هلا فيك اخوي وانشاالله تقضي امتع الاوقات في الكويت
عندك فندق الكورنيش بجانب المرينا مول
وبخصوص الملابس الرجالية تقريبا ابكل المجمعات راح تلقى فيهم اللي تبيه وانا انصحك بالافنيوز
وانصحك ابسينما الفنار والمرينا
والاماكن اللي مكن تزورها ابراج الكويت والاكوابارك بجانب ابراج الكويت(حديقة مائية) وحديقة الشعب والمدينة الترفيهية والمجمعات

حياك الله اخوي بالكويت
اذا تبي شقق فندقية عندك ريترز شرق او ريترز السالمية بس والله مااعرف الاسعار بالضبط.
اماكن التسوق الواجب زيارتها : سوق شرق - المهلب - المارينا - الافنيوز - الموت - الفنار .
اذا تحب ترور معالم البلد لاتنسى الابراج - مركز العلمي .
السينمات الموجودة بالمجمعات كلها ممتازة وحديثة علما ان الافنيوز لم يتم افتتاح السينمات فيه لحد الان.

ههه
اهم شي مثل ماقالت اختي مسافره كويتيه انك لازم تزور الموت الله يبعدك عنه تبيك تزول الموت اهي اخر مره اذبحت الهنادوه والحين ناويه عليك الله يعينك ههه حبيت بس اعلق على اختي المسافره لان دايم تزرع الابتسامه علينه كلنه اهي تقصد مجمع الكوت ولاكن غلطه مطبعيه منها وقالت الموت ههه اتمنى لك رحله سعيده

حياك الله بالكويت
من ناحيتي فندق ريترز السالميه أحلى والأسواق والمجمعات والسينمات كلها بنفس منطقتك
بس مجمع الموت قوية الله يكافي الشر على الجميع ههه
وتحياتي لكم

حياكم الله بالكويت
الاسواق كثيره: منها الافينوز و المارينا ....و غيرها كثير...و لا تنسى : المخازن
مكان كبير متخصص بجميع الملابس الرجاليه.... بالديره ... قريبه من المثنى
عندي لك برنامج مقترح ل الثلاث أيام...ان شاء الله يعجبك:
اليوم الأول
روح شوف الابراج ..في مطعم فيه:أفطر فيه أو بمطعم:شيليز..جنب الابراج(مشي)
تغدى في:
برج الحمام (لبناني)
أكوابارك(حديقة العاب مائية)
ثم سوق شرق
فيه مطاعم كثيره في سوق شرق..تعشى فيها
بعدين:اسواق المباركية التراثية
==============
اليوم الثاني
الافطار في مطعم زعتر وزيت اللي على البحر في المارينا مول
وبعدين اتمشى واتسوق.. فيها مطاعم واجد..أختار لك واحد وتغدى فيه
بعدين أدخل السينما شوف الفلم اللي يعجبك
في يخوت ومراكب على البحر..تقدر تركبهم
زيارة المركز العلمي
و تعشى فيه
===============
اليوم الثالث
افطر في المهلب( بحولي) وفيه سينما ادخلها بعد الفطور
بعدين اتمشى واتسوق
اتغدى في قيصر(بمنطقة حولي داخل:حولي بارك)
حولي بارك:فيها مطعم قيصر والعاب ترفيهية للاطفال..و قريبه من المهلب
عالمغرب روح ل: منتزه الشعب الترفيهي
في عبارة توديك لجزيرة فيلكا..أحجز لكم تذاكر وروحوا تونسو وتعالوا بنفس اليوم(ما ادري بكم تذاكرها)
تجون بالسلامه

يس ما قصرت اختي المرام ..
بالنسبه للسينمات .. كل المجمعات تقريبا فيها سينمات
وانا افضل سينما مجمع المهلب بمنطقة حولي
وفيه مجمعات مثل المارينا مول + سوق شرق + المهلب+ الكوت + سوق السالميه القديم
وتقريبا كل المجمعات فيها البسه رجاليه
واذا تبي البسه رجاليه صنع تركيا ..ورخيصه
عندك مجمع المخازن في الديره
والمطاعم ماشاءالله بكل متر راج تلقى
بس لا يفوتك كافيه الجوكليت بار في المارينا كريسنت
وعندك بعد اكبر مجمع بالشرق الاوسط اهو الأفنيوز

بس عفوا شنو تقصد أخوي بالملابس الرجالية
إذا كنت تقصدك زي شعبي تر عندك
المقناص بشرق مقابل مجمع دسمان
غتر وماركات وكماليات على كيف كيفك
والصراحة تبي السكن المناسب بعد الفنادق ...بودل السالمية والمطاعم حولك
وإذا تبي مطعم صح لنوتر على البحر ...