اهلين ام ريوم الفاست باست تاخذيها من داخل ديزني يعني لها مكائن خاصة تدخلي التذكرة وتطلعلك الفاست باس وتحصلي المكينة عند كل لعبة من الألعاب وكل لعبة تطلعلك وحدة تذكرة فاست باس يعني لمرة وحدة بس بعد كذا ما تقبل يعني لك الحق في كل لعبة مرة وحدة فاست باس .
الحديقة والاستديو مفصولين عن بعض كل وحدة لها بوابتها الخاصة
كل وحدة لها تذكرة وممكن تاخذيهم مع بعض اوفر تزيد عليك عشرة يورو على قيمة التذكرة لوحدة منهم.

مشكورة اختي على الرد وان شاء الله موفقة دايما ..

السلام عليكم ورحمة الله وبركاته ..
انا سافرت فرنسا باول شهر 8 هالسنه وزرنا دزني .. وعرفت الطريقه اللي انا كنت محتارة فيها
وعلشان جذي حابة اذكرها لكل من دخل اهني وحاب يعرف الاجابات لنفس الاسئله اللي انا سألتها ابهالموقع قبل ما اسافر لفرنسا ..

1. السلام عليكم ورحمة الله وبركاته ..


2. أول ما تدخلون حديقة دزني ( الألعاب ) Disney park

السلام عليكم ورحمة الله وبركاته ..

أول ما تدخلون حديقة دزني ( الألعاب ) Disney park

عند البوابه الرئيسية (( بعد ما تعدون ( يعني تطوفون ) المكان اللي يصفون فيه الناس طابور لقطع تذاكر الدخول )) حاطين لكم بروشورات على يمين ويسار الممر ... واحد من هاللبروشورات بتلاقونه يحتوي على كل ما يلي :
خريطة الحديقة بالضبط ابخصوص كل شي يتعلق ابمطاعمها ونوع الأكل اللي ابكل مطعم إن كان أمريكي ولا بحري وغيره وبلبروشور نفسه بتحصل بالتفصيل موقع كل محلات البيع إن كانت لبس أو للأكل السريع وللقهاوي وغيرها وبنفس لبروشور حتى حاطين لكم خريطة الألعاب ودورات المياه عزكم الله وغيرها .. وحتى كاتبين لكم بلبروشور أفضل الألعاب اللي بالحديقة واللي ينصحوكم بدخولها لأنها الأفضل عندهم بين كل هالأ لعاب الموجودة ..
وهناك بروشور ثاني يخص الأماكن اللي تقدرون تلاقون فيها ميكي وميني ماوس وغيرهم بالحديقة وعالساعة جم علشان ترحون لهم وتصورون معاهم .. وإذا كلش كلش ماعرفتوا من وين تاخذون لبروشور لأي سبب .. بمجرد سؤال بسيط منكم لأي موظف اهناك عن مكان لبرشور الخاص بالحديقة وهم بدلونكم وبترتاحون لأنه بوضح لكم كل شي من غير مساعدة من احد .
بالألعاب دزني اللي بأمريكا في شي اسمه تذاكر للفي اي بي ( VIP )
واهي أغلى من التذاكر العادية للحديقة اللي كل الناس يشترونها .. ومن خلال تذاكر الفي اي بي تقدرون تدخلون أي لعبه تبونها ابسرعه من غير أي طابور لأنك دافع أكثر
لكن في يورو دزني ابفرنسا ماعندهم هالميزة بالتذاكر لكن بالمقابل خلو عندهم شغله ثانيه اتريح الناس نوعا ما .. وهي كالتالي :
لي شريت تذاكرك اللي تخص حديقة الألعاب لي دخلت الحديقه تدور على الألعاب اللي فيها خدمة اسمها ( Fastpass ) وهي تعني خدمة المرور السريع .. وبعدين بتلاقي 3 مكاين جنب بعض خاصين للفاست باس للعبه اللي انت رايح لها وبتدخلها وموقع المكينة بالضبط بتلاقيه بجانب الناس الي واقفين طابور للعبه نفسها.. وحولين المكينة بتلاقي ناس يستخدمونها يعني ما راح تحتار وتقول وين المكينه الخاصة بالفاست باس لا تحاتي ..
بعدها تدخل تذكرة دزني اللي عندك بالمكينة وبس تدخلها بتطلع لك تذكرتك مرة ثانيه لا تحاتيها بس من جهة مختلفه اخذها على طول واخذ معاها تذكرة ثانيه راح تطلع لك وهي خاصة بالفاست باس اللي قاعدين انتكلم عنه وراح تلاقي فيها مكتوب لك وقت من الساعة كذا لي الساعة كذا انت تقدر تدخل هذي اللعبه الفولانيه .. ولي حضرت للعبه علشان تلعبها بالوقت المحدد بتلاقي مكان دخولك للعبه يختلف عن مكان دخول الناس الثانية اللي ماعندها الفاست باس وان ماعرفت وين مكان الدخول لأي سبب .. راوي التذكرة للموظف اللي عند اللعبة واهو ابيفهم وبعلمك وين تروح علشان تدخل اللعبة أسرع من الناس ..
ولا تنسى ان كل شخص حاب يدخل اللعبه لازم تدخل تذكرته بعد بالمكينة مو بس اتدخل تذكرتك وتنسى اللي معاك
وطبعا على ما تنطر موعد دخولك العبه اللي غالبا ما يكون موعد بعيد حسب زحمة الناس في الحديقة .. ابهالاثناء تقدر تدخل اي لعبه اتحب ما فيها ماكينة الفاست باس .
والألعاب اللي فيها الفاست باس بتلاقيها مذكورة بلبروشور الخاص الحديقة وخريطتها .

الله يسعدج ويوفقج وشكرا انج وضحتي هالشي للاعضاء تسلمين ام مريوم

يسلمك من كل شر ان شاء الله ، وان شاء الله الكل بستفيد
مشاركاتي ...
https://artravelers.com/p/re/228674

رائع ما تقدمتي به يا ام ريوم
والله موضوع جيد واستفسارات رائعه تخدم جميع الاخوان الاعضاء في هذا المنتدى الرائع .
تقبلي مروري
والف شكر
.

يعطيك العافية اخ بلاوي انت كلا تثني على مشاركاتي و مواضيعي بكلمات حلوة كلك ذوق .
مشاركاتي ..
https://artravelers.com/p/re/228674