الحمد لله على السلامة ، و متابعين معكم .
تحياتي ،،،

حمد الله ع السلامه
يارب تكون انبسطت في مصر
في انتظار تقريرك

اعود اليكم
ابدأ قصة هذه الرحله معكم ..
قبل عدة اسابيع اخبرني ابو عمر
الاخ والصديق الغالي على قلبي
بانه سيغادر للقاهرة لانهاء بعض الاعمال
في يوم الخميس 8/10
ومن هنا بدأت فكرة الرحله تجول بخاطري
ومازاد من رغبتي في السفر
هو انني لم اسافر منذ اكثر من ثلاث سنوات
وانا مشتاق لمحبوبتي مصر
فهي الخيال والجمال
والمكان الذي احب السفر اليه دون سواه
وذكرياتي هناك تعن علي دوما بالعودة اليها
فمنذ سنين تعدت العشره لم اغب عنها اكثر من ثمانية اشهر
حتى غبت عنها بعد آخر سفره اكثر من ثلاث سنين
ومن هنا بدأت التجهيز والترتيب
حتى اقترب الموعد واذا باولى المفاجآت تدق بابي
وهي ان السفر سيتاجل اسبوعا
دايم : طيب ليش يابو عمر ؟؟
ابو عمر : والله اخويه يوسف لازم يسافر للقاهرة عشان
امر ضروري بينتهي منه هناك ويرجع ..
طبعا انا بجد متضايق
وبنفس الوقت اقول : لعلها خيره من رب العالمين ..
وراح الاسبوع ولم يسافر حبيبنا يوسف
واسأل حبيبنا ابا عمر فلا يجيبني بما يريحني ..
وفي ثاني مفاجآت رحلتي هذه وكانت في
يوم الجمعة التاسع من اكتوبر ابلغني ابا عمر
بان يوسف الغى السفر واننا سنسافر غدا السبت
يخرب بيت هاللخبطه الي بهالرحله ..
دايم : يعني بكرا .. اللي هو السبت بكرا ؟؟
ابو عمر : ايوه ياحبيبي بكرا .. معايا ولا اسافر لوحدي ؟؟
دايم : مدري والله يابو عمر .. خليني افكر واردلك خبر ..
ابو عمر : طيب انا بكرا بحز واشتري تذاكر وقبلها اتصل عليك
عشان تعطيني خبر نهائي .. طيب ؟؟
دايم : طيب يابو عمر ماشي ..
اعود اليكم لاخبركم بما حصل معي ..

مراحب منتظرين شكلها مشوقه هالرحله من اولها

الحمد لله على سلامتك واكيد بتوافق على كلامي ان الجو كان في مصر روعه خصوصا في شهر اكتوبر ..
تحياتي لك .
رزين العقل

سجلني معك ....والحمدلله على السلامة

متابعين معك 00 والحمدلله على السلامة ،،،

اعود اليكم
في يوم السبت العاشر من اكتوبر
وبعد مداولات في الليلة الماضية قررت
السفر مع ابا عمر وحزمت امري
واتصل بي صباحا واخبرته بانني ر فيقه في السفر
فقام بالحجز وشراء التذاكر على ان تكون رحلتنا
الساعة 9.30 مساء من جده للقاهرة على السعودية
وبدأت احضر حقيبتي واغراضي ونفسيتي ايضا ..
القاهرة
مصر ام الدنيا
ذكرياتي .. ايامي .. آآآآه يامصر ..
وانا في هذه الحالة من النشوة والفرح
وتقريبا عند الساعة الثانية ظهرا
يصلني اتصال من ابو عمر العزيز ويعلن المفاجأة الثالثة
ابو عمر : احنا بنأجل السفر كم يوم ..
دايم : لا
خير ايه الي حصل ؟؟؟؟
ابو عمر : اخويا يوسف لازم يسافر لامر هام ..
دايم : ياحبيبي ماقلنا خلاص ماحيسافر ؟؟
ابو عمر : صحيح بس ابن عمتي محمد اتصل
وقال لازم يوسف يجي القاهرة عشان موضوع مهم ..
طبعا انا محبط جدا جدا جدا ..
وغاضب .. وحزين .. ومدري كيف اوصف حالتي ..
المهم عرض علي ابو عمر ان اسافر مع يوسف
وهو سوف يلحق بي بعد عودة يوسف
الا انني رفضت لارتباطي بالسفر معه ولان يوسف
سيكون مشغولا اعانه الله لانهاء عمله هناك ..
وهكذا قررت الهدوء ..
والتوقف عن احلامي مؤقتا لحين السفر فعلا ..
وبعد هذا بساعة ونصف
ههه
والله هالسفره عجيبه غريبه ..
اتصل بي يوسف وطلب مني السفر معه
لحين عودته وسيوافيني ابو عمر بعد ايام ..
ياربي .. وش هالحاله اللي انا فيها ؟؟؟
رفضت طبعا
ولكنه الح واصر وساعده ابو عمر بالضغط علي
وبعد عدة جولات وصولات وافقت على السفر مع يوسف ..
على ان يلحق بي ابا عمر بعد عدةايام ..
ورجعت وتجهزت وانا ادعو الله ان لاتحدث مفاجأة
اعود بعدها ادراجي وانهي تجهيزي كما بدأته ..
اعود اليكم لاخبركم بما حصل معنا من مفاجآت جديدة ..

الله يعينك سفرة اعصاب مو ريلاكس للقاهره الله يعينك احباط نفسي
وذبذبه مالها حد لوانا يبدأ معاي الوسواس القهري يلعب دوره يمكن يصير لي شئ بهالسفره يمكن بموت بالطياره
انا بالوسواس السفري عجيبه ههه
منتظرين اخر الاحداث بالسفره العجيبه ههه