وعليكم السلام
من المطار ممكن تاخد تاكسي وهو الوسيلة الأغلى بس الأريح خصوصا في وجود أطفال وشنط وعفش
في باصات من المطار لديزني في حدود 18 يورو للشخص
وممكن تاخذ القطار بس راح يكون في تبديل محطه يعني من المطار الى محطة Chatelet ومنها تاخذ RER A المتوجه الى ديزني محطة Marne la Vallee
وأول ما تطلع من المحطه راح تلاقون باصات مجانيه تنقلكم الى الفندق الي ساكنينه
يوم الوصول السبت اذا رحلتكم خمس ونص عبال ما تخلصون المطار وتوصلون ديزني وتروحون الفندق تستلمون الغرف يكون اليوم خلص والبارك صك تقدرون تطلعون تتمشون في Disney village فيها مطاعم تتعشون فيها ومحلات تسوق ولا تطولون لانه بتكونون تعابه من الرحله ووراكم يوم حافل
الاحد ويك اند وزحمه خلوه للاستوديو اصغر من البارك وان شاء الله تغطون اكبر عدد من الألعاب
الاثنين البارك الين ما تصك
الثلاثاء متى الرجوع ؟! اذا الليل مثلا تقدرون الصبح تزورون الاوت لت او المول القراب من ديزني محطة وحده بس قبل ديزني
رحلة موفقه

يعطيك العافيه
يوم الوصول ممتاز.
..
الاحد فيه مجال للبارك والاستديو؟ لان البارك الاحد تقفل 8 ؟
والاثنين تكمله للبارك ؟
لان اللي فهمته البارك هي اللي فيها اللالعاب يعني هي المهمه؟
والاستديو ممكن بالضبط وش تحتوي؟
الثلاثاء صباحا الرحله والاولت لت محطوط في جدول باريس هذي .

انته إقامتك بتكون في ديزني صح ؟!!!
هو ما في شي مستحيل وكل شي ممكن يصير بس في المريح والاريح والممتع والامتع
الويك اند يصير زحمه طوابير عادي 45 دقيقه تنطر عشان لعبه
اهم شي لا تنسون الفاست باس بوفر لكم وقت النطره
حدد لكم وقت انه خلاص تطلعون من الاستوديو حتى لو ما خلصتوا الألعاب لانه اذا نطرت الين ما يصك الاستوديو وبعدين رحتون البارك فخسارة تذاكر عالفاضي كلها ساعه ساعتين وبصك البارك بعد

صح في دزني
ويعطك العافيه ماقصرت

زين جرب وقت الوصول علي الاوت لوت والاحد الاستديو والبارك الاثنين
وش رأيك ام ريم

الاوت لت يصك 8
اذا وصولهم المطار 5 ونص المساء نقول على الأقل نص ساعه في المطار بين جمارك و أخذ العفش
الطريق راح ياخذ حوالي الساعه سواء تاكسي او بالقطار
الوصول فندق ديزني واستلام الغرف بعد يبيله 30-45 دقيقه
صعبه جداً يوصل قبل لا يسكر

شكرا لكم الاوت لت محلول امره قبل
واشوف انه مناسب
السبت: village (هل يوجد بها محلات بيع ملابس تنكريه )
الاحد:الاستديو
الاثنين:البارك