وعليكم السلام ورحمة الله
من وجهة نظري لا انصحك بالباصات ( لعدم التقيد بالمواعيد اولا و الاستهتار من قبل بعض الشباب تخيل اخي الكريم سافرت مرة من دمشق الى اللاذقيه بالباص الله لا يوريك شباب مسخرة على كيف كيفك اغاني على اخر صوت وتدخين ....... واحيانا يرمونك اخر الباص بحجه ان المقاعد الامامية محجوزه )
هذه تجربتي اخي الكريم ولن اكررها مرة اخرى
رحلة سعيدة اخي مثنى ...........
وعودا سالما ان شاء الله

اخوي مثنى انا جربتهم مرتين مره رحله لشمال سوريا ( اللاذقيه طرطوس وحمص وكسب وراس البسيط ..... وغيرها ) والمره الثانيه رحله لتركيا الرحلتين اعطيهم 75% وانت اختار المكتب السياحي الزين ورح معه ميزة البرامج حقتهم انها تامن السكن لك والثانيه توديك لاماكن لو بغيت تروح لها بالحالك راح تكلفك كثير هذا اذا عرفت اصلا الاماكن هذي .
وانا عندي اسم مكتب سياحي كل الرحلتين هذي معه رجال كان صادق معنا اذا حبيت اعطيك رقم المكتب وكلمه قبل لاتروح وشف البرامج اللي عنده
واتمنى لك رحله سعيده

اخوى اذا معك عائله والشركه التى ستسافر معها .يغلب على ركابها العزاب الشباب تر راح تلاقى عدم الراحه .ازعاج+دخان+توقف+ربما خلافات.بعض الشركات توفق فيها لكن انت وحظك لكن لم توضح انك ستنتقل او تروح مثلا شمال ثم ترجع الى مكان الاقامه بدمشق او ريفها .

الأخ مشاري / ياليت تكتب لنا اسم المكتب وعنوانه
ولك فائق التحية
اخوك الساحل الغربي

الرأي تستاجر سياره عليها تأمين من أناس محترمين...وتتمشى انت وعائلتك في شمال سوريا...ليله بطرطوس واربع بصلنفه ..وكسب وغيره...وأي مكان يعجبك وقف السياره ونزل عفشك..انا توي جاي ومطبق هذي الفكره وهي رائعه بكل المقاييس تسلم من الناس وحكيهم...وتعيش مع عائلتك تمامآ. اصحى لا تستاجر مع سواق اوغيره....الباص ماعندى فكره عنه ولايمكن العائله ترتاح فيه...في نظري.
واللي يسأل مايضيع..والاخوه في سوريا ما يقصرون في الارشاد في الطرق واذا ضعت في مدينه كبيره كدمشق خذ تكسي وخله يمشى قدامك وعطه على العداد او مائه ليره.
خذ فكره عن خارطه سوريا.......وطرقها وتوكل على الله...هذا مااظنه وما طبقته والله اعلم .

مشاري لو سمحت ممكن تكتب لنا اسم المكتب ورقمه وعنوانه

هلا بالشباب ... ابشركم توني واصل قبل ساعتين من بلاد الشام https://artravelers.com