بسم الله الرحمن الرحيم
- *الرجاء تثبيت الموضوع لأهمية وتكرار الأسئلة**
نصيحة:^^إليكم أيها المسلمون حافظوا على الصلاة واعلموا أن الله يراكم في السر والعلن
وستحاسبون على كل كبيرة وصغيرة.^^
الحمد لله والصلاة والسلام على رسول الله
أما بعد...
أنا طالب بالصف الثالث ثانوي لدي مجموعة من الأسئلة أتمنى الإجابة عنها
للذين ذهبوا إلى أمريكا بعد الثانوية للدراسة وغيرها...
س1) أخلص إنشاء الله السنة هذي من ثالث ثانوي متى تفتح البعثات؟أخوي بثاني ثانوي
إذا تخرج إنشاء الله بتكون فيه بعثات؟ هل أقدر أختار أي مدينة أبغاها؟
س2) ما هي شروط البعثة؟هل هناك نسبة دراسية معينة؟
س4)هل للعائلة شروط لي؟
س5) ما الأفضل السكن عند عائلة أم في سكن الجامعة؟ٍمع السببٍ
س6) كم مكافئة الطالب؟ومتى تصرف له؟وهل يختلف أذا كنت عند عائلة؟
س7) بكم إيجار السكن تبع الجامعة وهل معي أحد؟هل أقدر أخذ سكن لوحدي(بكم الإيجار لوحدي)
وبكم الإيجار عند العائلة؟
س8) هل الإنترنت ببلاش في السكن إذا كان برسوم بكم تقريبا؟ وعند العائلة هل يوجد وبكم؟
س9) أول سنة بدرس انجليزي ما أدري كيف الدوام من الساعة كم للساعة كم؟
ثانيا: أسئلة عامة
س10) هل الأسعار غالية في أمريكا من المواد الغذائية وغيرها؟تختلف عن السعودية؟
س11) أنا ناوي أشتري همر إنشاء الله إذا كان بالسعودية ب 250 ألف ريال بكم بأمريكا تقريبا؟
وبكم أقدر أشحنة للسعودية؟
س12) كيف تعامل الشعب الأمريكي مع السعوديين بعد الأحداث؟
س13) هل هناك مضايقات في الشارع هل توجد سرقات(متأثر بالأفلام)؟
س14) متى الأوقات أقر أطلع فيها أتمشى بحسب رايكم من الساعة كم إلى الساعة كم؟
أنا داري كثرت عليكم أسئلة ونشاء الله ماتقصرون
(أتمنى من الذي لاتنام عينة أن يوفقكم ويسدد خطاكم وأن يجمعنا في الفردوس الأعلى
وصلى الله على نبينا محمد وعلى آله وصحبة أجمعينا)
إذا تخرج إنشاء الله بتكون فيه بعثات؟ هل أقدر أختار أي مدينة أبغاها؟
تفتح في 1/4/1427 وان شاء الله يكون فيه السنه الجايه ودول اكثر
س2) ما هي شروط البعثة؟هل هناك نسبة دراسية معينة؟
ايه العلمي 85% وقدرات 65
الشرعي 85% وقدرات 65 واذا قدراتك فوق 75 يتجوزن عن نسبه الثانوي ويقال انهم ينزلون النسب الى 80%
س4)هل للعائلة شروط لي؟
غالبأ لا انت الي تتشرط
س5) ما الأفضل السكن عند عائلة أم في سكن الجامعة؟ٍمع السببٍ
فيه موضوع نقشوه الاعضاء لكن والله ما ادري وين رابطه
المهم ان العائله اذا انت ماتقدر تدبر امورك بيساعدونك و انها ارخص من السكن الجامعي او شقه
وكذالك هي اريح في بدايه وانت ماتعرف شئ في الديره اما السكن عند الجامعه فهو اغلى ولكن
يساعدك في تعلم اللغه اكثر و ولكن يحتاج انت الي تخلص امروك بنفسك
س6) كم مكافئة الطالب؟ومتى تصرف له؟وهل يختلف أذا كنت عند عائلة؟
الى الان الاشاعات تهب في هواء ومكافئه 1217 دولار تصرف كل شهر هجري 25 < زي موظفين في السعوديه وكذالك لاتختلف عن السكن في عائله او حتى في قصر
س7) بكم إيجار السكن تبع الجامعة وهل معي أحد؟هل أقدر أخذ سكن لوحدي(بكم الإيجار لوحدي)
وبكم الإيجار عند العائلة؟
السكن يختلف من مدينه الى مدينه اخرى ( حدد مدينه الي تبي)
والجامعه سكنها كل شئ مشترك حمام وانت بكرامه ومطبخ والنوم ممكن يكون معك واحد
و فيه نظام عندهم تقدر انت وواحد تتفقون وتاخذون شقه صغيره اذا انت بتدرس انا افضلها
س8) هل الإنترنت ببلاش في السكن إذا كان برسوم بكم تقريبا؟ وعند العائلة هل يوجد وبكم؟
الانترنت تحصله تقريبأ بكل بيت من العائله و كذالك اذا هو موجود يعطونك سلك لك
س9) أول سنة بدرس انجليزي ما أدري كيف الدوام من الساعة كم للساعة كم؟
اغلب الدومات من 8 الى 1 وطبعأ خذ قبول المشرط من الجامعه يعني تضمن تطلع من
المعهد وتدخل الجامعه
ثانيا: أسئلة عامة
س10) هل الأسعار غالية في أمريكا من المواد الغذائية وغيرها؟تختلف عن السعودية؟
فيه موضوع في البوايه الرئيسه عن اسعار المئكولات والمشروبات وكذالك
تختلف قيمه الضريبه من ولايه الى اخرى وكل ماصغرت والولايه كل مارخصت
س11) أنا ناوي أشتري همر إنشاء الله إذا كان بالسعودية ب 250 ألف ريال بكم بأمريكا تقريبا؟
وبكم أقدر أشحنة للسعودية؟
والله اذا عندك استطاعه ماليه اشتر همر لكن ما انصح به لن اغلب جدولك بكون مشغول ماعندك
وقت للطلاعات والروحلات والفله الى في ويك اند وغير كذا لاتنسى جمارك السعوديه بتاخذ حقها
ولا تنسى ان الموصفات السيارات تختلف من السعوديه الى امريكا في بعضها
س12) كيف تعامل الشعب الأمريكي مع السعوديين بعد الأحداث؟
التعامل جيد جدأ وكل سنه احسن من سنه ولكن اذا احترمت نفسك يحترمونك لوك تكلم اكبر يهودي
س13) هل هناك مضايقات في الشارع هل توجد سرقات(متأثر بالأفلام)؟
نفس الشئ ولكن ليست بصوره زي الافلام واهم شئ تنام مبكر ولافيه سرقات في النهار الى ماقل
واحرص على اختيار الولايه الهادئه
س14) متى الأوقات أقر أطلع فيها أتمشى بحسب رايكم من الساعة كم إلى الساعة كم؟
الوقت عندي الى الساعه 9 الليل الى في الويك اند فلها
أنا داري كثرت عليكم أسئلة ونشاء الله ماتقصرون
(أتمنى من الذي لاتنام عينة أن يوفقكم ويسدد خطاكم وأن يجمعنا في الفردوس الأعلى
وصلى الله على نبينا محمد وعلى آله وصحبة أجمعينا)
ويعطيك العافيه خيوو وسعد بسالتك والله ومنور يبو داحم