1. الفنادق والوحدات السكنية:


2. انا راح اكتبها بالترتيب وحسب القرب من مدخل الخبر


3. 1 كورنيش الخبر والواجهة البحرية:


4. 2 العزيزية والهافمون:


5. 3 الشبيلي

السلام عليكم
اخوكم بوعبدالرحمن
هذا تقرير بسيط عن ابرز المواقع السياحية في الخبر وكلها من جهدي واللي قدرت اكتبه لكم
مدينة الخبر
مدينة الخبر هي منطقة تابعة للدمام وهي وجهة السواح بعد الدمام لاكها اصغر من الدمام

الفنادق والوحدات السكنية:

في فندقين ماني عارف اسمهم بالضبط لاكنهم يعتبرون افضل وافخم الفنادق على مستوى الخبر وموقعها يصير وانت جاي من الدمام اول ماتدخل شارع الضهران بعدماتتعدى مجمع فيينيسيا على يمينك على طول راح تلقاهن على يمينك.
هذا بالنسبة للفنادق اما بالنسبة للشقق الفندقية كلها تصير في جهة وحدة يعني مستحيل تتعب
المهم موقعها يصير وانت جاي من الدمام اول ماتدخل شارع الضهران بعدمتتعدى فيينيسيا على يمينك راح تجيك اشارة خذ (يوتيرن) راح يصير الجميح على يمينك رح على طول واول مدخل يمين بعد الجميح ادخل معه وراح تشوف الشقق الفندقية على يمينك ويسارك وفي غيرها بعد في حي العقربية وحي الحزام الاخضر والحزام الذهبي والكورنيش لكن اللي هذا اللي قدرت اكتبه لكم
لكن فنادق وشقق الخبر تتميز بالنظافة والفخامة وكل وحدة تقول الزود عندي يعني مستحيل تشوف فندق او شقق (هي والزبالة واحد) تكرمون
الاماكن السياحية
عندك في الخبر 5 مواقع هي تعتبر ابرز المواقع تقريبا

انا راح اكتبها بالترتيب وحسب القرب من مدخل الخبر

1 كورنيش الخبر والواجهة البحرية:

اول ماتدخل شارع الضهران اول 3 اشارات رح معها على طول رابع اشارة راح يكون كورنيش الخبر1على طول وراح تكون الواجهة البحرية خذ مع الاشارة يسار راح تصير الواجهة على يمينك وهي كبيرة لدرجة انها تمتد من اول ماتاخذ مع الاشارة يسار الى الاشارة التالية (اشارة المريديان) يعني امتداده تقريبا 2كم
اما كورنيش الخبر2 يصير بع الواجهة البحرية يعني خل الواجهة على يمينك ورح على راج تجيك اشارة المريديان وراح يصير مجمع فؤاد سنتر على يمينك وهو على زاوية المهم رح معه (مع اشارة المريديان) يمين وراح تشوف الكورنيش.

2 العزيزية والهافمون:

اول ماتدخل الخبر راح تشوف لوحة مكتوب البحرين يمين رح مع البحرين راح تدخل في شارع عام كبير اسمه شارع الجزائر رح معه على طول مسافة 15كم تقريبا راح يجيك اخر الشارع دوار خذ معه يمين واول ماتدخل الشارع راح تكون وصلت العزيزية وهي كبيرة وفيها استراحات كثيرة
هذا بالنسبة للعزيزية اما بالنسبة للهافمون تصير في نفس طريق العزيزية يعني اول ماتتعدى الدوار وتدخل العزيزية رح على طول مسافة 25-35كم تقريبا واول مايصير طريق الخالدية على يمينك راح تكون وصلت الهافمون
وعندك في اخر طريق الهافمون منتجع ماني عارف اسمه بالضبط لكنه كبير وحلو ويستاهل العنوة له.

3 الشبيلي

بعد ماتدخل في شارع الجزائر راح تقطع مسافة 15كم راح يجيك الدوار خذ معه يسار ورح على طول راح يجيك شاطئ اغوب على يمينك وهو شاطئ حلو وزين المهم رح على طول راح تجيك اشارة التحلية رح معها على طول راح يجيك دوار الشبيلي رح معه على طول وبكذا تكون وصلت الشبيلي وهو منتزه كبير وحلو مره وفخم تقريبا وامتداده 10كم تقريبا ومنه تقدر تطلع على البحرين لان جسر السعودية-البحرين يصير في امتداده.
هذا كل اللي قدرت اجمعه واكتبه لكم وسامحوني على القصور
والسلام عليكم.....