انت بالاساس لازم تحجز عشان الفيزا .. ومادام اول سفرة لك الافضل تخلص امورك من هنا .

اصلاً التأشيره ما تاخذها الا بحجوزات جميع الفنادق ...
واكيد افضل انك تحجز من هنا ،وشوف التقارير واختار السكن بنائاًًًً على تقييم الاعضاء..اتمنى لك رحله موفقه

مشكورين علي تجاوبكم
بالنسبة للفيزا مهي مشكلة نسوي الحجوزات بعدين نلغيها
لكن تخوفي من إيجاد السكن هل يكون صعب أو لا مع العلم إني سوف اقيم في شقق وليس فنادق وراح يكون معي سيارة

والله ياخويه لا تغلط اي غلطه خصوصا انك مع الاهل ضبط امورك من هنيه عشان تروح وانت مرتاح خصوصا السكن وانت اول مرة ساير اوروبا .. وانت رايح تستانس مب تعذب عمرك وادور سكن ..
بعطيك مثال يوم كنا نسافر قالوا لا تحجزون سيارة من هنيه بتحصلون هناك .. يوم وصلنا هناك ماحصلنا ولا سيارة ! كل مانسير مكتب سيارات يقولون لازم تحجز هذي سيارة بس ف ما بالك بسكن؟
بتحصل كل انواع السكن اكواخ او فنادق ضبط امورك من هنيه الرخيص موجود والغالي موجود
موفقين ان شاء الله

سيف_الامارات
كلامك سليم .. لو الرحلة شبابية حلاتها العذاب والشلفته :d

حدي ابها
ههه هيه والله على كثر ما نسير لازم نتعذب لكن شباب عادي ملح الرحلة التعب والعذاب

وانا رأيي من رأي الاعضاء احجز من هنا وخلص نفسك وخصوصا معاك عائله وسفره موفقه والله يسعدك

اشكركم على آرائكم وتفاعلكم
هذا الموضوع كان لبعض الشباب رأي فيه وهو أنه الواحد بما أنه رايح للريف ورايح يسكن في شقق ومويتلات فهي متوفرة خاصة عند الابتعاد عن المناطق السياحة المقتضة بالسياح فيكن للواحد التنقل بالسيارة الخاصة لتلك المناطق
كما أن الواحد لا يكون مرتبط بجدولة معينه بحيث إن المنطقة التي تعجبك تستطيع الإقامة فيها وان ايجاد السكن ليس بالصعب خاصة مع توفر مكاتب الانفرميشن في تلك المناطق
وبعض الشباب لهم راي مخالف لكن مخالفتهم في نقطة واحدة وهي إن الواحد قد يتوهق في إيجاد السكن
ودي من بعض الشباب اللي لهم تجربة بالسفر دون حجز مسبق للفنادق يفيدوننا كما اود ان كل واحد يعطينا رايه بما ذكرت
واشكر لكم تعاونكم

عزيزي الفارس
اسمع طال عمرك.. إذا ما تبي تحجز من الحين
ترى أنا بحجز لعيالك
وعلى حسابي
وإنت بكيفك دور لك شقة أو كوخ،
بزعمك تبي تلقى سكن إذا وصلت.. ناقصك وجع راس؟
انت في أوروبا.. والله يذبحك البرد والجوع
محد يعطيك وجه
لا تنس إن معك أطفال؟ يبون يرتاحون وينامون
احجز من هنا.. وريح راسك.. والحمد لله بتكون معك سيارة
تقدر تروح للمكان اللي يعجبك سواء قريب أو بعيد
أهم شي في السفر ضمان السكن والمواصلات
الباقي يهون
تحياتي لك ورحلة موفقة