السلام عليكم ورحمة االه وبركاته
اولا اشكر هذا المنتدى الذي فادني جدا خلال سفري وهذا طبعا موشي جديد
انا من زمان وماسافر الا وانا مستفيده من كل المعلومات الي هني صراحه هذا المنتدى
كنز والله يخليه لنا ومايغيرونه
المهم نبتدي بموعد الرحلة 19_5_2007
الواحده صباحا
الحمدالله كانت الرحلة مريحه نوعا ما لكن الطياره قديمه وصغيره اتمنى يغيرونها
طبعا كنا على القطريه وخدمتهم 7|10 يعني ماشي حالها
المهم وصلنا 6 الفجر بتوقيت النمسا وكان الجو حلو بارد نوعا ماوهذا احلى شي
وبعد ماخلصنا الاجرائات بسهوله وبعدها اخذنا التكسي وعلى طول فندق الانتركونتينينتال
الفندق حلو وماعليه اي كلام والبوفيه روعه والخدمه صج خمس نجوم
واول ماوصلنا ريحنا و بعدها رحنا نستكشف الاماكن مثل الشتاد بارك و شارع المشاه
ورجعنا الفندق نتجهز لليوم الثاني .
اليوم الثاني 20_5_2007
كانت خطتنا حديقه حيوان الشانبرون
وايد حلو ومرتبه بس نصيحه لحد ياكل من مطاعمهم جربت مطعم راقي نمساوي استغفر الله
موشي قلت مافي الا الوجبات السريعه اظمن شي المهم انصحكم تروحونها
وهاذي حديقة القصر وايد متعبه ماكملنها بس صج عجيبه
وبعد هالرحلة المتعبه رحنا الفندق وعاد لازم اوريكم الغرفه ماعتقد حد صورها
المهم شوفو
الغرفه بس سجاده الصلاه ترى مو مع الغرفه حنا جايبينها موتقولون غموض حاطين بغرفتهم سجاده
صلاه دعايه
واحلى شي هالشوكلت يحطونه لنا مع ترتيب الغرفه
وهذا المنظر الي طل عليه الغرفه طبعا الكل عرفها شتاد بارك وكان الجو ممطر
و ان شالله التكمله بعدين بس تعبت عاد يلله نبي نشوف تشجيع
نطروني
بداية طيبة وجميلة ومبشرة ولا زلنا فى انتظار المزيد من المغامرات والتشويق.
تحياتى