1. رويال بلازا


2. مجمع راقي وهادي وكله فساتين سهره اتكون في حدود 2000 الى 7000 ريال ..

السلام عليكم ..
انا قطرية واحب اعرف السياح في قطر عن الدوله !
بعطيكم دليل كامل للفنادق والمجمعات وكل شي ...
وانصحكم اتروحون قطر لمده 5 ايام الى اسبوع .. بسس
والحين انا ببتدي ..

• الفنادق :-
• The ritz carlton
• فندق راقي وممتاز 5 نجوم ..

في كل شي تحتاجونه وبترتاحوون فيه وايد
وهو نوعا ما ( غالي ) بس بتحس انك ماقاعد اتقط فلوسك على ولا شي بالعكس راح ترتاحون فيه
موجود في منطقة الدفنه وحلو مكانه وايد وهو بطل على البحر

• فندق شرق

وايد غالي بس وايد حلو فيه كل شي تحتاجوونه
مساج
حمام سباحة خاص للحريم والرجال والاطفال
واشياء وايد و هو 5 نجوم

• Grand regency

فندق 5 نجوم وايد حلو وترتاحون فيه ورااقي وكل شي فيه حلو
و كل شي تحتجاونة موجود فيه وخدمه اتجنن ..
وراح اتلاقون في غرف ناس ايجون من السعودية ومن بلداان معينه يجون عشان
يبيعوون اللي عندهم ..
الحين خلصنا الفنادق انا بالنسبه لي هاي احسن الفنادق وفي فنادق ثانيه حلوة
بس هاي اللي تقدر اتقول فيها كل شي قاعة اعراس ومساج وغرف مرتبه وحمامات سباحه وكل شي ..
الحين نجي للاسواق ..

• مجمع الستي سنتر

هاي المجمع كبير وفيه مطاعم وسينما ومحلات واايد حلوه واسعاره واايد زينه بس
باقي المجمعات احلى منه بوايد

• السلاام

السلاام هاي جنب الستي سنتر وكله ماركات واسعارهم وايد حلوه ( بالنسبه لماركات )
هاي فيه ماركات عالميه ووايد ستايل وحلوين ووفيه الكترونيات مثل الكيمرات الكبيره مثل Canon
Nikon وهاي الماركات للكيمرات اللي تنباع وايد !

• اللاند مارك

انا احبه وايد احس فيه كل شي انا احتاجه وغيري يحتاجة واللاندمارك مب وايد كبير اهو طابق واحد بس وسيع وحلو
وهاالمجمع مب قريب من الستي سنتر بس مكانه مب بعيد ..

• فيلاجيو

هاي مجمع صار له تقريبا سنه مفتووح او اكثر وايد احبه فيه كل شي تحتاجينه
انا اعد اللاند مارك وفيلاجيو من ال Top Mall's in Qatar
فيلاجيو فيه ماركات مثل لويس فيتون ديور شانيل فالانتينو وماركات عالميه بس بعضهم للحين مانفتحو
وفيه فساتين سهره وايد حلوة وراقية

• حياه بلازا

هاي المول جنب فيلاجيو بالظببط !
ام محد من القطريين يروحونه بس اهو فيه محلات حلوه وراقيه وفيه العاب حق اليهال
وتقريبا كل المولات هذول فيها العاب حق اليهال

رويال بلازا

مجمع راقي وهادي وكله فساتين سهره اتكون في حدود 2000 الى 7000 ريال ..

وتستاهل سعرها ووايد اشياء حلوه والمجمع واايد هادي وفيه العاب حق اليهال فوق وهاي المول في شارع السد يعني ( زحمه ) لانه شارع تجاري وفي طريجج لرويال بلازا تقدرين اتمرين ( سنتر بوينت ) او يسموونه الاصمخ مول بس الكل يقوله سنتر بوينت

• سنتر بوينت

بينه وبين رويال بلازا 500 مترر بس !
وفيه محلات شويه يعني ينعدون بالاصابع وفيه العاب حق اليهال ..

• المول

المول هاي وايد بعيد هاي مجمع ( المول ) موجود في شارع المطار .. يعني لو اتقولين حق السواق ودني المول اللي فالمطار بياخذ منج تقريبا ربع ساعة او 20 دقيقة
بس فيه ماركات حلوة وفيه السلام داخل المول وميرش وشويه محلاات حلوه ..
يتبع ..