السلام عليكم ورحمة الله وبركاته ::
حياك الله اخوي نايف ..والمعذرة للتأخر بالرد .
اولا مخططك ما شاء الله جميل ومتناسق ..وجمعت فيه احلى المناطق والانشطة .
السكن يعتمد على المتوفر في تواريخ سفركم ..وعلى الميزانية ايضا
وانصحك بالاطلاع عليها في بوكنج .
بالنسبة للسيارة قرار سليم ..والله يعينك على السعر راح يكون اغلى شويتين لأنك راح تسلمها وتستلمها في دولتين مختلفتين.
وانصحك بسيكست وشوف اسعارها .
بالنسبة لفرانكفورت ..موعد وصولك جيد ..وممكن تنزل على شارع تسيل (او زيل) التجاري المشهور وتتمشى فيه الى نهاية النهار.
رست ثلاثة ايام ..اليوم الاول والثاني للالعاب ..واليوم الثالث لبادن بادن وستراسبورغ .
ثم مرورا على شلالات الراين ولوزيرن ..توصل انترلكن .
اليوم اللي بعده لزيارة شلال التروميل باخ + قمة اوروبا .
اليوم الثالث لزيارة مصنع الشوكولاتة نستله ومصنع الجبن وقلعة جريير .
اليوم الرابع لزيارة كهوف ساينت بيتس الملحية + بحيرة الاوشنسي والزحليقة + بحيرة البلاوسيه .
وتوجد العديد من الانشطة ...وهذه كمقترحات .
لوقانو يوم الوصول ..وممكن المرور على نهر فيرزاسكا ثم التمشي في سنتر وشاطي لوقانو .
اليوم الثاني لزيارة الميني سويس سويسرا المصغرة ..واذا ودك تزور اوتلت الفوكس تاون .
مرورا على كومو الجميلة ..توصل ميلان وتتمشى في السنتر والاسواق .
واليوم الثاني ..ممكن تخليه في ميلان ..او تروح بالقطار الى فينيسيا وترجع في نهاية اليوم .
انصحكم بالاطلاع على هذا الرابط لمزيد من الانشطة :
عالم من الاحداثيات ..سويسرا وما جاورها https://artravelers.com
اتمنى قراءة دليل سويسرا السياحي ..فيه معلومات جدا جميلة .
وشوف االانشطة اللي تناسبك ..والباقي علينا باذن الله .
وفي انتظار ردك
وبالتوفيق أخوي نايف.

اخوي medo 77 بيض الله وجهك وربنا يوفقك دنيا واخره
بالنسبة للسيارة بصراحه تكلفتها عالية شويتين بس انا افضل التنقل الحر حتى استطيع التمتع بالمناظر .
بالنسبة للسكن انا حاط ميزانية للسكن فاليوم 700 ريال واهم شي السكن يكون نظيف ومازال البحث جاري عن السكن .
حجزت في فرانكفورت في فندق Steigenberger Frankfurter Hof لقربه من شارع تسايل
بالنسبة لانترلاكن انت ذكرت لزيارة شلال التروميل باخ + قمة اوروبافي رايك القمة ماتستاهل يوم كامل خاصة ان الطلوع والنزول تقريبا 4 ساعات حسب ماقرات في بعض التقارير.
هل توجد قمة اخرى تنصحني بزيارتها ام ان قمةJungfrau اليونفروخ تكفي.؟اما بالنسبة للاوشن سي فانا صرفت النظر عنها لطول المسافة مشيا للوصول اليها
اريد ان اضيف البحيرة الزرقاء حسب طلب الدام فاي يوم تعتبر البحيرة على نفس الطريق
وايضا اذا ممكن في نظرك هل احتاج لبطاقة السويس باس للاماكن المراد زيارتها في انترلاكن .
سوال اخير انا اصدرت بطاقة من البنك الاهلي ماستر كارد مسبقة الدفع وطبعا الارقام اللي عليها مطبوعة وليست محفورة هل هذه البطاقة مقبولة في اوروبا ام لا؟؟
شكرا على مساعدتكم واسف على الاطالة
في انتظار ردك والله يعطيك العافية

ووجهك ابيض اخوي نايف ..والله يسهل لكم سفرتكم ..وترجعو سالمين ..
بالنسبة لاختيار فندق فرانكفورت ..ما شاء الله ..اختيار موفق جدا .
نجي لقمة اوروبا ..والله تستاهل كل ساعة تقضيها فيها ..وتستحق كامل اليوم .
مو يعني كامل اليوم ..اخر موعد نزول القطار قبل الساعة 6 ..وعندك وقت الى مغيب الشمس تقدر تسوي رحلة بحرية في بحيرة ثون او تتمشى في السنتر او على ضفاف احدى البحيرتين .
القمم الثلجية المميزة القريبة من انترلكن ..قمة ااوروبا ..وقمة التتلس .
اللي بإمكانك اللعب في الثلج .
قيمة تذكرة اوروبا 170 فرنك
وتتلس 90 فرنك .
اوروبا فيها كهف جليدي وعلى ما اذكر اربع مطاعم .
تتلس فيها واحد على ما اعتقد .
الطلوع لقمة اوروبا مرحلتين ..الاولى الى كلاين شتج ..وهي قرية جميلة خالية من السيارات وتتمشى فيها شوي على بال ما يجي القطار الجبلي اللي يطلعك للقمة .
تتلس على ثلاثة مراحل ..الاولى بالتلفريك ..وما تنزل منها ..تبقى في التلفريك .
المحطة الثانية الى بحيرة التروبسي ..وهذه تزورها في الرجعة وانت نازل .
وراح تعمل تبديل وتطلع بالتلفريك الدوار ..ثم توصل التتلس .
الانشطة الثلجية في كلا القمتين متشابة الى حد ما .
السنة هذه في التتلس شفتهم شغالين يسوون كهف ثلجي بس على قد حاله ..مو زي حق اوروبا .
حق اوروبا متعوب عليه ..وعندك الصور في النت ممكن تطلع عليها .
فالبعض يشوف ان التتلس مناسب ..لأن وده فقط مشاهدة الثلج ..وبسعر معقول .
ولك الخيار .
واذا حطيت التتلس في الخطة ..راح يتعدل الجدول شويتين .
=========
الاوشنسي ..لألألأ ..صحيح البحيرة بعيدة عن محطة التلفريك اللي فيها الزحليقة ..لكن المشي اليها جدا جميل .
واصلا توجد حناطير اللي تجرها الخيول ..تودي وتجيب من والى البحيرة ..اذا ما ودك تمشي ..بسعر رمزي .
يعني لك الخيار .
وبحيرة الاوشن سي والبلاوسيه قريبتين جدا من بعض .
فتزور الاولى ثم الثانية الى نهاية النهار .
====
السويس باس هي بطاقة تعطيك حرية التنقل بالقطارات والباصات والترامات والبواخر في سويسرا كلها بشكل غير محدود في فترة معينة
تبدأ من 4 ايام .
وتعطيك خصم 50 % على القطارات الجبلية (مثل قمة اوروبا ) والتلفريكات .
وانا اشوف اذا معك سيارة ما تحتاجها .
ممكن تحتاج بطاقة السويس هاف فير كارد وقيمتها 110 فرنك للشخص ..اذا كنت ناوي تزور قمتين واكثر في سويسرا
وهي صالحة لمدة شهر .
وتعطيك خصم 50 % على جميع المواصلات والجبلية والتلفريكات .
بس يبغالك تحسبها مزبوط عشان تحللها .
============
للأسف ..البطاقة المطبوعة ما تمشي لأنها يعتبرنها ديبت كارد ..وليست كريديت .
وممكن تراجع البنك يصدرولك وحدة محفورة .
والا ما راح يسلموك السيارة بتاتا .
==========
وخذ راحتك اخوي في اي شي ودك تستفر عنه .
وفي انتظار ردك الله يعافيك

السلام عليكم ورحمة الله وبركاتهاخوي والله اعتذر على الاطالة بس اتحملنا شوي.
انا رحت اليوم للبنك الاهلي وافادني الموظف بأن البنك اوقف اصدار البطائق المحفورة والان يصدروا بس المطبوعه .
رأيك هل اتوكل على الله واحجز بهذه البطاقة وانا اخذ احتياط في حدود 1000 يورو كاش أو اروح لبنك اخر واصدر بطاقة ثانية مسبقة الدفع .
مع العلم ان موظفي البنك مصرين ان البطاقة مقبولة في اوروبا بهذا الشكل .
وبالنسبة للجدول ان شاء الله راح انزل اخر مااستقر عليه حتى يستفيد الغير منه بعد رأيكم .
ولك ولوالديك ومن يعز عليك الجنة يارب

عدم قبول البطاقه المطبوعه في بعض فروع السيارات يعود الى سببين الاول هو عدم توفر الاجهزه الحديثه القارئه لهذه البطاقات (ربما انها الان توفرت في معظم الفروع )
السبب الثاني ومع توفر الجهاز ربما الموظف لا يعرف استخدامه او موظف سيء والدليل السنه الماضيه احد اقاربي نزل بمطار جنيف وكان حاجز سياره من اليورب كار وعندما قدم البطاقه رفضتها الموظفه مباشره فقال لها انا استخدم البطاقه في كل مكان وفي بريطانيا خصوصا لاني عايش هناك حاليا واستأجر منها سيارات وجميع مشترياتي بها فكيف ما تقبل عندكم ممكن لو تكرمتي تجربينها فرفضت طلب مدير الفرع وشرح له الوضع وكيف انه يستخدمها في كل مكان ويستاجر بها سياره ..الخ وهنا ترفض وجميع حجوزات سكني في مناطق ريفيه تعتمد على السياره وبكل بساطه يتم رفض البطاقه حتى بدون التكلف بتمريرها على الجهاز ؟؟!!! اخذها مدير الفرع ومررها على الجهاز وقبلت التفت على الموظفه ووبخها بشده وتأسف من صاحبنا
نستنتج من هنا ان السبب ليس بالبطاقه ولكن هل تضمن ان يتساعد معك مدير الفرع بعد ما يقفلها بوجهك الموظف ؟؟!!!

شروط الايجار اخوي نايف عند استئجار السيارة واضحة ..
جواز السفر + رخصة سارية المفعول (بالاضافة الى الرخصة الدولية) + بطاقة ائتمانية .
المسبقة الدفع ليست ائتمانية ..والكثير تورط في استعمالها .
والمجرب ان المسبقة الدفع اذا كانت محفورة الارقام ما تفرق عن الائتمانية في الشكل ..لكن المضمون يختلف ..والموظف ما راح يدري .
انت لو تتصل على اي مكتب ايجار وتقول له بستأجر بالمسبقة الدفع في اوروبا يقولك.. مش ممكن .
فاذا انت على استعداد انك تغامر وتجرب حظك ..شي راجع لك ..لكن لو انا مكانك ما اسويها ابدا .
اخلي بطاقة تخرب علي مخطط الرحلة ..لألألألأ .
ولا حتى يقبلون كاش ابدا .
عاد تخيل ماخذ كوخ في الريف ..وما توصله الا بسيارة ..عاد ساعتها تضطر وتعيد حجوزاتك من جديد ..لأن تنقلاتك صارت بالقطار .شوف الراجحي او البلاد او الانماء ..ان شاء الله تلقى .
وبالتوفيق

daayem1 & medo77
الله يسعدكم دنيا واخره .
ان شاء الله حشوف بنك ثاني وبطاقة ثانية ولا تخرب الرحلة تقبلوا تحياتي .
ألف شكر من القلب والله يجزاكم بكل خير وكل من يقوم بهذا الموقع ولكم مني الدعاء.

السلام عليكم ورحمة الله وبركاته في البداية شكرا من القلب للجميع على تحملكم وبالاخص daayem1 & medo77
تم اصدار بطاقة فيزا من البنك الاهلي وان شاء الله ححجز بالبطاقة مسبقة الدفع واذا الفندق ماوافق عليها راح اسدد وقتها بالفيزازعدنا لكم من جديد باستفسارات ارجو منكم تحملها
بالنسبة للفنادق ارجو منكم اعطائي نصائحكم:
منطقة روست هل اسكن في نفس القرية او قرية مجاورة لها ؟؟بعد البحث وجدت هذه الفنادق واعجبتني بس حاب اعرف رأيكم في المنطقه الموجود فيها هذه الفنادق كيف الطريق منها الى الملاهي وكيف الامان فيها؟؟
Pension Kuhn و Parkhotel Europa و Hotel-Restaurant Adler و Les Prés D'ondine و Taome Feng Shui Stadthotel Breisgau
منطقة انترلاكن فندق Hotel Restaurant Gloria , ويوجد بعض المواضيع تنصح بالسكن في منطقة thun لو مملكن ترشحولي بعض الفاندق بسعر معقول في حدود 800 او اقل .
منطقة لوجانوا مازال البحث جاري عن فنادق . وميلان ان شاء الله احصل فندق قريب من منطقة الدومو
اشكركم من قلبي في انتظار ردودكم لاحرمكم الله من الجنة

الحمد لله السياره مفيده وخصوصا في اختيار السكن لذلك بوجود السياره انتهز فرصة العروض حتى لو يبعد الفندق نصف ساعه اهم شيء يكون تقييمه عاالي وسعره مغري وبالنسبه للامان هناك الامن قووي وخصوصا بالارياف كلن في حاله ولعلمك هناك فنادق رائعه وسعرها منخفض بسبب بعدها عن الاماكن الحيويه واغلب الناس تستخدم النقل العام لذلك احيانن تجد فنادق رديئه وسعرها جدا عالي بسبب وقوعها في السنتر او بقرب مكان سياحي مشهور وانت متجول بالسياره فالفندق القريب من اليورب براك سيصبح بعيد عن بادن بادن وستراسبورغ والعكس صحيح لذلك ابحث عن موقع متوسط بينهم وسعر مغرري تحياتي