حياك الله اخوي
بالنسبة لسانتا مونيكا مافيها الا معهد els وهذا تجاري ولا انصح به
عندك معاهد تابعه لجامعات مثل ulac وهو تابع لجامعة لوس انجلوس وقريب جداً من سانتا مونيكا وانا شخصساً زرته
المعهد من اقوى المعاهد على مستوى الولاية
والمنطقة جداً جميلة .. لكن يعيبها ان السكن متعب شوي يعني ماتحصل بسهولة
ف اذا بتسجل فيه لازم تكلم الانترناشيونال اوفيس التابع للمعهد قبلها بفترة عشان يدورونلك
وبالنسبة للتسجيل على الشهر الجاي .... انا بقولك نصيحة لو تأخرها للكرسمس لان الوقت مايمدي والحين احنا اخر شهر 8 ومابقى على ستمبر الا اسبوع .. لو فرضنا انك خذيت قبول في فترة اسبوع .. يبيلك 3 او 4 ايام زيادة لين ماتوصل الاوراق .. وبعدها تاخذ موعد من السفارة وشوف متى تحصل يمكن عقب اسبوع او شهر الله اعلم
ويمكن تطول اجرائات الفيزا بمعنى ان يقولونلك بعد المقابلة بالسفارة ,, يقولونلك معاملتك بتمر بإجرائات ادارية ممكن تقعد اسبوعين واكثر
ف تأخر الموعد افضلك
واخر شيء الجامعات ... ادخل على موقع وزارتكم واتبع خطوات البحث عن الجامعات المعترف بها وشوف شنو الجامعات اللي معترف بها في كاليفورنيا تعطي ماجستير قانون
تحياتي

stranger man
انا ناوي اسجل بمعهد واخلص اجراءات الفيزا وعلى طول اسافر وابلش اللغه ماعندي مشكله ادرس بأكتوبر و نوفمبر و ديسمبر لغايه الكرسمس لأني ناوي ادرس ماجستير بعد الكرسمس يعني بيناير ... المشكله الكبيره بالنسبه لي هي اني ما استقريت على جامعه معينه .. لأن في جامعات كثيره معترف فيها من قبل التعليم العالي... هل عندك فكره عن جامعة ويسترن كاليفورنيا ؟؟؟ واذا عندك اي فكره عن ماستر القانون يا ليت تفيدنا ...
تصدق بالنسبه للمعهد مادحينه لي !!! عموما بشيك على المعهد الي قلتلي عليه

اخوي انت شلون مستواك باللغة ؟
اذا انت متوسط باللغة يبيك تقريباً ست شهور لين ماتجيب درجة بالتوفل تقبلها الجامعات
لان صعبه تلاقي قبول مشروط للماجستير من امريكا والقبول المشروط هو ان الجامعات تقبلك بشرط تجتاز اللغة
والاهم من هذا كله هو الجامعات قبولها يبيله تعب .. يعني موب من السهولة تلقى قبول بسرعه مثل باقي الدول
وان اقولك لاني مجرب هالامر ومريت فيه
انت الان المفروض اللي تسويه تدور لك على جامعة تقبلك والبحث مثل ماخبرتك تاخذ الجامعات من موقع وزارتكم
وبعدها تراسلها وتنتظر الجواب منهم
وغالباً القبول بيكون على شهر 8 الجاي وقليل جداً من الجامعات تحصلهم يبدون الدراسة في وسط العام الدراسي
اما الجامعة اللي عطيتني اسمها اتمنى تكتبلي اسمها بالانجليزي عشان اشوفها وتأكد اذا كان معترف بها عندكم

افضلك ابعد عن لوس انجلوس لانها غاليه للسكن اذا كنت طالب
وجامعه لوس انجلوس ليسه ulac بل ucla
وجامعه قويه وتشترط التوفل
وانا طالب قانون في امريكا في جامعه كييس
اهم شي لادور اللغه دور الجامعه اللي تعطيك قبول مشروط بمعهد اللغه التابع للجامعه طبعا قبوله راح يكون بدون توفل يعني
بعد مرحله اللغه تدخل برنامج الماجستير بدون توفل عشان يكون الماجستير سهل عليك لانه التوفل اذيه وياخرك
طبعا هذي جامعات تعطيك قبول للماجستير بدون توفل وبشرط انك تدخل معهد اللغه التابع للجامعه وتخلص مستويات اللغه بالغالب اذا انت شاطر تخلصه بسرعه
وانا اثق فيك تخلص بسرعه
الجامعات طبعا هذي البعض بالنسبه للقانون
جامعه بييس في نيويورك في منهاتن
جامعه انديانا بوليس
جامعه دنفر بس عيبها تخصصات الماجستير قليله جدا
وجامعه سان دييقو فيها قبول مشروط بس على المزاج

هذي الجامعات مع الروابط
جامعه بييس PACE UNIVERSITY - NEW YORK
http://www.pace.edu
جامعه انديانا بوليس INDIANA UNIVERSITY - PURDUE UNIVERSITY INDIANAPOLIS
http://www.iupui.edu
جامعه دنفر UNIVERSITY OF DENVER
http://www.du.edu
جامعه سان دييقو UNIVERSITY OF SAN DIEGO
http://www.sandiego.edu
بالنسبه عن الجامعه اللي قلت عنها ويسترن كاليفورنيا
يمكن قصدك جامعه UNIVERSITY OF SOUTHERN CALIFORNIA
http://www.usc.edu
هذا فيها ماجستير قانون بس تشترط التوفل والجامعه قويه
طبعا انا عطيتك الجامعات اللي انا كلمتهم وليس كلام من النت
وهم اقولك
اهم شي يكون برنامجك للماجستير LL.M

اخوي انت شلون مستواك باللغة ؟
اذا انت متوسط باللغة يبيك تقريباً ست شهور لين ماتجيب درجة بالتوفل تقبلها الجامعات
لان صعبه تلاقي قبول مشروط للماجستير من امريكا والقبول المشروط هو ان الجامعات تقبلك بشرط تجتاز اللغة
والاهم من هذا كله هو الجامعات قبولها يبيله تعب .. يعني موب من السهولة تلقى قبول بسرعه مثل باقي الدول
وان اقولك لاني مجرب هالامر ومريت فيه
انت الان المفروض اللي تسويه تدور لك على جامعة تقبلك والبحث مثل ماخبرتك تاخذ الجامعات من موقع وزارتكم
وبعدها تراسلها وتنتظر الجواب منهم
وغالباً القبول بيكون على شهر 8 الجاي وقليل جداً من الجامعات تحصلهم يبدون الدراسة في وسط العام الدراسي
اما الجامعة اللي عطيتني اسمها اتمنى تكتبلي اسمها بالانجليزي عشان اشوفها وتأكد اذا كان معترف بها عندكم[/Q
لغتي الحمدالله فوق الزينه و عندي توفل .. مابي قبول مشروط , شلون الجامعات قبولها يبيلها تعب !!؟؟؟
انا التوفل مالي ينتهي شهر 3 .. أخاف امتحن و ما اجيب مثل الدرجه السابقه لأن مستواي قل صارلي سنه و نص ما مارست الانقليزي
western california شلون مستوى هالجامعه .. ؟ و هل تنصحني فيها .. ؟؟ لأني محتار جدا ولازم ابدأ دراسه على الفصل الثاني الي يبدأ بعد عطلة الكرسمس يناير او فبراير على حسب الجامعات ضروري ابي مساعده منك لاني محتار
وشكرا شكرا شكرا

Stranger Man
لغتي الحمدالله فوق الزينه و عندي توفل .. مابي قبول مشروط , شلون الجامعات قبولها يبيلها تعب !!؟؟؟
انا التوفل مالي ينتهي شهر 3 .. أخاف امتحن و ما اجيب مثل الدرجه السابقه لأن مستواي قل صارلي سنه و نص ما مارست الانقليزي
western california شلون مستوى هالجامعه .. ؟ و هل تنصحني فيها .. ؟؟ لأني محتار جدا ولازم ابدأ دراسه على الفصل الثاني الي يبدأ بعد عطلة الكرسمس يناير او فبراير على حسب الجامعات ضروري ابي مساعده منك لاني محتار
وشكرا شكرا شكرا

lawyer-kwt
أنا عندي توفل ما احتاج اخذ كورس لغه بالجامعه ..
شلون جامعه كييس..؟؟ هل تنصحني فيها ...؟؟ شنو تخصصك أنت ..؟؟ أنا ناوي يا قانون جنائي أو تجاري ..
وشلون الجامعات الي ذكرتهم انديانا بوليس , و دنفر , و سان دييقو ... ؟؟؟ هل تعرف طلبه يدرسون فيها و ماشين فيها ...؟؟ تنصحني اقدم على اي جامعه فيهم ... ؟؟ لأني صج صج محتار عندي سؤال مهم كم فتره برنامج الماستر ...؟؟؟؟ كال ما قلت الفتره يكون أفضل ..
انا كنت مفضل بريطانيا على امريكا لأن بريطانيا بس سنه , و بعد قريت ان في اكثر من جامعه بأمريكا برنامجهم سنه او سنه و نص و هذا الي شجعني أني أبحث عن جامعات امريكا و يا ليت تفيدوني وادري انكم ما تقصرون

امريكا وبريطانيا برنامج الماجستير سنه وليس سنتين بالنسبه للقانون فقط
جامعه كيس زينه ومن اقوى الجامعات بس يعيبها الولايه اوهايو
بس على كلامك انه عندك توفل ولغتك زينه انا انصحك وبشده جامعه جورج ميسون في فيرجينيا