السياره خيار ممتاز
بخصوص توزيع الأيام أفضل يكون كالتالي:
يومين لوزرين
4 أيام انترلاكن
يومين زيرمات
6 أيام مونترو
يوم زيورخ

مشكورة اختى 6am 6am على مرورج وعلى هذا الرأي بس حبيت أعرف أكثر عن مونترو والمناطق القريبة اللي ممكن أسيرلها منها ، وبالنسبة لزيورخ إذا زدنا يوم فيها وخلناها يومين .
واتمنى من باقي الأعضاء انهم ما يبخلون علي برايهم .

أشكرج اختي 6am 6am على المرور ولو تكرمتي لو اتفيديني أكثر عن مدينة مونترو والمناطق القريبة اللي يمكن اني اروحلها وبالنسبة لزيورخ ازيد فيها يوم وتستوي يومين يعني أزيد يوم واحد على برنامجي .
كما أتمنى من باقي الأعضاء انهم ما يبخلون علي برايهم .

بخصوص مونترو و المناطق القريبه منها برنامجها مثل برنامج جنيف و لوزان في حال سكنت في أحدهم بحكم قربهم من بعض
https://artravelers.com

مشكورة اختى على الرد وبالنسبة للبرنامج إذا وزعت الأيام مثل ما نصحتيني فيه بس أضيف يوم إضافي للبرنامج وأخلي يومين من البرنامج لباريس ، فهل من الممكن أني أروح باريس عند نهاية المطاف ومن باريس أرجع إلى دبي ؟؟
وإذا يستوي إني أروح لباريس فشو هي الوسيلة المناسبة وبالنسبة للسيارة هل هي مناسبة وكم بتكون المسافة ما بين سويسرا وباريس .

اسمحولي على المداخله انا اشوف السكن في خمس مناطق الصراحه تعب لكم ومن ناحيه حمل ونقل الامتعه تعرف هناك بروحكم محد يساعدكم في ها السوالف حاول تختار ثلاث مناطق على الاقل ومنها تزور المناطق القريبه المجاورة ...اذا كانت عندكم سياره يعني انته بتسوق بيكون الامر وايد سهل واذا التنقل بيكون بالقطار حاول تعمل خدمة توصيل الامتعه طبعا من المحطة نفسها هذي الخدمه هم ينقلون لك الامتعه من المحطه اللي انته بتطلع منها الى محطة الوصول وتستلم الامتعه هناك من المحطه
انا من رايي السكن يكون في جنيف منها تروح الى مونترو زياره يوم تكفي ولوزان زياره يوم وترجع وعندك بعد المناطق الفرنسيه القريبه مثل انسي شامونيه افيان تصلح لزيارة يوم وترجع الخ
السكن في انترلاكن لانه فيها وايد اماكن سياحيه مثل الشلالات واعلى قمه ثلجيه المعروفه والبحيره الزرقاء وتقدر تزور لوزيرن يمكن 45 دقيقه فقط تخلي يوم كامل للوزيرن فيها بعد قمم ثلجيه تروحلها بالتلفريك مثل تيتلس.. وبيلاتوس وتقدر بعد من انترلاكن تروح يوم الى زرمات ويوم الى لوقانو اذا بغيت
السكن في زيورخ تروح حديقة الحيوانات هناك او تروح شلالات الراين (رهين فول) تقدر تروح الى المانيا يوروبا بارك ساعتين فقط من زيورخ وترجع نفس اليوم .......اذا بغيت يوورو دزني فرنسا تطلع من جنيف بس طبعا ابعد يمكن اربع ساعات
اذا عندك اي استفسار نحن في الخدمة ان شاء الله

ممكن تزور باريس بعد جنيف
تسلم السياره و تطلع بالقطار إذا مباشر 3 ساعات و نصف
لكن يومين ما هي مستاهله أقل شي 3 - 4 أيام

شكرا نور بوظبي على المرور الصراحة أنا معاك أن التنقل في أن السكن في أماكن كثيرة فيها شي من التعب ، المشكلة إني أول مرة أروح فيها أوربا فما أعرف المناطق ، بس إذا ما عليك أمر ممكن تقترح علي برنامج حلو استانس منه أزور فيها أهم المناطق اللي ذكرتها وما أفوت زيارة لباريس وان شاء الله ما تقصر معاي في رأيك .
وارجع أشكرك على مرورك واتمنى إني ما اكون مثقل عليك .

تسلمين 6am 6am على المرور وجزاج الله خير