حياك الله اخوي الفاضل
بالنسبه للفندق انصحك وبقوه بفندق سويت هوتيل ودلنا عليه اخونا هشام سعره بلاش 126 دولارلليله
واذااخذت 3 ليالي الرابعه نص السعر .
واذا بغيت تنزل الداون تاون تركب الباص رقم10اللي يوقف عند السوق المقابل للفندق وتنزل عند محطة
القطار والعوده من الموقف اللي جنب المحطه نفس الباص رقم10
اذا كانت فيزتك شنقن تقدر تدخل لفرنسا وانصحك تزور انسي وشاموني وتقدر تطلع لهم من محطة الباصات
اللي عند البحيره تاخذ تذكره وتركب الباص للمدينه اللي تبي اوفر لك من القروب السياحي .
واذا كانت فيزتك سويسريه فقط انصحك تاخذ تذكرة سويس باس لمدة4ايام وتركب الباص اللي تبي والقطار
اللي يعجبك وخصم على التلفريك بعد وتمتر سويسرا شمالا وجنوبا وشرقا وغربا .
الله يحفظك بحلك وترحالك واي استفسار حاضرين

شكرا الأخ مصعب وبارك الله فيك
سؤال صغير بالنسبة للآمان في جنيف
هل البلد آمنة ، وان شاء الله مافي مضايقات للسياح
وبالنسبة للغة أنا لغتي الانجليزية ممتازة فهل سأواجه مشاكل
وسامحني على الاسئلة تراني ممل في السفر أحب أعرف كل شيء
بالنسبة للفندق هل هو بعيد عن البحيرة .
وبارك الله فيك اتحملنا شوي
والله المستعان

abu_elyazia
حياك الله اخوي ابو اليازيه نعم جنيف وسويسا بلد امن ولاتخاف
ومعاملتهم احسن من الممتازه مع السياح بس ابعد من المغاربه وتسلم لكن جنيف بشكل عام ما عجبتني ولاتستاهل الزياره ويسكرون بدري
واهل جنيف لغتهم فرنسيه وليست انقليزيه ول ااعتقد ستواجه مشكله في الفنادق والاماكن العامه
والفنادق اللي مقابله للبحيره هي هليتون النوقا لكن قديم وفندق برزدنت وبصراحه كلها غاليه

العفو اخي الكريم
بالنسبة للامان مثل ما تفضل اخوي ريان امان باذن الله
الفندق قريب من المطار وتقدربالباص رقم 10 توصل بالكثير 7 دقائق وانت عند البحيرة
واي سؤال لاتتردد
وهذا موضوع عن اخر زياره لي لسويسرا قبل شهر تقريبا
https://artravelers.com

السلام عليكم ورحمة الله وبركاته
أخوي الكريم مثل ماقال أخوي السكن عليك ب
بالنسبه للفندق انصحك وبقوه بفندق سويت هوتيل ودلنا عليه اخونا هشام
تونا الصيف هذا سكناه رائع ..ونظيف ..تقريبا له 3 شهور فاتح ..
ويبعد عن البحيره على ذمة الNavagation حق سيارتنا 3,5 كم
وتعاملهم رائع جدا ...فيه موظفه ماتعرف انجليزي إلا مكسر يعني بتمشي أمورك
وفيه واحد افريقي يعرف انجليزي كويس
وفيه عامله من المغرب العربي ..تعرف عربي شوي على انجليزي .
بالتوفيق ان شاء الله .

مشكورين عالمعلومات الطيبة وبارك الله فيكم
وإن شاء الله أرجع لكم لأكمل الأسئلة التفصيلية بعد البحث في المنتدى
شهر 10 موعدنا مع هذا المنتدى الرائع
والله المستعان

سؤال صغير بالنسبة للآمان في جنيف
سأجاوبك بصراحه سويسرا بشكل عام آمنه الى حد كبير ... ولكن جنيف هي اقل المدن السويسريه أمانا؟؟؟ بس مو معناته انها غير امنه بتاتا ....
وبذكر لك 3 مواقف للأهل هناك ... وحدثت لهم من الجاليه العربيه ما بذكر جنسيات ... لكنهم مب خليجيين و يقيمون في اوروبا ... اعتقد وصلن لك المعلومه
1 اخوي انسرقت من عندهم شنطه كانت في عربة الطفله ... و هذي الشنطه الحمدلله انه ما كان فيها شي مهم .
2 وحده من اهلنا كان عندها دوره في جنيف وكان يصادف الشتا ... المهم طلعت من المطاركان معاها شنطة فيها اللاب توب و فيها فلوس و موبايل و والكاميرا و الجوازات انسرقت والبركه في سفارة الأمارات الي فزعت لهم .
3 وموقف اخر ... صار في احد مجمعات التسوق في جنيف ... ( عربي مهاجر) ترصد لأخت زوجي و صديقتها وسرق الأولي والتالي بكل خفة يد ... طبعا تدري انته حريمنا في السوق يمشن والشنط مفتوحه للملأ .
عموما جنيف الأمان فيها مب 100 % لهذا تحذر على اغراضك وبس ....
وبالنسبة للغة أنا لغتي الانجليزية ممتازة فهل سأواجه مشاكل
لا أبدا ... والله يخلي لغة الأشاره تنفع احيانا
وأخوي اي استفسار اخر فالك طيب ...
بس خبرني كم مدة الأقامه كأقصى عدد ليالي ,,, لأني اريد ارتب لك رحله مرتبه ,,,
واذا عندك اي استفسار تراني موجوده ما في داعي تتعب عمرك و تلف على المواضيع اذا مب فاضي .
والله يخلي لك اليازيه

وبالنسبة للفندق ... ارشح لك فندق وارويك في جنيف لأنج مجدد توه و موقعه ممتاز بجنب محدة القطار و خمس دقايق مشي او اقل الى البحيره .. وتوجد بجنبه اسواق .
http://www.warwickgeneva.com
Hotel Warwick Geneva
4Rue de Lausanne, 1201 Geneva, Switzerland
Tel: +41 22 716 8000 Fax: +41 22 716 8001

وبما انك في رحلة عمل هناك عرض لرجال الأعمال وسعر الليله ب 720 درهم اماراتي
Geneva Business Stay
Package includes:
Welcome drink
Free access to Fitness Center
Valid from Monday to Thursday, at the special rate of CHF 240.- for single or double room.
When checking-in, we will offer each guest a free geneva transportation UNIRESO card (valid for bus, tramway, boat "Mouettes" & GVA Airport Train). This service is unique within Geneva hotel Industry.

بسم الله
الأخت سفريات
بارك الله في جهودك
مادام إنتي قلتي أسأل فسأسأل !!!!!!!!
أنا شغلتي ممكن تخلص في يوم واحد في جنيف ولكني أريد ما أقعد فيها بس
رحلتي ممكن أمدها 6 ايام هل تنصحيني بالجلوس في جنيف أو الخروج منها إلى مناطق قريبة ؟؟؟
وبعدين بالنسبة للذهاب إلى فرنسا ، سمعت إن المنطقة قريبة من جنيف في فرنسا ؟؟؟ شو طريقة الذهاب إليها مع الشكر والتقدير
وسامحينا