هلا حبيبتي انتي تبين تجهزين حق الاستقبال ولا حق البيبي ؟ شنو اللي تبينه بالضبط ؟
بالنسبه للكاكاو عندج محل اسمه لاديراخ بمجمع امنيه بشارع سالم المبارك ككاوهم عجيب خذيت منه باستقبالي الكل سألني عنه بس سعره مو هين كيلو الكاكاو ب 30 دينار
واي شي تبيننه انا حاضر

هلا اختى حياج الله بديرتج الثانيه
اول شى ان كان قصدج تجهيزج بالملابس للنفاس انصحج بمحلات الطاهر وانور وموجود تقريبا بكل المولات
منها سوق شرق - مجمع النقره الشمالى - الكوت مول وهدا ايللى على بالى ومجمع النقره الشمالى فيه تشكيله حلوه
لملابس النفاس لاستقبال الضيوف وباسعار متفاوته وان قصدت شغلات غريبه لتقديم للضيوف
عندج محل اسمه مارشميلو بحولى مجمع مقابل مستشفى دار الشفاء هالمحل فيه تشكيله منوعه من السكر
المغلفه يقدم مه الشاى اشكال غريبه ومتنوعه ومتفاوته وعندهم اكواب او فناجين القهوه العربيه ايللى مصنوعه من
البسكويت المغلفه بالشوكولاه ينفع تصبين فيه القهوه العربيه وانواع من الملاعق مصنوعه من السكر وفى مصنوعه
من البسكويت وفى مصنوعه من الشوكولاه واسعاره متفاوته ,,,وبالنسبه لتقديم الفطاير ما فهمت شلون انتوا بالدوحه
ما راح تخرب !! عالعموم محل واو لتقديم المينى فطاير وعندج محل بالجابريه وفرعه ثانى بحولى المينى فطاير
عندهم واايد حلو والحلو مال القهوه متنوع وحلو واسعاره على مااعتقد تبدا من 8دنانير
وعسى ربى يولدج بالسلامه

انصحج بحلوات هيل وزعفران حلو وسعره زين ويلبي كل طلباتج واذا تبين فناجيل قهوه وشغل راقي عندج مجمع الاوقاف في الكويت ستي

اذا عن التقديم في فطاير شغل حريم بالبيت تطلبينه بس حده عجيب
اذكر اختي بالانفاس كانت تعطينه منه ^_^
بس انا ما اعرف رقمهم ..
هذي المشكله و اذا عرفت ان شاء الله اقولج اياه
,,,,

في مجمع امنيه بالسالميه يم مركز سلطان محل وحده سعوديه تسويلج الشغل كامل من مفرش و صينيه و قلاصات و استكانات الي تبينه و نقشاتها وايد روعه لاتطوفج
و في محل بمجمع 360 يم ماركس بنسر عنده اشكال غريبه يعني قفشه حق الحوس على بسكوت و هالاشياء و الحلو عندهم لذيذ بعد

مجمع سنام اللي بحولي اول ما تدخلين من الباب على يمينج محل فيه كاكاو تقديم وسكر وزعفران وفناتق حلوه لتقديم
وعندج فوليتير بالسره عنده معجنات ملونه مني ايتنن