلى العاصمة كوالالمبور )
أغلب الانشطه الي في الرحلة كانت من الصبح الساعه 9 ونص تقريبا ،، إلى العصر او المغرب ،، وعقبها يكون رااحه للي يبي وفي الليل البسطه في الفندق أحلى شي

اليوم الأول :: الراحه بعد الوصول في الفندق TRansasia بعد توزيع الغرف

اليوم الثاني :: بعد الافطار زيارة حديقة الحيوانات + جولة للتعرف على معالم المدينة والتسوق ( بيت الأزياء - أوديل- بفل ستريت- كوتن كولكشن- مجستك سيتي ) ===>> أكثر الاماكن الي شريت منها أهو بيت الأزياء وعقبه كوتن كولكشن ، ومجستك سيتي
قطنيات واشيا حليوه ،، وبفل ستريت واخر يوم رحنا مجستك سيتي ،، بالنسبه حق أوديل احسه ماركات خاصه بهالاسم

ODEL

يعني تحصلين بعض الاشيا الي معروضه عنده في محلات ثانيه وبسعر ارخص بس عنده اشيا منفرده فيه
اليوم الثالث:: رحلة لزيارة مدينة ابن بطوطة مع زيارة أول مسجد بني في سيريلانكا ، مع الوقوف في احد الفنادق (( مو قادره اتذكر اسمه)) للمساج بالزيوت الطبيعية ،، ثم المرور بمصنع الأحجار الكريمة للتعرف على طرق استخراج الاحجار مع
فرصه للشراء (( اسم المحل الي رحته كان stone & string وهذي موقعهم وشريت منه واايد اشيا كاان حلو
ويعطونج ضمان على اغلب الاشيا الي تاخذينها
http://www.stone-n-string.com
اليوم الرابع والخامس :: يوم حر للتسوق والراحة والاستجمام
اليوم السادس :: الانتقال الى منطقة كااندي (( طبيعة حلوة وأبرد شوي من العاصمة ))

السكن في فندق ماهاولي ريش mahaweli reach ( 5 نجوم )

اليوم السابع :: جولة للتعرف على مدينة كاندي مرورا بمحمية الفيلة مع عرض شيق وسط النهر ، وفرصة لشراء المنتجات الجلدية للفيلة والتحف الفنية (( وايد حلووة واستانسنا فيها وهناك كان الغدا ))
اليوم الثامن:: زيارة حديقة بتونيكان ( أكبر حديقة للزهور في سريلانكا –أشجار ضخمة وأزهار متنوعه) ثم زيارة مصنع الاحجار الكريمة ومشاهدة كيفية صناعتها بعد مشاهدة عروض الفولوكلور السريلانكي وعروض اللعب بالنار (( هذي العروض تم احضارها لنا في الفندق وكاانت جدا روعة ان شاء الله اضيفلكم صور منها ))
اليوم التاسع :: الانتقال إلى منطقة نوراليا nuwara eliya* أعلى وأبرد منطقة في سيريلانكا
بالنسبه لي الطريج كاان شووي صعب لانج تركبين فوق فوق الجبل وتطوفين الغيوم ،، بس المنطقة وايد حلووة وتمنينا كنا فيها لمدة أطول
السكن كان في فندق قراند Grand hotel على النظام البريطاني القديم لانها كانت مستعمره ،، بتجوفين المكان واايد مرتب ونظيف
وهذي صورة الفندق
وهذي موقعهم http://www.tangerinehotels.com/thegrandhotel/index.htm
في منتصف المسافة إلى الفندق ،، تم التوقف في أحد مصانع الشاي لمشاهدة مراحل تصنيعه وحقول الشاي ، مع فرصة لأخذ صور تذكارية أمام الشلالات
اليوم العاشر :: جولة للتعرف على معالم المدينة وزيارة سوقها الريفي (( حده عجيب )) ومن ثم زيارة حديقة الملك.
اليوم الحادي عشر : رحلة لمشاهدة وركوب الخيل والسفن النهرية ، مع فرصة الشباب للعب كرة القدم
اليوم الثاني عشر :: يوم حر للراحة والاستجمام والتسوق (( طبعا احنا قضيناه الصبح لي العصر في السوق وكل شوي نجرب فاكهة من عنده طبعا فرش وياحلاتها )) ومن المغرب نبقى في الفندق عشان احنا قروب سوالف ولعب وضحك وقصص وكل وحده تقول طبخة والباقي يسجلوون (( الله اياام حلووة )) حتى كنا نجووف ناس يايين حق شهر عسل ،، تعرفنا عليهم وصاروا معانا في القعده J
اليوم الثالث عشر :: الرجوع إلى كولومبو العاصمة وفي نفس الفندق TRansasia مرورا بالشلالات ومصنع الشاي مرة ثانية ،، وسمعت انه في طريق مختصر ثاني ، بس كانوا ينصحونه انه الطريق الثاني جدا وعر وخطر حسب كلامهم.
اليوم الرابع عشر :: نفتر في السوق ناخذ اللي في خاطرنا وماخذناه من قبل ، وفي اشيا جفناها من اول الايام لكن اجلناها لي الأخير عشان ماننقل كل اغراضنا معانا وبعد في اول فندق اتفقنا معاهم انه نخلي عندهم بعض الاغراض الي كنا مانحتاجها للمناطق الباقية عشان مايكونون معانا طول فترة التنقل صعبة صح
ايه صج ،، من ضمن الاشيا الحلوة هنااك ،، انه الفنادق الي نسكن فيها يصير فيها عروس يبتدون من العصر تقريبا ،، ونجووف كلشي وياهم ،، ومرتين عزمونا كانوا مستانسين بقروبنا لانه كانوا المعاريس مشتغلين في البحرين ،، والعرس الثاني كانوا مشتغلين في الامارات ،، سوينالهم فنتق ،، ندش ونيبب((كلولولولولولوولولوش)) ونخلي الكل يلتفت علينا ويستانسوون ويحاولون ايببون مثلنا حده كاان ونااسة
وآآآخرها والحمدلله رجعنا بالسلامة لديرتي وأهلي ونااسي حبيبتي البحرين فديت هواها الحار خ ،، عن طريج مطار الدوحة وطبعا نفس الخطوط القطرية