رحلتنا بعد أسبوع ومع كثرة بحثنا وسؤالنا واطلاعنا كأننا مكانك راوح
فقط قصينا تذاكر وخلصنا الفيزا ، رحلتنا مدتها 17 يوم تبدأ باخر جولاي
المشكلة كل يوم نضيع أكثر حنا راصدين مبلغ 33 ألف ريال ونخاف ماتكفينا
ونقعد نشحذ في ساحات فينا العتيقة
أمس دجينا أكثر يوم شفنا خريطة سويسرا والنمسا وتلخبطت خططنا الفاشلة أصلا !
حنا راح نوصل بإذن الله لجنيف ومخططين على فينا نحسبها قريبه طلعت فوق الف كيلو
وكنا ناوين براغ طلعت ابعد وابعد !
امس اقترحنا نقعد يومين بجنيف وضواحيها وبعدها ندز انترلاكن 3 ايام ويمكن نروح لزيروخ أو بازل
وقبلها يمكن ارض هايدي الجميلة
وبعدها زيلامسي 3 ايام ونواصل بعدها لفينا ، المشكلة ماهو في الروحة المشكلة في الرجعة
لازم نرجع كل هالمشوار لجنيف من جديد عشان المغادرة من هناك
اليوم بدور اذا نقدر نخلي العودة من فينا بيكون اصرف وممكن نروح يومين لبراغ
الزبدة ضايعين !
وفوق ذا ماندري ناخذ سيارة والا نركب قطارات ؟!
لقينا سيارة بيجو قير عادي بجنيف يوميتها ب 214 ريال ! بس المشكلة الوقود غالي ؟!
بس وش احسن لنا قطار والا سيارة
السكن نكبة ؟
نخاف نحجز من هنا والا من النت وبعدين نغير وجهة السير ؟ قلنا احسن شي نستاجر عن طريق
النت يومين بجنيف بعدين نشوف الوضع ونروح ندور في الارياف شقق وأكواخ

• * اكتشفنا مؤخرا أن فنيسيا قريبة منا بالحيل ؟!

والله اغراء يمكن نزرق يومين لها بس مدري احد يعرف رحلات سياحية من انترلاكن تروح هناك ؟
باختصار أنواع الدجة وكلنا يالثلاثة ناقة اله وسقياها والانقلش الله بالخير ؟!
اقترحوا علينا وين نقضي هال17 يوم وش ناخذ وش نخلي وين نحجز ؟
افزعو يالربع شكل اخوياي بيهونون يقولون : وجيهنا ماهي وجيه جنيف وفينا حدنا البحرين:bounce8:

• * إلا على طاري الدجة وش االممنوعات بهالدول عشان نفتك منها مانجيبها

تحياتي