just for you
الفندق ممتاز من جميع النواحي الموقع والنظافة والغرف وهو يطل على النهر في اول اللاديفانس بجانب محطة اسبلاند لاديفانس قريب منك سوبر ماركت عربي كبير في المجمع السكني المدرج بحيث اغلب سكانة عرب وفي الوسط صيدلية ومطعم ومخبز وهو على نفس خط مترو الشانز الاصفر رفم 1 دقائق وانت فالشانز

يعني تنصح فيه يالذيب !!!
يعني آفهم من كلامك ان المنظقة اللي حوله حيه

اخوى انا سكنت باللادي فانس ثلاث شهور وهي يسمونها باريس الجديده منطقه حيه وقريبه من الشانز واكيد بتلقي سعرها ارخص من الفنادق اللى بالشانز وهي قريبه بالمترو خمس دقايق ممكن ومن عندها تشوف قوس النصر يعني تقدر تروحله مشي رياضه وباريس ديره واحد يحب المشي لانها بكل بساطه ساحره

راشد محمد
تسلم ما قصرت
اها يعني قوس النصر قريب من عند الفندق وينمشى له !
يعني حتى الشانز ينمشى له لان الشانز قريب من قوس النصر !

الفندق حلو وراقى ومرتب بس لازم تاخذ مترو للشانز مب مشي بتموت الا اذا انت رياضى درجه اولى بس المترو اخوي رقم واحد وسهل الفندق بيشرحون لك بس بالنسبه للفندق حلو وايد

قطريه في فرنسا
المسافة بالضبط 4,500 أربع كيلوات ونص من ساحة لاديفانس الى قوس النصر كنت أمشيها مو أكثر من 45 دقيقة مشي عادي عالراحة وسوالف مومشي سريع . والفندق ماعلية كلام موقعة ونظافتة وشغلة ممتاز

ابو فواز ياريت لو توضح طريقة المشي من اللاديفانس للشانز من وين تبدأ و وين تمر بالضبط ؟؟

ماشاء الله عليك يابوو فواز صاير مدير بلدية باريس حافضها بالكيلو متر
الفندق ممتاز ورائع ومكانه متاز وجنبه محطة المترو قريبة

طبعا بجانب الفندق مباشرة محطة مترو اسبلاند لاديفانس الافضل طبعا تركبون المترو دقايق وانت بالشانز ولكن احببت اوضح انة في خط مستقيم للشانز من تعبر النهر تمشي على طول فية منطقة اللي فيها المستشفى الامريكي اسمها دوونايي طبعا اول ماتعبر النهر اسم المكان اعتقد سور دي سين اي بعد النهر ثم دونايي تكملون على طول تلقون بورت مايو وامارتها مبنى كبير على يساركم يخص المنظمات الاوروبية يكون فية المؤتمرات الدولية ووراه كونكورد لافييت وبتلقون مترو البورت مايو تكملون سيدة تشوفون عاليسار مونبررييه كملوا تلقون قهوة كرستال اللي المثقفين دائما فيها وعندكم مترو ارجنتينا كملوا لغاية قوس النصر وبعدة الشانز وهذا هو المشوارلهواة المشي خط مستقيم مافية لايسار ولا يمين ومن اللاديفانس تشوفون قوس النصر وردا على حموودي اقول هالدلالة والمعرفة ماجات الا من طول الليالي والايام اللي قضيتها في باريس مع السفرات الاخيرة صرت اعتمد عالسيارة في مشاويري