عذراً ناوي على السفر طلعت بالغلط

لحظه ... في المانيا وين بتروح ؟؟؟
والنمسا وين بتروح فيها ؟؟
محدد خط سير ؟؟؟

وعليكم السلام ورحمه الله وبركاته
نيوزيلاندا وش جابها الي اوربا وين خط السير اللي بتلقاه بنفس اليوم توصل من اوربا
عزيزي 3 دول وكل دوله 3 ايام ما اشوفها مناسبه

نيوزلاند !!!
هذي تحت استراليا بجنب القطب المتجمد الجنوبي من كوكب الارض

يالربع والله فطست ضحك

السلام عليكم ورحمة الله وبركاته يسلمو الجميع على المرور والتكرم بالرد
على هونك عليا شويا يا مغرور نجد ترا الغلط مني مو نيوزلاندا الله يسامحني على هالغلطة المقصد( ايرلاندا الشمالية بالضبط ) وما انتبهت الا الحين من ردكم
بالنسبة لخط السير فرنسا المانيا النمسا ايرلاندا الشمالية
المهم عندي المعالم السياحية والفنادق والخطوط ونصائحكم ربي يحفظكم

بالنسبة لمدة ثلاثة ايام كلمني فيها
واحد من الزملاء قال ليا كافية لاني ما بمر في فرنسا الا باريس فقط
وبالنسبة في المانيا بروح ميونخ يمدحوها كثير
والنمسا معلوماتي فيها قليله

اخوي ابوتميم حتى ايرلاندا غير مناسبه لخط سيرك لان اذا تبي توصلها لازم تمر بريطانيا !! وبينك وبينها مسافه مو قليلة
اعتقد والله العالم ان اللي شار عليك يقصد احد الدول الاسكندنافيه هي الي تقدر توصلها من فرنسا او من المانيا
ياليت تشوف خريطة اوروبا وتحدد الدول بناءاً على نظرتك وليس بالسمع فهو لايكفي
ثاني شي ياخوي 3 ايام لكل دولة ماتشوف انها ماتكفي ؟ خاصة المانيا اوروبا فدولها كبيره ومترامية الاطراف
تحتاج اخي الكريم لقراءة التقارير واخذ فكره مبدأية عن الدول المراد زيارتها وتحديد اماكن السكن وتحديد الاوقات ومنطقة الوصول والعودة ووسيلة التنقل
واي خدمة نحن بالخدمة
تحياتي

خلك من نيوزلندا وايرلندا وبسوي لك خط سير خفيف وممتع ومجربته شخصيا
فيينا 3 ايام
ستراسبورغ يومين
زيلامسي 4 ايام
ميونخ 3ايام
وبالطياره لباريس 3 ايام والعوده منها للوطن
اسبوعين حلوين وجوله اوربيه بين 3مدن انت اخترتها النمسا والمانيا وفرنسا
المسافات حلوه مو بعيده وتقدر تستأجرسياره