فراووله
24-06-2022 - 06:21 pm
مساء/صباح الخير
اذا تفضلتوا خبراء اوروبا ابغى مساعده صغيره
انا قريت موضوع حدي مصر وعجبتني الرحله اللي تبدا من باريس وتنتهي بسويسرا بس انا مارح اروح شهر عسل انا رايحه استكشف اوروبا لاول مره يعني ودي ازور اغلب المناطق وما عندي مشكله في التنقلات الكثيره يعني المطلوب من الخبراء اذا ودهم يساعدوني ترتيب رحله خلال 13 يوم اقدر ازور فيه باريس والنمسا وسويسرا واذا اقدر اروح فينيسيا في ايطاليا
واذا ممكن تقولون لي التنقلات كيف راح تكون يعني استأجر سياره من باريس مثلا الى اوروبا او في طرق ثانيه؟؟؟؟؟؟؟؟؟؟
ادري اني طولتها بس تكفون احترت وضعت من كثر المناطق اللي قريت عنها انها حلوه وابي شوركم
مخطط باستخدام القطارات
فينا 3 ليالي
زيلامسي 4 ليالي
انترلاكن 3 ليالي
باريس 3 ليالي
مابين فينا الى زيلامسي اربع ساعات و نصف مع تغيير قطار في سالزبورج ,,, ومابين زيلامسي و انترلاكن ثمان ساعات ونصف مع تغيير قطارين في انسبروك النمساوية و زيورخ السويسرية ,,, مابين انترلاكن الى باريس ست ساعات ونصف مع تغيير قطار اما في بازل او جنيف السويسريتين
مخطط باستخدام السياره
ميونخ ليله وتستأجرون منها سياره
زيلامسي 4 ليالي
انترلاكن 4 ليالي
باريس 4 ليالي
طبعا في كلا المخطين تعب وحوسه وتنقلات ولكم حرية الخيار
موفقين ان شاءالله