ياهلا ومرحبا فيج اختي وحياج الله
من مجمع الراشد الى شارع السويكت مايبيله كلها 5 دقايق والطريق كالتالي
بعد ماتطلعين من الراشد كأنج تبين تروحين الواجهة البحرية او كورنيش الخبر , تجيج اول اشاره وانتي على طريق الملك عبدالله الي فيه مجمع الراشد وتخلين اول اشاره , وتجي ثاني اشاره الي يكون فيها ماكدونالدز على اليمين بعد تواصلين وتخلينها, وتجي ثالث اشارة الي يكون مبنى بلدية الخبر على يمينج بعد تواصلين وتخلينها, وتجيج اشارة صغيرة مخصصة للمشاة, انتي معاها تاخذين فوق تحت , وبعدها امسكي المسار الايمن لين تشوفين مدخل على جهة اليمين فيه لافته براس الشارع اسمه ( شارع الأمير بندر بن عبدالعزيز) هذا هو شارع السويكت , تدخلين معاه وتمشين فيه طبعأ اول شي بيجيج مجمع الخبر بلازا , ثم بعدها المحلات التجاريه على طول وامتداد الشارع يمين ويسار , يعني توقفون سيارتكم بعد ماتتعدون الخبر بلازا وتنزلون تتسوقون
يعني بأختصار بين الراشد والسويكت 4 اشارات ومع الرابعة تاخذين فوق تحت وتكونين ماسكه جهة اليمين وتشوفين عند كل مدخل يوجد اسم الشارع لين تشوفين لوحه مكتوب شارع الامير بندر ادخلي
اتمنى يكون واضح
تحياتي

سلطان الشرقية
الله يحيك أخوي
شكراا لك ماا قصرت بس هذا الكلام اللي فوق ما فهمته
وتجيج اشارة صغيرة مخصصة للمشاة, انتي معاها تاخذين فوق تحت
يعني الاشارة الراابعه تكون عند االواجهه البحرية ..
وفوق تحت جسر هذا ولا اايش ..
وشكراا لك

بعد ماتتعدين اشارة بلدية الخبر تمشين سيدا وفيه اشاره قدامج بعد بس هالاشاره هذه مخصصة للمشاه الي يعبرون الطريق من الجانبين وتوقف السيارات لهم , طبعأ انتي امسكي اليسار ومع هالاشارة خذي فوق تحت يعني ارجعي كأنج بتتجهين مره ثانيه جهة البلدية

فوق تحت يعني يوتيرن = u turn
وشرح اخوي سلطان واضح ,, ماقصر

فوق تحت يعني يوتيرن = u turn
اها
الف االف االف شكر لكم ماا قصرتوو ..
الله يسعدكم

صج سويكت قريب جدا من الراشد مب بعيد...
وما شاء الله الأخ سلطان ما قصر.......