مرحبا اخي الكريم
شاكرا لك هذا العرض الرائع
آمل التوضيح اكثر عن البرنامج هل البرنامج كامل مجان ام ان هناك قيود على الكورس
بانتظار التوضيح
لكم كل الاحترام

شي جميل .. الله يكثر من امثالك لكن مثل ما قال اخوي ياليت توضح كم مدة الدراسة وهل هناك تحديد مستوى
يكون ايضا مجاني ..! وتسلم يدينك

يااخوان انا مااقصد دورة مجانية
انا اقصد باخدمكم مجانا بس الكورس مش مجان
المكاتب نصابين والتسجيل مايبغي له شي
ارجو المراسلة على الخاص انا مااقدر ارد على الخاص مشاركاتي قليلة

ماشاء الله عليك .. حتى الي مثلك ياخذون اتعابهم بالمقابل كل طالب من طرفك يكون لك شهر مجانا ( بالكورس نفسه ) البعض هذه طريقتهم ومن حقهم ..
بارك الله فيك والله يرعاك ..
إن شاء الله إذا كتب ربي نصيب براسلك ..

على فكرة انا قصدت خدمة لوجه الله
انا مش طالب لغة انا ادرس دكتوراة
وحبيت افيد غيري ماينصبون عليهم المكاتب مثل ماصار علي
وجزاك الله خير

السلام عليكم
هلا وغلا الغالي
وتسلم على الخدمه الطيبه وهذا من طيب اصلك
بس ياليت اتوضح لنا الغالي إذا ماعليك امر اشلون تقدر تخدمنا عشان انكون على بينه
على سبيل المثال لا الحصر يعني هل اتعرف معاهد او غيرها من هالأمور عشان اتنسق ..
دمت لنا الغالي

الكثير يعتقد ان التسجيل صعب
اللي عليه يحدد المنطقة ونوع الكورس المدة ونوع السكن وبعدين يراسل المعهد وعلى فكرة ممكن يحسب التكلفة الاسعار جدا واضحة وبعدين يراسل المعهد.
الكورس حسب الغرض من الدراسة ووقت الدراسة.
يعني اللي يبغي يخلص دراسات عليا يفضل يدرس في معهد تابع للجامعة واللي يبغي كورسات عامة اومحادثة ممكن معهد اومدرسة لغة او كوليج (الاسعار تختلف)
بالنسبة لساعات الدراسة (في الصيف غير عن الشتاء) اقصد في الصيف النهار اطول فتكون ساعات الدراسة اكثر اما في الشتاء فالنهار قصير يعني تدرس 20 ساعة في الاسبوع يكفي.
بالنسبة للسكن : عند عائلة افضل شي او في سكن تابع للمعهد (على حسب الشخص)
بانسبة لاختيار المعاهد ابتعد عن المراكز التجارية وشلون تعرف؟ يعني لازم مسجل في البريتش كاونسل او اي منظمة اخرى تضمن جودة التدريس والمبنى والمصادر.....
باختصار اللي اقصده ان كل شخص يختلف عن الثاني لذلك حبيت اساعد كل شخص بشكل منفصل؟؟ بس البعض فكر اني اربح؟؟ وين اربح الله يهديكم انا طالب لغة مخلص من كذا سنة وبعدين رجعت للماستر والحين ادرس دكتوراة
احنا في الغربة محتاجين الدعاء ونسوي الخير في هالبلد الله يصبرنا ان شاء الله
نصيحة اللغة تعتمد على المجهود الشخصي
بالنسبة للمناطق ابتعد عن لندن ومغرياتها..خارج لندن افضل وجو دراسي اكثر
اكسفور، كامبرج، برايتون، بورموث
اخوي اذا في اي استفسار معين لاتتردد بمراسلتي
او حاب اراسل لك معهد معين
مرة ثانية لاتنسونا بالدعاءءءء

بيض الله وجهك
انا ما ابي منك الا سلامتك
حبيت اشكرك
واقول الله يوفقك وييسر امورك ويرجعك سالم غانم
ضع الله سبحانه وتعالى امامك دائمآ وابشر بالخير .
تحياتي .

شكرا اخوي وماقصرت وبيض الله وجهك اخوي انا ابي اسافر 3شهور ادرس للغه وابي مدينه يقل فيها العرب نوعا ما اذا فيها خليجين اوكي مع احترامي للعرب الباقين ابي اروح شهر 5-6-7 وبارك الله فيك وجع ذالك في موازين اعمالك وترجع للاهلك ووطنك سالماا