السلام عليكم ورحمة الله وبركاته
سبق لي التنسيق لخط سير الرحلة مع الاخ الفاضل ابو عزيز و جزاه الله خير ما قصر معي وتكرم علي بخط سير كامل
وصارت عندي مجموعة اسئلة حيرتني وتحتاج اجابات عاجلة عشان الحجوزات وابو عزيز الله يستر عليه الظاهر عنده ظروف تمنعه حاليا - الله يسهل له اموره ويرزقه الخير وين ما كان
عشان كذا قلت اطرح عليكم خط سير ابو عزيز بدون تحريف وبعدين بحط اسئلتي وانتم فيكم الخير و البركة ان شاء الله
علما بان رحلتي راح تكون جدة - زيورخ - جدة
خط ابو عزيز
زيورخ (0)
انترلاكن (7)
جنيف (ديفون) (5)
منترو (4)
لوقانو (3)
زيورخ (0)

• =-=-=-

نجي الحين على استفساراتي اللي اتمنى الاقي لها اجوبة شافية منكم
1- بالنسبة للوقانو اكثر ما يهمني فيها هي القرية المصغرة ومتحف الشوكولا
فهل تعتقدوا انه يوم واحد في زيارة سريعة من انترلاكن يكفي لها؟
2- لوزيرن فيها كم شغلة مهمة لي مثل بيلاتوس وتيتلس بالاضافة للمدينة ذاتها عشان كذا غيرت شوية في خط السير وخليته بالشكل التالي:
زيورخ (0)
لوزيرن ( 3 )
انترلاكن ( 6 )
منترو ( 4 )
جنيف ( 5 )
زيورخ ( 1 )
3- وش الفنادق اللي تنصحوني فيها بكل مدينة وكيف طريقة الحجز؟جزاكم الله كل خير
فمان الله