نشر في سويسرا

داخله على الله ثم عليكم نكنسل السفر شهر العسل والا لا

soso_love

25-02-2022 - 06:43 am

مادري اصيح والا وش اسوي بالضبط
طبعا زوجي تأخر ما قدم على الفيزا والحين حجز الطياره بتاريخ 30 /3/2008
هل يمدينا على الفيزا الشنقل والا نكنسل
طيب لو ما امدانا الشنقل هل يمدينا نطلع الفيزا السويسريه ؟ كم تقعد ؟؟
الله يخليكم جاوبوني

التعليقات (9)

EiSsa

25-02-2022 - 10:05 am

اختي اجراءات الفيزا ماتاخذ اكثر من اسبوعين بالكثير 4 ايام إلا 5 ايام ... !
وهذا موضوع الأخ بو عبدالعزيز ... تفضلي
https://artravelers.com/p/re/50704
بعدنا ب نص الشهر عندج اكثر من 15 يوم توكلو على الرحمن ...
والله يسمح دربكم

soso_love

25-02-2022 - 11:06 am

اخوي انت تقصد الفيزا السويسريه صح ؟؟

EiSsa

25-02-2022 - 12:07 pm

soso_love
السويسريه والشنغن الشنغن ماتطول بعد هم يبيلها 4-5 ايام

soso_love

25-02-2022 - 01:08 pm

اخوي متأكد من كلامك ؟؟!!!!
مو تاخذ لها 14 او 20 يوم بالكثير؟؟؟
طيب السفاره الايطاليه اعطت زوجي موعد قريب لوقت السفر يمكن قبل باسبوع وزوجي سحب الاوراق منهم لان المكتب السياحي قاله ان الفيزا تاخذ اقل شي 10 ايام
هل الاخ استعجل ؟؟؟
والله يجزاك الجنه اخوي
لو احد عنده اسم مكتب سياحي ممكن ينقذنا بالرياض والله لا ادعيله بصلاتي
انا في حاله يأس واحباط وبنفس الوقت معصبه من زوجي :112:
الله يخليكم مافيه وقت

ام ساره

25-02-2022 - 02:09 pm

هلا اختي ..
يمكن الاخ EiSsa يقصد الفيزا عندهم في الكويت ماتطول بس السعودية تطول ..
انتوا اذا ماقدرتوا تطلعوا الشنغن بدري خليكي على الفيزا السويسرية لانه ماتطول الي قريته في المنتدى تاخذ 3 او 4 ايام اما الشنغن مو اقل من 10 ايام اتوقع وان شاء الله الخبراء يفيدوكي اكثرر ..
وبالتوفيق وهونيها وتهون ..

soso_love

25-02-2022 - 03:10 pm

ام ساره مشكوره على الرد الله يخليلك ساره
ياريت يرد علي احد الخبراء ويطمني قبل ما يغير زوجي رايه ويوديني ماليزيا الصراحه فرق السما عن الارض
على فكره حنا خلصنا حجوزات الفنادق وكل شي مابقى الا الفيزا بس
وهل متطلبات فيزا السويسريه نفس متطلبات الشنقن يعني يطلبون تأمين من التعاونيه ؟؟ لاني بديت الخبط
وزوجي فاهم غلط
يقولي ان الفيز االسويسريه صارت معقده مو زي اول الظاهر لخبط بينها وبين الشنقن
ابو عزيز وينك

ام ساره

25-02-2022 - 04:11 pm

شوفي اختى انتي في الرياض يعني السفارات كلها عندكم ..
خلي زوجك يكلم او يروح السفاارة ويشوف متطلباتهم بالضبط لان الوقت مو في صالحكم ..
فخليكي من الاحتمالات واتصلوا او روحوا افضل ..

soso_love

25-02-2022 - 05:12 pm

ام ساره ياحبيلك بس انا ودي خبر يقراه زوجي انه اكيد يقدر يطلع الفيزا عشان يصدق بعيونه
لانه الحين يقولي انسي سويسرا مستحيل نقدر نطلع فيزا
ياليت ابو عزيز يأكد لي انه اقدر

ام ساره

25-02-2022 - 06:13 pm

لا شدعوه اختي والله الود ودي اخدمك اكثر ..
وثاني شي ليش مستحيل مافي شي مستحيل باقي اسبوعين على موعد السفر ..
يمديكم تطلعوا الفيزا السويسرية اقل شي ومو ضروري الشنقن ..
شوفي تقرير الاخ لمسات ماقدر يطلع الشنقن واكتفى بالفيزا السويسرية ..
انتي جيبيه بالسياسة وشوية دلع ودمعتين مني مناك ههه امزح وياكي اختى ..
بس اليوم كلميه وخليه يروح السفارة يوم السبت ان شاء الله ..ضروري ..
والله يسهل عليكم ..

سويسرا المسافرون العرب

داخله على الله ثم عليكم نكنسل السفر شهر العسل والا لا