az3eem
17-10-2022 - 02:59 pm
السلام عليكم ورحمة الله وبركاته
الى أخواني وأخواتي أعضاء العرب المسافرون تحيه من أعماق القلب
الحمدلله سافرت الى القاهره واحلا اسبوع مر علي
نزلت القاهره في فندق الكونراد واهو فندق جميل وعائلي بحت
في البدايه كنت متخوف من الوضع الأمني ويوم نزلت مطار القاهره كنت اقول اللحين اذا طلعت من المطار راح اواجه دبابات ومدافع وكل كيلو نقطة تفتيش
لأنه كثرت الأشاعات من عبر وسائل الأعلام والكلام الزايد والكل كان يقول لي يارجال لاتروح انت منت صاحي
المهم توكلت على الله العلي القدير وحجزت ونزلت مصر
ولما نزلت المطار كان منتظرني سواقي الخاص ابواحمد واهو من خيرت الشباب رجل لا نزكيه على الله لكن يستحق الثناء
واول ماركبت مع بالسياره كان يوم الخميس الساعه 7 ليلاً
قال وين عاوز نروح قلت له مررني على ميدان التحرير ومن ثم فندق الكونراد ابي اتطمن ابي اشوف الوضع اذا اوكيه كملت الكونراد واذا يخوف الوضع رجعت المطار ورجعت الكويت
للأمانه مرينا من عند ميدان التحرير والوضع الأمني جدا طيب مجتمعين على الدوار ويبعون شاي وعددهم مايتجاوز 100 شخص وماخذين راحتهم ولا احد له شغل فيك
المهم كملنا الفندق ورحبو فينا بكل حفاوه
بعدها نمنا لكي نقوم في الصباح الباكر وفريت القاهره كلها بصراحه السنه هذي غير
لعدة اسباب البلد رخيصه الى ابعد الحدود مونفس كل سنه
والشوبنق كل المحلات مسويه خصومات موطبيعيه لانه انضربت السياحه عندهم السنه هذي وناس تبي تبيع بس بأي سعر
والمطاعم فاضيه تختار الطاوله الي تنقيها ماعندك احد
يعني بالعربي البلد فاضيه من الخليجين عدد بسيط واغلب السواح الي واجهتهم اجانب
الي يبروح مصر توكل على الله ولاتخاف انا من قبل اروح كنت متخوف لكن للأمانه الوضع مشاءالله مستقر وطيب
حبيت اكتب الموضوع هذا للجميع للاني من قبل لا اسافر كنت ابحث عن المواضيع المتعلقه بالوضع الأمني
وقلت اكتب الموضوع لكي تعم الفائده للجميع
وأسال الله العلي القدير ان يديم الأمن والأمان الى بلاد المسلمين جميعا
وأي استفسار انا في الخدمه
دمتم بحفظ الله ورعايته
وفعلا مثل ماتفضلت اخي الكريم
وسائل الاعلام دائما ماتكبر الشي بل وتضيف عليه الكثير الكثير من الكذب والغش ..
وفعلا انا عدت قبل شهر ونص يمكن الوضع جدا رائع
وانت الحين بعد الله يبيض وجهك ماقصرت وطمنت الاخوان على الاوضاع
والحمد لله على سلامة الوصول
ودي