وعليكم السلام
ههه اوف 30 الف حرام عليك والله لو انكم رايحين سويسرا اصلن 15 الف لشخصين بدون التذاكر كافية جداً
الجدول يومين جاكرتا - 6 ايام بونشاك - 6 ايام بالي - يوم جاكرتا للراحة قبل المغادرة اذا حاب
الجدول والبرامج افضلك تأخذ لفة على التقارير الخاصة بكل منطقة بتزورها لأنها كثيرة وكل واحد وميوله ممكن يعجبني برنامج لكن مايعجبك
انت خذ فره ووافنا بالي جمعته وبنفيدك بالأفضل ونصائح تهمك ان شاء الله
لاتحرمنا من دعواتك

بالنسبة للمبلغ هذول الشباب الله يهديهم كل ما سألنا قالوا بالي غاليه غاليه لين كرهتها ههه
بالنسبة للجدول انا لي اسبوع الف على المنتدى ومجمع عندي معلومات وعملت جدول بس قلت نستفيد من اهل الخبره
بس 6 ايام لبالي مو كثيره؟ وبالنسبة للجبل شفت كم واحد يمدح مجمع شكرو وعجبني بس محتار بين المجمع والفلل الخاصه ايهم افضل؟
ويسلمو على مرورك الجميل ويعطيك الف عافيه

هي صحيح غالية بالمقارنة ب بونشاك لكن بتحصل الغالي فيها وبتحصل الرخيص كل شي متوفر والخيار للسائح
6 ايام لبالي مو كثيرة لاتخاف مابتطفشون ابداً
الجبل انصحك في مجمع ( ميجا ) جداً راقي ورائع والمجمع الي ذكرته ماسكنته لكن قريت ان سكانه لك عليهم
الفلل الخاصة للي يبون الأستكنان والراحة ومايبون الصجة اما المجمعات شوي حيوية وحركية واذا كانو جيرانك شباب بتصادف ازعاج
رحلة موفقة

طيب ممكن تعطيني عنوان او موقع ميجا اذا ما عليك كلافه
لاني بصراحه ابي شيء رايق ما ابي ازعاج
وبالنسبة للسكن في بالي تنصحني بمنطة كوتا او ابود انا اميل لابود ايش رايك؟
او اقسم السكن 3 ايام كوتا و3 ابود
واذا تعرف فندق او شقق راقيه فيها لان شفت تقارير شقق وفنادق كثير وضعت بينها بصراحه
اعذرني على الاطالة
وشكرا لك ويعطيك الف عافية

هلا بك اخوي
والله ماعندي العنوان ولا الموقع لكن فقط الأسم الي اعرفة وماهي بعيدة مره عن البقالة السعودية
انت اسأل عن الأسم لأن اصلن مابتحجز الا اذا وصلت هناك وهي ممتازة اذا حاب تبعد عن الأزعاج وتروق صح
كوتا منطقة حيوية ابود منطقة جميله جداً خل سكنك واحد في بالي مايحتاج تتنقل
اذا تبي تعيش جو الفخامة على اصولة فندق amandari بس غالي طبعاً
هذا رابط الفندق الرسمي http://www.amanresorts.com/amandari/home.aspx
وفيه خيارات ثانية تقدر تزور موقع بوكينج وتكتب ( Ubud ) وتشوف بنفسك
وفيه خيارات ثانية وهذا تقرير بيفيدك
https://travel.maktoob.com/vb/travel307330
رحلة موفقة ولاتحرمنا من دعواتك

خشيت موقع الفندق وطلعت لي اسعار خرافية ههه بالنسبة لي اهم شيء في السكن النظافة وتوفر الواير ليس
راح اشوف التقرير وبعدها ان شاء الله بقرر السكن في كوتا او ابود
شكرا لك على مساعدتك وعلى المعلومات المفيده جدا
لك خالص الود التقدير