سفره سعيده أخي سعد إلى بلاد الشام الذي سيعشقها قلبك بإذن الله
أولا انصحك أن تأخذ المبلغ نقدا ويتم حفظه في مكان آمن وتحافظ عليه والله يحفظكم لإن الصرافات بسوريا قليلة وليست بكل مكان وهذا الكلام من أول العام ممكن السنة هذه غير
بالنسبة للسكن أنصحك بالسكن في بلودان لإن الجو في بلودان أجمل من الزبداني وبالنسبة لإيجارات الشقق في فترة الصيف تزيد الأسعار ممكن الشقة النظيفه لشخصين تكون بإربعة الأف أو خمسة الأف ليرة لليوم الواحد .
بالنسبة لذهابك بالنقليات الله يعينك السفر يحتاج يوما ذهاب ويوم إياب .
ونصيحتي لك أن تطول بالك ولا تزعل من بعض التصرفات التي قد تغضبك وريح أعصابك حتى لو خسرت لك كم ليره زيادة . وبالنسبة للميزانية كافية جدا إن شاء الله . وسفره سعيده

(( مسائكم ياسمين دمشقي ))
اخوي سعد
يا هلا ومرحبا فيك
سعداء بإنضمامك ودخولك لبوابتنا الجميلة
اخونا ابو ألاء
ما قصر ويعطيه العافية
وفعلا خذ فلوسك كاش وخل الصراف آخر الحلول
والله يعينكم على الباص وتكاسي البلد
واتمنى لكم رحلة ممتعة وموفقة

الله يعطيكم العافية على الردود
بس با ابو الاء السكن مو كانه غالي هي شقة مو فيلا
ياليت اشوف اراء الشباب الباقين
مشكورين مقدما

اخوي
لا تستغرب هذا طبعا اذا لقيت شقة فاضية
لأن اهل الخليج وخاصة العوائل يفضلون السكن هناك وعشان كذا الأسعار تكون دبل

طيب اخوي الذيب الشمالي
اذا لا سمح الله ماعجبني السعر او مالقيت سكن وين تنصحني اسكن وهل الزبداني ارخص شوي ولا نفس السعر ولمدة اسبوعين كم بتطلع علي ممكن يعمل لي سعر خاص
عوافي

اخوي
انت منت مجبور انك تسكن عند احد اذا ما عجبك السعر
طنشه وخله يولي هو شقته
ومعروف ان طول مدة السكن يقلل من قيمة الإيجار
يعني إيجار السكن بشقة إسبوعين ما هي مثل قيمة إيجار يومين
الزبداني ما هي ارخص من غيرها بالعكس ومثل ما قالك اخونا ابو ألاء
هي اغلى لرغبة الكثير من السياح السكن فيها
وانا اتوقع ( وتحديدا هذا الصيف ) اذا ما تحجز قبل وصولك بيومين او ثلاثة إحتمال كبير ما تحصل سكن
ولسببين
الأول
زيادة عدد السياح وتحديدا للزبداني وبلودان والسبب
( كثرة الزوار من إيران وهذولا ما يسكنون إلا بالشام ) وهذا راح يسبب ازمة بالسكن داخل الشام
وبالتالي العالم اللي راح تجي بالصيف مضطرة انها تتجه للمصائف القريبة من الشام
الزبداني وبلودان ويعفور والصبورة وغيرهن
الثاني
قصر مدة الموسم الصيفي
يعني عدد ايام موسم هالصيف ( حسب تصنيف وحسبة اهل المكاتب والشقق ) جدا قصير وما هو مثل العام الماضي
وهالسبب هذا غصب راح يخلي اهل المكاتب والشقق يرفعون من اسعارهم حتى يعوضون قصر مدة الموسم
ما ادري كأني طولت بالسالفة وهي قصيرة

يعطيك العافية يا الذيب الشمالي
طيب شكلي بسكن في ساحه المرجه واروح زيارة لبلودان طيب وش رايكم في ساحة المرجه كيف الشقق او الفنادق الي فيها سمعت انها رخيصة واهم اهم شي تكون فيها مطبخ وصالة ماابي غرفة بس وش رايكم احصل في ساحة المرجه طلبي ولا وياليت تساعدوني والله محتار
وياالذيب الشمالي طول وقصر في الكلام زي ما تبي انت تامر الله يخليك
سلام

اي صح وبانسبة للسواق كم بياخذ مني لمدة اسبوعين واخاف اخذها وتجيني ايام ما اطلع كثير

اخوي
تبي الصراحة وإلا نلف الدوار قصدي ألف وادور
فنادق المرجة ما تصلح للسكن وطبعا ما اقول كلها لكن اكثرها
صح رخيصة بس النظافة فيها شبه معدومة
وانا صدقآ خبري فيهن قبل مدة ليست قصيرة كان لي صديق يشتغل بفندق بلقيس
وكنت اروح لمطعم سحلول او اكون رايح للحميدية واميل عليه بالفندق
ويمكن الآن فيه فنادق نظيفة وتنسكن بس ما عندي خلفية عنها
وعسى احد الإخوان يفيدك
واما السائق برضوا مانت مجبور فيه يعني ممكن تتفق معه على المشوار او اليومية
يعني لما تبيه تطلبه وتحاسبه على هاليوم او المشوار
ومثل ما قلت لك اذا تبيه خذ رقمه وكلمه قبل تمشي بأيام وخذ منه معلومات وإسأله
وانا ما ادري عن اسعاره بس يظل احسن وارحم واظمن من غيره
واذا ما زبط معك السواق خذ هالرأي وانت فكر فيه
قبل تسافر بيوم او يومين احجز ليلة وحدة بأي فندق
واذا وصلتوا على خير اسكنوا وريحيوا فيه
ومثل ما يقولون الصباح رباح
اقصد متى ما إرتحتوا إطلعوا ودوروا على راحتكم يعني ضيعوا يوم بالبحث عن سكن مريح
وما راح تخرب هالسفرة اذا ضيعتوا يوم باللف والدوارن على سكن
منها تمشية ومنها تتعرفون اكثر على البلد
وممكن مثل انت قلت تخلون الزبداني وبلودان تمشية يوم كامل ويكون الغداء في احد مطاعمها
او ممكن تريحون بإحدى المزارع ساعة او ساعتين وطبعا تكون إيجار
لأن بعض من عندهم مزارع يؤجرون مزارعهم يوم او اكثر او حتى ساعة
ومنها الواحد يريح شوي ويستظل بظل اشجار الفواكة ويأكل منها بعد