عندك فندق كراوون بلازايسوي اكلات بحريه فضيعه علي نظام بوفيه
عندك مطعم شذي تاور تختار السمك وعلي حسب اللي تبي يسوون لك
عندك فندق رامي
وبعض المطاعم التايلنديه بس ما اعرف اسمها

مشكورة يا ناريمان على المساعدة انا باروح البحرين اليوم وباجرب بوفية كراون بلازا شكلة حركات ..... بس ماعندك فكرة كم السعر للشخص الواحد.

بصراحه
و
من دون زعل
مطاعم البحرين مو ذاك الزود

وبصراحه وبدون زعل.. احسن مطاعم جربتها هي مطاعم والبحرين.. والناس اذاوق

لاتزعلون مني انا بنت البلد واقول لكم ان احسن المطاعم اللي اكلتها هي مطاعم 5 ستار في دبي من مؤكولات بحريه وهنديه وصينيه علي مستوي
توني اليوم اشوف فاتحين مطعم جديد بقرب برجر لآند اللي في البديع عند الدوار مكتوب عليه مؤكولات بحريه بس انا امشي السياره ما قدرت اقرء الأسم اذا جربته لازم باوافيكم بالخبر

sary919
للتأكيد حاب أقول
((((((((((أختلاف الأراء لا يفسد للود قضيه)))))))))

أخي الغالي ، بالنسبة لمطاعم الفنادق لا خبرة لي فيها ،،،
أما ماعداها فأستطيع إفادتك ، وخذ هذه السلسلة الجملية من المطاعم في مملكةالبحرين
سلسلة مطاعم الأبراج عندك في الرفاع والبسيتين والعدلية ....... يصلح عائلي أيضا
مطعم طهران مقابل جيان ، ويصلح عائلي ،
مطعم مرمريز مقابل جيان ويصلح عائلي أيضا
مطعم الشراع على كورنيش الملك فيصل ومما يميزه الجلسة الرائعة ، لا يصلح للعوائل التي تريد ستائر وعوازل .
وجميع هذه أسعارها عادية ،،،،
إذا كفتك هذه ولا تري بأزيدك بعدين ولاتستحي من أخوك

أبو أحمد 111
يا ابواحمد 111 مرحبا بك مره اخري
الأخ اوسامه كان يسال عن المطاعم البحريه في البحرين وليس المطاعم العاديه
وعلي العموم ذكرك للمطاعم ممتاز اذا اراد الشخص ان يكون عائلي واكلهم ممتاز

والله انا بحريني و اعترف بعد مطاعم البحرين ماقول ممتازة لكنها جيدة ,, لكن مطاعم الامارات و دبي مثلا مثل ماقالت الاخت ناريمان انها افضل , و مطاعم الكويت عجبتني بعد خصوصا مطعم ميس الغانم , و السعودية تمتاز بالاكل و المطاعم الممتازة من ناحية جودة و مستوى الاكل ,, بالنسبة للبحرين المطاعم الممتازة هي تقريبا العالمية اللي موجودة في كل دول الخليج . و لكن تتميز البحرين بانه افضل (باستا) في الخليج اللي بمطعم يم يم تري في البحرين ,, و الاكلات البحرية للاسف ماعندي خبرة فيها بس اعتقد الاخت ناريمان كفت ووفت بهذا الموضوع ..
و شكرا