هلا والله خبيرنا
شلونك إن شاء الله بخير ؟
تامر امر اخوي وعسى الله يقدرني لخدمتكم
نبتدي بإسم الله
الجامعات الامريكية عديدة اللي تعادل المواد
وهالشي يتضح مع البحث عنها
لكن سلمك الله في امور اذا تتبعناها إن شاء الله بنلقى القبول
(( بنتساعد انا وياك إن شاء الله ))
1- تحدد الولايات اللي تبي تدرس فيها وهالشي مب صعب عليك لانك زرت امريكا من قبل وعندك معلومات عنها
2- بعد التحديد تييب معاك قائمة الجامعات المعترف بها من وزارة التعليم العالي او الجهه اللي بتبعثك
3- بعدها نشوف الجامعات في الولايات اللي حددتها وعقب نبتدي بالمراسلة
4- في شروط للقبول منها اللغة وهذا لها حلين
أ- يا انك تكون عندك درجة هم طالبينها في التوفل او الايلس
ب- او انك تدرس في معهد اللغه التابع للجامعة ( مب كل الجامعات توفر هالخيار )
انت سوو اللي قلتلك عليه وإن شاء الله ربي بيوفقنا وبنلقا انا وياك قبول لك
(( ملاحظة ))
انا في خدمتك في اي وقت ولاتتردد في السؤال
تحياتي