al3soola_5
13-12-2022 - 03:09 am
السلام عليكم ورحمة الله وبركاته
مثل ماهو معروف ان المنتدى هذا مرجع لكل واحد يقرر السفر وباذن الله ننوي السفر الى ايطاليا
في شهر 4 او 5 ميلادي وبما انها اول سفرة امسك زمام الامور لتخطيطها حبيت اخذ رايكم
ومساعدتكم ومشورتكم ولكم مني اصدق الدعوات
وياحبذا أي احد عنده معلومات وخبرات كافيه لايطاليا يكتب لي برنامج مفصل من السكن والاماكن المقترح زيارتها واهم المدن الي تستحق الزياره
1- المسافرين انا وزوجي
2- مايهم فخامه السكن الاهم يكون الحمام بشطاف وانتو بكرامه ويشمل فطور لان هدفنا توفير قيمه السكن والاستفاده منه فالاماكن السياحيه
3- مدة السفر عشر ايام او اسبوعين حسب البرنامج
4- افضل اوت لت وفي أي مدينه والافضل تكون اخر محطات السفره عشان العفش وكذا
4- كل مدينه كيف نقضي وقتنا فيها
وطرق التنقل من مدينه للثانيه
5- قضاء يومين خارج ايطاليا في سويسرا او فرنسا ايش تقترحون
5- حاله الطقس بهالوقت كيف يكون
6- هل من السهل تاجير سيارة والتنقل بها او الافضل المترو والتكاسي
واكيد في تفاصيل مهمه غفلت عنها وانتم اعرف مني فيها
ترتيب الرحلة حسب الافضل لك
وصول روما
3ليالي
برنامجك الافضل هو ركوب الباص السياحي وشراء التذاكر لمدة 3 ايام بقيمة 60 يورو
بيمشيك على اهم المعالم بروما واللى يناسبك انزل عندة ومتى ماطفشت اركب الباص اللى بعدة وامش
السكن خليك حول الخطوات الاسبانية
بعد روما تنتقل الى فينيسيا عن طريق القطار السريع
تقدر تطلع تذاكرة من نفس المحطة الرئيسية ترميني اثناء تجولك بالباص السياحي
فينيسيا 3ليالي
معالم فينيسيا تقدر تروح لها بالجندول او بالتاكسي المائي
الفندق خلك حول ساحة سان ماركو
بعدها اطلع اجر سيارة من مواقف السيارات بساحة روما اللى بفينيسيا واتجة الى بحيرة جاردا
3 ليالي
السكن بقرية سيرموني
اول يوم تماشي على البحيرة وصعود التلفريك حق جاردا
ثاني يوم خلية للملاهي موضوعها بالمواضيع المثبتة بالبوابة الرئيسية
واطلع على الاوت لت برضة بتوقيعي موضوع مفصل
انا انصحك بسيرفالي
بعد جاردا
اتجة الى لوقانو السويسرية 3ليالي السكن قرب البحيرة
ومنها تزور قرية سويسرا المصغرة وصعود التلفريك
مواضيع اخوي ابو عزيز واضح فيها تفاصيل دقيقة بتفيدك
ومنها يوم زور بحيرة كومو
اخر 3ليالي خليها لميلان
وانت طالع من لوقانو الصباح وقت تسليم الفندق توكل على سوق سيرفالى
ميلان اول يوم تمشية وتقدر تسلم السيارة باي مكتب من يورب كار
ميلان برضة بها باص سياحي
وتتسوق عشان اخر السفر
السكن حول الدومو افضل لك
بخصوص الفنادق بروما وبقية المدن ممكن تكلفك لليلة الوحدة من 600 الى 1000
لليوم الواحد انت كم رصدت ميزانية للسفر عشان تتضح لنا الامور
الشطاف انسى موضوعة اشتر لك من بلدك واحد موجودة بساكو