مساج الله بالنور و السرور ...
انشالله يفيدونج الاعضاء...
تروحون و تردون بالسلامه ..
تحياتي ...

الله يسلمك من الشر يارب
بس محد رد علي غيرك ؟؟
ننطر والله كريم
عاد لا تفشلوني جدام ريلي اشكثر مدحت منتداكم
الله يعطيكم العافيه يارب
لك شكر خاص يا خوي والله يوفقك يارب

يا جماعه محد يعرف شدعوه ...؟

افا وانا الي شاده الظهر فيكم
والله انقص ويه واا اقول حق ريلي ان شاءالله باجر يردون علينا

حياك الله ياغاليه
بفيدك بالي اقدر اعليه
واتمنى يفيدك الي اخبر مني
طبعا نقطة البداية الكويت تطلعون على الخفجي ثم الى المنطقة الشرقية وتحديدا العزيزية ومنها الى البحرين
النقطة الثانيه تطلعون من البحرين الى العزيزية او الخبر بالمنطقة الشرقية ثم تطلعون على طريق الرياض السريع وبعد مخرج المطار الجديد الي على طريق الرياض فيه مخرج لدولة الامارات وعمان والطريق هذا جيد حتى تصلون الى دولة الامارات العربيه وعن طريق دولة الامارات تروحون الى عمان
اعتذر عن الاختصار لضيق الوقت
واتمنى لكم سفرا سعيدا

بعد العبور للسعودية تمسكون خط ابو حدريه وهذا الخط ينتهي في جسر الملك فهد وبعدها تعبرون للبحرين
وبعد ماتطلعون من البحرين سيده لايمين ولا يسار بعد تقريبا 15 كيلو بيجيكم كبري الرياض يمين طبعا بتكونو على خط ابو حدريه وبعد ماتمسكون خط الرياض تمشون مايقارب ال100 الى 150 كيلو بيجيكم كبري تطلعون معاه بيكون النعيريه يمين والهفوف يسار وقطر والامارات قرابة 200 كيلو وشوي وانتم في بطحاء معبر الدخول الى دولة الامارات من المعبر الى ابو ظبي 350 كيلو وبعدها تطلعون لعمان واكيد القارمن بيكون اكثر دقه ومايضيع الله معاه الله ثم القارمن

الله يعطيك العافيه اخوي بو عذبي ولو اني تعذبت عشان اعرف اقرى النك نيم صج اني دايخه
عربي جاكرتا الله يوفقك اخوي ما قصرت على الوصف
اخوي مالك ماقصرت وبيض الله ويهك
رحم الله والدينكم جميعاً
والله اني تعبتكم معاي بس انا ابي اعرف شنهي المناطق الي امر عليها مرور الكرام والمناطق الي اقعد فيها تكون حلوة ومناسبة يعني مثلاً بالسعودية لمن بمر عليها وبروح البحرين طبعا معاي يهال مو معقوله بنعبر السعودية لي البحرين سنَه وحده اكيد بنريح فشرايكم وين نقعد بأي منطقة وجم يوم نقعد فيها ؟
ولمن نروح البحرين وين نسكن أحسن مكان ؟
وأخوي عربي قال نطلع من السعودية لطريج يودي الامرات وعمان يعني ممكن اقعد جم يو بالامارات صح ؟
وين احسن مكان ؟
ولمن اروح عمان شنهي المناطق الحلوة الي فيها ؟؟
وبصراحه في ناس خوفوني قالولي في طريق بري من الامارات لي عمان فيه بسم الله الرحمن الرحيم جن
ساكن فيه صج هالكلام ؟؟
ياريت تساعدوني أدري دوختكم بس انتو اخواني وانا مالي غيركم
ولا تنسون انا معاي 3 يهال الله يحفظهم ويحفظكم
ومشكورين ماقصرتوا على كل شي
اعتمادي على الله ثم عليكم

يا أختي الغاليه
الوقت الان صيف وحر الطرق الي راح تمرون منها طرق صحراويه
يعني مافيها طبيعه ولا فيها شي يفتح النفس
الشي الثاني بتقطعون مسافه ماهي بسيطه يعني لو تطلعون عالطياره اوفر لكم واريح لكم بكثير
لكن على العموم بحاول اساعدك بالي اقدر عليه

انا ناوي بر من الرياض للامارات لعمان الطريق سهل ومنها اتمشى بدولتين وبالتوفيق لك اختي