تقصدين لوسيرن أو لوزيرن
لأان لوسين منتجع جبلي
جدا رائعة وساحرة
تحصلين المعلومات اللي تبينها في موقعهم
http://www.lakelucerne.ch/en.html
وهذا جدولهم الشتوي اللي ينتهي بنهاية يوم 16 ابريل
http://www.lakelucerne.ch/fileadmin/lakelucerne/redakteur/Internet_PDF/Ausflugsfahrplaene/2011/Winter/Luzern_Winter.pdf
وانصحك تحجزين للرحلة قبلها بيوم او الصباح بكير من مكتب التذاكر على البحيرة امام محطة لوزيرن الرئيسية
بعد ما تطلعين من محطة القطار

بتكون البحيرة امامك و وتقطعين الشارع وبتحصلين المكتب بوجهك على اليمين

هلا ابو عزيز
الله يعطيك الف الف عافيه
ايوه اقصد لوزيرن
دايم اخلط بينهم .. انا دخلت وحصلت الاسعار بس باللغه الظاهر الالمانية مافهمت شي :$ :$
هي الظاهر الرحلة الكاملة لنص يوم 45 كم ؟ صح وحجزت في فندق موفنبيك ليلتين ايش رايك فيه
برضه فيه حاجه بسيطة يابو عزيز انا طلعت الشنقن من السفارة الفرنسية بس سفرتي الاولى لجنيف ؟ فيها اشكالية ؟
وربي يعطيك العافيه وماقصررت يابو عزيز

شShadowادو
لا عيني بالانقلش وانصحك باللنش كروزز الدور اللي فوق الابير ديك ب34 فرنك
ميزة اللنش كروز انه ساعة و45 دقيقة يعني مايروح اليوم عليكي من الساعة 12 كل يوم
وهي صفحة تحملين المينيو حسب التاربخ اللي انتم فيه
http://www.lakelucerne.ch/en/special-offers/detail/article/mittagsschiff.html
اذا بغيتي الكروز الطويل للعشاء فتوجد تشكيلة كبيرة من الرحلات ومعظمها بالمينيو الا كارد
منها تفاقالو جدا لذيذة ومناسبة لنا
http://www.lakelucerne.ch/fileadmin/lakelucerne/redakteur/Internet_PDF/Tavolago/2010/Speisekurs_11_20_und_21-30_Winter_korr._2010-2011.pdf
وانصحك تجربين Wilhelm Tell Express للوقانو لانه تجربة فريدة من نوعها
وانصحك تاخذي رحلة بحيرة برينز سي اذا انتي حساسة من ناحية اللحوم الحلال
موفمبيك وين؟ اوشي لوزان جدا رائع
وماعندك اي مشكلة على الفيزا

هلا والله بالغالي ابو عزيز الله يعافيك يارب ماقصرت
طلعت انا حاجز فيLaussane مو Luzern والاثنين فيهم رحلات كروز لخبطت فيهم من التناحه :P لاتلومني طالع شهر عسل وعسى الله يسهل يارب
انا واحد من الزملاء قالي ان فيه رحلة بالباخره وتكون قريبة من الحدود الفرنسية عن طريق Luassane
بشوف اتاكد منه
وصراحه اشوفها Luzern مغرية اكثر واجمل من lussane شكلي بغير وجهتي لها واخذ الكروز
وحبيت استشيرك يابو عزيز في جدول شهر العسل حقي
الرحلة من 1 جون الرياض جنيف والعوده باريس رياض 18 جون
جنيف يوم واحد اريح فيه
لوزيرن يومين
انترلاكن 4 ايام
لوقانو يوم واحد اريح فيها
فينسيا يومين
ريتشوني يومين
ميلان يومين
باريس ثلاث ايام
طبعا تنقلات بتكون من جنيف الى ميلان كلها بالسيارة واسلمها في ميلان وبعدها بطلع طيران الى باريس
ايش رايك مبدئيا في المخطط تقريبا راح اجلس في سويسرا 8 ايام ولو بيدي جلست فيها المده كلها
وهل تايد استخدامي للسيارة ؟ واي شركة تنصح باستخدامها لاني راح استلم السيارةفي جنيف وباسلمها في ميلان
الله يعطيك الف الف عافيه اخوي ابو عزيز واسف على الاطاله وكثرة الاسئلة والله يوفقك دنيا واخره

شshadowادو
اول شيء اعتذر منك والله لاني كنت اخاطبك غلط والسبب الاسم
فارجو العذر منك >>>ليه مانبهتني
ولي عودة بعد العمل للرد على استفساراتك
اختيار لوزان وبالتحديد اوشي ومقارنته بلوزيرن يعتمد على الفندق اللي حجزت فيه وعلى النشاط اللي ناوي عليه بغض النظر عن الكروز لانه موجود في الاثنين وكلاهما رائع ولكل واحد مميزاته

لا عادي يابو عزيز ... نسيت والله نبهت بالاول بس انمسح ردي وكتبته من جديد
بالعكس يابو عزيز عزيز وغالي ... وبنتظارك الله يعافيك

هلا بك والله
دايم انصح الاخوان يخلون التعب في بداية الرحلة
الجزء الاجمل والابرد والاهدأ يكون أخر الرحلة
الجزء الاخير من رحلتك مرهق ومتعب فالله يعينك
هذي هي الملاحظة الاولى
المالحظة الثانيةيوم السفر يوم غير محسوب وطالما انك بتوصل جنيف بكير فاقترح عليك ومن المطار تتوجه لمنترو او ايا كانت وجهتك
منترو - لوزان - او أوشي 3 ايام
انترلاكن 4 ايام
لوقانو يوم واحد اريح فيها
فينسيا يومين
ريتشوني يومين
ميلان يومين
باريس ثلاث ايام
لوزيرن من الظلم تخصيص يومين او 3 لها ---- جدا قليل

هلا فيك اخوي ابو عزيز
صادق احسها متعبه خصوصا في الاخير
انا ممكن اعدل فيها الغي فينسيا واخلي في لوزيرن 3 ايام وفي ميلان 3 ايام
وايش رايك يابو عزيز هل تايد استخدامي للسيارة ؟ وماهي افضل الشركات خصوصا اذا كنت بسلم السيارة بدولة ثانيه ...
والله يبيض وجهك وماقصرت

شshadowادو
ممكن ميلانو يومين ولوزيرن 4
واهم شيء تعرفه ان ميلانو = سوق = $$$
ولا تقول لي يروح نتفرج على السوق ومو شرط نشتري
لأنه من الأفضل انك ماتروح من أساسه خاصة انها مدينة ما اروح لها الا علشان خاطر عيونها
السيارة مؤيد لها وبقوة خاصة في سويسرا
ولاتنسى انه ممكن تسلم السيارة في لوقانو القريبة وتنتقل بالقطار لميلانو