مدفع لندني
24-11-2022 - 08:21 pm
السلام عليكم ورحمة الله وبركآتهكيف الحال احبآئي
اليوم جآي لكم بحكم اني اشوف ان اعضاء هذا المنتدى
متساعدين بشكل خيالي _ ما شاء الله عليهم _
فحبيت اعرض عليكم بعض الاشكاليات
واتمنى تعطوني اجابات وافية
أول شي :
ان شاء الله انا مقرر اسافر لندن هالسنة
وفيه خيارين
الخيار الأول: اني اروح لمدة اربع ليالي بعرض عادي من المكتب
يكلف 6 آلاف ريال للشخص ( تذاكر + سكن + فيزا )
في يوم رابع العيد ( عيد الفطر )
شهر اوغست
الخيار الثاني : اني اروح بعرض خاص من المكتب
اسبوع كامل ب 4000 ريال للشخص ( تذاكر + سكن + فيزا )
مع بداية اجازة الحج في الممكلة
وتقريبا هذا يوافق 9 اكتوبر
الآن الاستفسآرات ..
من وجهة نظركم أي العرضين أفضل بالنسبة لي ؟ علماً اني طالب جامعي
كم تقدر الميزانية الي بحتاجها في لندن في العرض الاول ؟
كم الميزانية في العرض الثاني ؟
(( طبعا بدون ما نحسب اسعار التذاكر والفيزا و السكن ))
يعني هل تكفي 3000 ريال لاسبوع في لندن او ازيد عليها ؟
بالاضافة لذلك هل الاسعار والاجواء وقلة الزحمة في لندن افضل في العرض الاول ( شهر اوغست ) او في العرض الثاني ( شهر اكتوبر ) ؟
شكراً جزيلاً مقدماً
مودتي للجميع
اللي كان يروح لبنان كنسل
اللي كان يروح تركيا كنسل
اللي كان يروح مصر كنسل
وكلهم حولوا على لندن
اعرف عالم بيروحون من قطر بس
فما بالك بالخليج كله !!
اتوقع لندن في اوغست بتكون كريهه لان زحمه والله اعلم
وبالنسبة للميزانية يعتمد من شخص لي شخص
بس أفضل شيء ان تكون اقتصادي تعتمد ع الباصات والاندرقراوند وتبتعد عن المطاعم العربية الغالية
خل معاك كاش وود معاك بطاقة فيزا للأحتياط
واستخير ثم استشير وأقرأ التقارير من شباب العرب المسافرون بتلقى اللي يفيدك ويسعدك بأذن الله