السلام عليكم مبارك عليكم ماتبقى من الشهر الفضيل وتقبل الله صيامكم وقيامكم
حجزت لرحلتي الاولى لاندونيسيا
بتاريخ 9 اكتوبر الى 19 اكتوبر
على الخطوط الامارتيه
راح تقلع بإذن المولى من البحرين الساعه 4 فجرا
وكان سعر التذاكر 7000
انا وزوجي وولدي
بسألكم كيف راح تكون الاجواء خلال الفتره المذكوره اعلاه
وهل راح يصادف اجازه عند الشعب الاندونسي ؟
الزبده انا حابه اروح بالي وبونتشاك وجاكرتا طبعا
ارجو مساعدتي في تنسيق الايام بين هالمدن
وابي مشورتكم في افضل الفنادق
وابي منتجع في بالي يكون ميه ميه طبعا مع ذكر السعر
وايش رايكم بأفضل سكن في بونتشاك وبعد مع ذكر الاسعار
طبعا راح تقولون في حدود كم اسعار الفنادق الي ابغاها
بقولكم من 400 الى 600 تزيد شوي مافيه مشكله تقل شوي احسن شي
وايهم افضل احجز طيران داخلي من هنا ولا من هناك من حيث التكلفه
وابي يكون سكني في جاكرتا للتسوق فقط وباقي الايام ابيها في بالي وبوتشاك
وماهو الافضل اتفق مع سواق من هنا ولا من هناك افضل ؟
ومعي طفل عمره سنتين هل يحتاج الجو في بونتشاك ملابس شتويه ولا كيف
وايش هي الاماكن اللي تنصحوني ازورها في كل مدينه
وايش افضل الاسواق في جاكرتا
واي مشوره منكم في اي شي سبق ذكره ام لم يسبق ذكره ارحب فيها جدا
واي مشوره منكم راح تخلي الرحله ميه ميه
وجزاكم الله خير