النصافي
15-07-2022 - 05:31 pm
السلام عليكم
مرحبا يا اخوان انا رايح والعائله للنمسا لاول مره في 6-7--2009 على القطريه عن طريق ميونخ توصل الساعه 19 وراح اسكن في فندق قرب المطار لمده ليله بس ماحجزت لاني ماعرف الفنادق هناك وحجزت بكابرون في شقق توني لمده ليلتين بس عشان ادور هناك على ارخص وانسب اذا أمكن وحجزت سياره من مكتب في ميونخ نوع( Q7 اودي) لمده شهر ب 2300 يورو والكيلو محدود 4000 فقط ومادري هل السعر رخيص او غالي علما اني راح اروح لانترلاكن عقب كابرون والعوده الى ميونخ لمده ليلتين ثم الكويت.
واتمنى اللي له خبره او تعليق لا يحرمنا منه.
تحياتي للجميع.......... راح انزلكم تقرير وافي وكافي وشافي ان شاء الله
بالنسبة لحجزك في كابرون انا افضل اتنك تحجز المدة كاملة من هنا احسن من انك تبحث هناك وتدوش راسك وتضيع وقتك .. والشقق ماشاءالله كثيرة ومعروفة ومجربة ..
ثانيا بالنسبة للسعر السيارة اعتقد انه مناسب نوعا ما .. لاني لقيت سيارة ميني فان نسيت الماركة بس مو فخمه ولمدة 20 يوم مع بعض الاضافات مثل كرسي الرضيع والنفقيشن وماشابه بسعر 1970 يورو والكيلو مفتوح ..
وبالنسبة للعودة ماتسوى عليك ترجع من انترلاكن .. ارجع عن طريق جنييف او زيورخ .. او الغي انترلاكن وروح لوقانو ومنها ساعه الى ميلانو وارجع من هناك للوطن ..
بالتوفيق ،،