ديما الفهد
14-11-2022 - 08:59 am
مرحبا بحبايبنا بديرتنا الثانيه البحرين اول شى الله يوفقكم على الرد على استفساراتي انا بصراحه زرت البحرين اكثر من مره بس ما اطول ويومي كله يكون بالسيف بس هالمره غير ناويه اجلس 4 ايام افر فيها البحرين بس ودي تفيدوني باحدث المطاعم واحدث القهاوي واذا فيه اماكن مفتوحه تكون عالبحر جلساتها ياليت تفيدوني ودي كمان اسال عن الاسواق اللي اقدر اخذ منها هدايا للربع وتكون حلوه زي مثلا سوق نايف بدبي وسوال خاص للبنات فقط بسال عن افضل محلات العبايات الجاهزه لان مافيه وقت للتفصيل و وين احصل الشنط تقليد الماركت والف الف شكر مقدما وادري اني طولتها عليكم
ودي تفيدوني باحدث المطاعم
والله ياأختي في عند العالي مجموعه من الكافيهات والمطاعم حلوه ..
واذا فيه اماكن مفتوحه تكون عالبحر جلساتها
اللي اعرفه مطعم ومقهى الشراع على كورنيش الملك فيصل وكورال بيتش عند النادي البحري ..
الاسواق اللي اقدر اخذ منها هدايا للربع
ممكن تشوفين سوق المحرق شغلاته نفس سوق نايف تقريبا ..
افضل محلات العبايات الجاهزه
يعتمد على ميزانيتج اذا كانت كبيره عندج زمرد وله فرع بالسيف وفرع بالعالي وفرع بالستي سنتر
وبعد عبايات المتحجبه وله فرع بالسيف والثاني بالستي سنتر
واذا الميزانيه بسيطه عندج سوق محرق مليان محلات عبايات ومن وجهة نظري محلات سوق سويكت
بالخبر فيها شغلات احلى وبنفس السعر تقريبا ..
الشنط تقليد الماركت
في بمجمع الدانه بالطابق الاضي محل وبالطابق الاول محل ثاني لكن للأسف ماعرف اسامي المحلات
ولا مستوى الجوده ..
وحياكم الله بدار الزين