المخطط حلو ... بس فيه شئ غلط بالتواريخ
لما تحسب عدد الايام على التواريخ بتطلع أكثر من الي كتبتيه
مثلا بتوصلون 23 جون إلى مدريد ثم يوم 27 تروحون برشلونة وكاتبة مدريد 3 ايام و هي بالحقيقة 5 ايام
اللي مرا مو مرتاحه منه ايام غرناطه وش راييكم وفضلت المبيت كل الايام بغرناطه عشان التنقل صعبه؟؟؟ انا مو هدفي من الجنوب الا غرناطه وقرطبه ؟؟
وهل الرجعه لمدريد بالطياره احسن من القطار عن طريق قرطبه ؟؟
ما اشوف فيها مشكلة لو ترجعون بطيارة من غرناطة بس احس عدد الايام قليل
المفروض
يوم الأول : الوصول و تجول في غرناطة
اليوم الثاني : مخصص إلى القصر الحمراء (ولازم شارين التذاكر قبلها بمدة)
اليوم الثالث : الذهاب إلى قرطبة و زيارة معالمها ثم العودة إلى غرناطة
اليوم الرابع : السفر إلى مدريد

dmdo0om
5 أيام كثير على برشلونة
أنا أفضل أنكم تأخذون يوم منها وتحطونه في قرطبة بعد غرناطة وتسافرون لمدريد من قرطبة مباشرة بالقطار بدون ما ترجعون لغرناطة

1. السلام عليكم

السلام عليكم

اخوي الليل والنهار انا ايام السفر ما احسبها لانه مارح نستمتع فيها بيصير نشيل عفشنا ونروح للمكان يعني 23 جون وقت جيتنا من الرياض و27 جون من مدريد لبرشلونه فالآيام الفعليه اللي بنقضيها في مدريد 24 و25 و26
اهلي يسوون ازمه وقت الوصول والمغادره خ عشان كذا ماحسبتهم
يوم الأول : الوصول و تجول في غرناطة
اليوم الثاني : مخصص إلى القصر الحمراء (ولازم شارين التذاكر قبلها بمدة)
اليوم الثالث : الذهاب إلى قرطبة و زيارة معالمها ثم العودة إلى غرناطة
اليوم الرابع : السفر إلى مدريد
ايواا هذا اللي ابيه
3 جولاي: الوصول لغرناطه والتجول فيها
4 جولاي: زياره قصر الحمراء
5 جولاي: الذهاب الى قرطبه وزياره معالمها ثم العوده لغرناطه
6 جولاي: السفر الي مدريد
ماقصرت اخوي الليل والنهار الله يعافيك من جد شكرن
==========
اخوي زمان الله يعافيك ماقصرت
حتى انا شوي حسيت انه ايام برشلونه كثيره يعني مع ايام الوصول والمغادره صاروا 7 ايام انا قلت بساوي ايام برشلونه ومدريد
بس انا الحين لو زدت يوم فقرطبه يعني اقعد يومين بغرناطه ويومين بقرطبه
هل قرطبه تستاهل يومين من حيث الاماكن السياحيه وكذا ؟؟ غير مسجد قرطبه ؟؟
وبالنسبه للقطار من قرطبه لمدريد كم ساعه ؟؟ وهل هو سريع زي حق برشلونه ولا لا ؟؟ ومن غرناطه لقرطبه كم ساعه ؟؟
ومعليش بسآلكم شي ثاني عن القطار لاني غشيمه فيه انا دخلت الموقع http://www.renfe.com
بس ماعرفت كيف احدد لو ابي درجه اولى كيف اعرف الدرجات ماشفت فيه خيارات الا التواريخ ومدينه المغادره والوصول ؟؟
وبس شكرا

أنا أفضل أنكم تأخذون يوم من برشلونة
وتحطونه في قرطبة
بالتوفيق

أذا كذا ... الخطة ممتازة
بالتوفيق أن شاء الله

dmdo0om
قرطبة ما فيها كثير أماكن بس ممكن بعد تروحون لأشبيلية
والقطار من قرطبة لمدريد أقل من الساعتين وهو قطار سريع أما من غرناطة لقرطبة فلا يوجد حسب علمي إلا قطارين الأول الساعة 9 صباحا والثاني 6 مساء ويستغرق القطار حوالي ساعتين ونصف ( مافيه قطار سريع )
وبالنسبة للقطار لما تدخلي المدن والتواريخ يطلع لك بعدها الدرجات والأسعار

يعطيك العافيه اخوي زمان ماقصرت
قاعده افكر بقرطبه انه ننام فيها يومين ونزور اشبيليا بس للحين ما استقرييت
فجآه وانا اردد براسي غرناطه اشبيليا قرطبه هذي حواري في الرياض او مناطق خ ولا
وبالنسبه للقطار ايه عرفت الحمدلله بس مكتوب برفرنت وكلب وكلب الارقى يمكن برفرنت رجال اعمال وكلب هي الاولى
تحمست اجربه بس مرا اغلى من الطياره كلنا ال5 تقريبا ب 5000 ريال بس تفداهم
===
عندي سؤال عن الطيران لا هنتوا
الحين لو حجزت من اي موقع للطيران الداخلي هل لازم ادفع حق شنط غير حق التذاكر ولا هو اساسن بالاساس مسموح لكل راكب ب 23 كيلو بالعفش و10 كيلو داخل الطياره ؟؟؟ ولا ذي ال 23 لازم ادفعهم
وماعرف والله اي موقع طيران بس قريت انه لو حاسبتي في امريكان اكسبرس تدخلين شنطه زود وتصير 23 كيلو
ولو فرضت انا ابي ازيد مع العفش شنطه زود وابي ادفع حقها من الحين مب تطلعلي زياده لا جيت ارقى الطياره ؟؟ كيف هذي بعد ازيدها ؟؟
وآسفه على كثره الاسآله
وشكرا

بنسبة لحجز الطيران الأفضل تحجزون من الموقع الشركة نفسها ...

طيب هل حتى لو حجزت منهم نفسهم لكل شخص 23 كيلو بالعفش و10 كيلو جوا الطياره ماعندك اي فكره ؟؟