السلام عليكم ورحمة الله وبركاته..
يا خبراء إيطاليا... إنني أستحث خبراتكم فلا تبخلوا!!
العلم سلامتكم..
بإذن الله رايح سورينتو بإيطاليا (Italy , Naples, Sorrento) رحلة عمل لمدة ثلاث أيام في شهر أبريل القادم...
ولا أخفيكم,, مكرتن >> يعني باقي بكراتيني,, يعني غشيم,, يعني قروي,, يعني ماعمري طلعت برا السعودية إلا مره وحده لماليزيا,,
وقلت ياولد دامك رايح رايح.. خذ زوجتك معك المسكينه اللي ماوديتها شهر عسل (في ربوع بلادي طبعا ) وأخرر موعد الرجعه وخللها حجه في حاجه!!
فبادء ذي بدء... هل تحتاج فيزه؟! >> ههه,, حسيتني إندنوسيه
وش الإجراءات اللي لازم أسويها اللي تضمن لي الروحه من المطار بالسعوديه إلى إيطاليا إلى أماكن التمشيه إلى المطار بإيطاليا إلى السعوديه بدون مشاكل بإذن الله؟!!
وش الأماكن اللي المفروض أروحها هناك مع زوجتي؟!!
وش المدن المفروض إني أزورها؟!!
كم الفتره الزمنية اللي تنصحون فيها لتمشيه في إيطاليا؟!!
الميزانيه حول العشرين ألف ريال سعودي
وسلامتكم.. بإنتظار ردودكم