معقول مافي حدا يساعدني ؟؟؟؟

السلام عليكم
لا يا اختي مو مسألة محد يبي يساعدك بس البرامج مطروحة كثيرا والتقارير وايد اللي راح تجابك على اسئلتك بمجرد تصفحك لها .
لكن ما يصير خاطرك الا طيب
الاماكن السياحية في تايلند:
1- بوكيت وهي جزيرة جميلة وحلوة وبامكانك عن طريقها اخذ رحلات للجزر الواقعة بقربها واحلى الرحلات اللي راح تلاقين برامجها عند مكاتب الترويج السياحي المنتشرة هناك (يعني ما راح تعبين عشان تحجزين الرحلات السياحية ببوكيت)

• بي بي ايلاند
• جيمس بوند
• ركوب الفيلة

اذا عندك شباب راح يستانسون على رحلة الرماية وسباق السيارات

• عروض الفانتازي

وطبعا راح تلاقين عند المكاتب عروض كثيرة غيرها وانت تختارين اللي يعجبك ويعجب ميزانيتك
وااكد عليك انك تحجزين فندق على شاطىء البتونج بيج لأنه منطقة حيوية وكل شي قريب منك وعلى الساحل راح تلاقون برامج بحرية جميلة وراح يمر الوقت وانت قاعدة على شاطىء الباتونج .
2- شنغماي:

• رحلات سفاري
• الشلالات
• الغابات

3- بانكوك:وطبعا بانكوك احلى ما فيها متعة التسوق ومري على نانا (الحي العربي) وراح تلاقين المنطقة كلها عرب يعني اذا شفتي واحد اوربي تستغربين وجوده هناك .
اما الفنادق فافتحي على موقعsawadee وراح يعرض لك الفنادق وقيمتها واماكنها واختاري اللي يعجبك.
واذا عندك اي استفسار كلنا حاضرين لك

مشكور اخ سليمان وبارك الله فيك

السلام عليكم
اخوي سلمان ابدع في وصف تايلند ( سلمت يداك )
بالنسبه للفنادق
فوكيت بشارع الباتونج بيتش ( هوليدي ان ، بان لاي ماي ) الشارع يحتوي على شاطئ جميل ونظيف بالاضافه الى مطاعم وكوفي شوب ومحلات ايضا يوجد مكاتب رحلات ممكن تاخذين البرشور الخاص بالرحله وتحجزين
بانكوك ( نوفيل )
تمنياتي لك بالتوفيق انتي وعائلتك الكريمه