موضوع رائع اخوي خالد
انا كنت من المؤيدين في سعودة وظائف الاستقبال ولكن بعد ماسمعت عن قصصهم وعدم الالتزام بأعمالهم واستهتارهم جعلني اغير رأيي . حيث الموظف السعودي لما يعمل في شقق مفروشة فأنة يعمل عمل مؤقت الى ان يجد عمل اخر ولذلك فانة لا يعطي عملة اي اهتمام حيث انة ياتي للدوام متأخر او لايأتي مما يؤدي الى تعطيل مصالح اصحاب الشقق.
وانا لاأؤيد سعودة الاستقبال وذلك بسبب عدم التزامهم في الوظيفة
والف شكر اخوي خالد على طرحك لهذا الموضوع
اخوك مسمار

1. والله اني انبسط لما ألقى واحد سعودي في فندق ولا شي


2. موقف صارلي

أكيد أؤيد هذا القرار وقرار سعودة جميع الوظائف
يا أخي شبابنا كلهم بالشوارع
صحيح ان هناك من الذنب على شبابنا مايبونا يشتغلون
بس فيه ناس مكافحة وتدور على الوظيفة والشغل مو عيب في اي مكان
واذا سعودت الوظايف حافظة على نظافة ورقي المرافق العامة مو شغل العمالة البنغالية
حيث تظهر اللامبالاة واللامراعاة للمرافق وسوء خدمتهم لها حتى وفي ارقى الاماكن واللي جرب شاليهات الهوليدي ان في الهاف مون يعرف هذا الشي

والله اني انبسط لما ألقى واحد سعودي في فندق ولا شي

موقف صارلي

كنت في هيلتون جدة ونزلت الفطور وكان في عاملين من المطعم على الامليت والبيض على الطلب واحد سعودي والثاني بنغالي السعودي الناس طابور عليه وابتسامة الشاب الطموح وكلماته اللطيفة مع الناس وتبادل الحديث اثناء عمله مع الزبائن بكل احترام والله الناس هي اللي تقوله لو سمحت ويعطيك العافية وماقصرت اخوي وهو يبادلهم نفس الشعور طبعا استنين لما الناس خلصت من عنده ورحت له انا لوحدي ويوم قابلني عرف اني اللي كنت طالب هوني مون والله ماتصدقون ايش سوا قام وخذني بدوره على البوفيه وهذا الشي الناس تحبه وهذا غير مرغوب فيه وهذا كذا وسوالف معاه والله الرجال حبيب انبسطت ان فيه سعوديين كذا المهم وقفت وسألته بصراحة في مواقف صارتلك أوتتحرج أو شي قالي والله بالعكس الناس زي ماشفت حتى الاجانب ينبسطون لما يشوفون واحد من عيال البلد (( اللي يبي يشوف الرجال الصح مو اللي قاعدين في بيوتهم يشوف موضوع الاخ جامعي في هيلتون جدة ويشوف صورت الرجال وكلام الناس عنه وكيف طموح الشباب)) المهم طلعت من جدة ورحت المدينة ونفس الكلام شبابنا عرفوا طريق النجاح بالكفاح وبديت اشوفهم بالفنادق في الرسيبشن والمطعم والروم سيرفس والسيكورتي والادارة.
والله انشرح صدري والله يوفق الجميع
أخوك/عبدالرحمن

أخي الكريم/ مسمار
أصابع يدك مو سوا
تخبيص ولد البلد في شغله حتى لو خبص يعرف انه وراه حقوق وتقاليد وآداب وانه مايقدر يخربها زيادة
لكن البنغالي والله شكلك ماسمعت قصصهم في برنامج99
ياخي يأجرون الشقق لحسابهم الخاص ويسرقونها ويبيعون اثاثها ومايعتنون فيها ويسونها أوكار دعا...
والله مايخافون لا من الله ولامن خلقه واذا تسفر ومنعوه من الدخول كلها سهرين يروح ويجيك بأسم جديد وجواز جديد
ومثل مايقول المثل (( أصبر على مجنونك لايجيك أجن منه ))
أخوك/عبدالرحمن

صراحة دحومي نادر جدا تلاقي بنغالي في استقبال الشقق المفروشة .. أغلبهم سودانيين ومصريين .. وفي جدة لاحظت نسبة السعوديين في ازدياد كبير .. وطبعا منهم المجتهد والمخلص ومنهم اللعاب ..

اللي لاحظته ان الموظف السعودي موجود لكنه للتغطية على القرار فقط
بحيث يكون هناك موظف أجنبي وغالباً عربي يقوم بالعمل الفعلي
ولكن السعودي تجده نائم في غرفة جانبية أو يجلس في الانتظار يتابع التلفاز
هذا ما رأيته بعيني في أغلب الشقق بعد العيد في زيارتي الأخيرة
وأعتقد أن المسألة تحتاج لبحث أكثر ودراسة عميقة
المشكلة أن التاجر أحياناً يقارن راتب الأجنبي بالسعودي وهذا خطأ
لو كان الراتب مغري فهذا سينجح العملية بإذن الله
مع ضرورة اختيار شخص مناسب وليس فقط لتطبيق القرار بأي شخص
لو كان لي شركات لبحثت عن شباب من أقاربي
حتى لو كان جامعي وأعطيه راتب مغري ونسبة من الأرباح
ولكن تبقى نظرة المجتمع بشكل عام سيئة للموظف السعودي
لذلك تكون الوظيفة مجاملة ولا تعطي الراحة والأمان للشاب السعودي
وهذا ينتج عنه التساهل واللامبالاة من أغلبهم

أخي الكريم TEMURUN
نعم في الاستقبال نادرا البنغالية لكن في الخدمات الاخرى من مطاعم تابعة للخدمات السكنية ونظافة وصيانة وغير ذلك
وأنا لا أريد سعودة الاستقبال وهو شخص او اثنين
بل الطاقم بأكمله
أخوك/عبدالرحمن

انا اتمنى ان السعودة تكون مطبقة بدل هالبنقالية..وابن البلد اولى ... ولكن
انا صادفت مواقف كثيرة في الشقق المفروشة الي سكنت فيها...جدة, الرياض, الخبر
وكان الموظفين سعوديين...وجدت البعض منهم...جاد في عملة ومثابر..وفعلا تحس ان سعودي
ابن بلد غيور ومحترم ويهتم بك كمواطن ويكسبك عميل دائم باخلاقة الراقية..
والبعض...كما سبق وقال الاخوان...مجرد تغطية بان هناك سعودة وغالبا يكون ابن صاحب الحلاال.
والبعض...مع الاسف الشديد... تلقاه مسوي صالة الاستقبال...مجلس ابو حمدان...مجمع شلتة
وهات يا ترقيم ومعاكسات...انا ما اقولكم احد قالي... انا كنت ابي استاجر شقة... ونزلت من السيارة
ودخلت... وشفت واحد يسال عن شقة يبي يستاجر...وكانت زوجتة جالسة تنتظر ...وبينما الرجال يسال
ويستفسر... اشتغلوا الشباب... بلوتوث وبحث وغمز...ومحاولة صيد مستميت...لكن بنت الحلاال كفوا وبنت ابوها
نادت زوجها وقالت خلنا نمشي...الشقة هذى ما هي حلوة.. وصغيرة واشوف انها ازعاج.. خلينا نروح لغيرها..
وفعلا تركوا المكان... ومن دون ان تخبر زوجها بشيء..فمستواهم اعلى وارقى من ان تدنس نفسها وزوجها
لهؤلاء..الرعاع.... وبدوري انا تركت المكان بعد ان تبت وحذرت الشباب باني ساقدم شكوى الي هيئة الامر بالمعروف
والنهي عن المنكر..والي صاحب الحلاال..

شخصيأ أنا اطمح أن تكون جميع المواقع السياحية تدر وتشغل من قبل السعوديين لآنهم واجهة البلد امام الآخرين
يعني مو حلوه لو فيه زائر اجنبي يجي وبدال مايختلط مع أهل البلد ويتعرف عليهم وعلى معاملتهم واخلاقهم يروح يتعامل مع عمالة اخرى وخاصة ( المصرية _ السودانية ) لكن لابد من عدم ظلم الشباب من خلال رواتب سيئة الغرض منها التطفيش والتضييق عليهم , يعني نقول سعودة محلات الخضار وبالنهاية الرواتب ماتكفي حتى بنزين؟
وغيرها كثير من الوظائف الي يتم سعودتها وكلها رواتبها متدنية للأسف لاتساعد الشاب السعودي من خلالها أنه يعيش أو يقدر يغطي مصاريفه الشخصية , فكيف يقدر من خلالها انه يتزوج أو يصرف على أسره؟

اتمنى سعودة كل الوظائف من الى ..
و نرتاح و نفتك من العماله الخارجيه ...