ابن الرفاع
31-07-2022 - 02:11 pm
السلام عليكم ورحمه الله وبركاته
كيف حالكم ياجماعه الخير .. عساكم بخير وصحه ..
ودي من اصحاب الخبره وعلى رأس القائمه Impact ابداء الرئ حول بعض الاستفسارات المتعلقه بالسفر للولايات المتحده الامريكيه ..
انا بعون الله مسافر على طيران الاتحاد الاماراتي في تاريخ 28/6/2009 الي نييويورك وبجلس فيها اربع ايام واليوم الخامس بطير ان شاء الله الي اورلاندوا وبقعد فيها بعد اربع ايام واليوم الخامس بروح بالسياره الي ميامي وبقعد فيها يوم واحد وبكون حاجز منها اسبوع كروز .. وبعد الاسبوع بطير ان شاء الله من ميامي الي الغرب الي لوس انجلوس .. وبقضي فيها اسبوعين بين فيغاس وساد ديقو وسان فرانسسكوا يعني بوزع ايامي بين هالمناطق لاني اتوقع ان هذى هي افضل مناطق الغرب وبتكون جميع تنقلاتي هناك بالسياره .. طبعا السفره بتكون لشخصين وبتكون شهر عسل ..
الاستفسار الي ابي اعرفه هو ..
1- هل لازم احجز فنادق الرحله كلها والسياره من هنا من بلادي ؟
2- هل توزيع الايام بين الولايات مناسب ؟
3- هل بالامكان وصولي امريكا في نييويورك ومغادرتي من لوس انجلوس ؟
4- المسافه بين المناطق الي في الغرب ماعرفها لو احد من الاخوان يوضحها مثلا بين سان دييغو وفيغاس وسان فرانسسكوت يعني عشان اعرف اذا بينفع بسياره ولا اغير الوجهه ؟
ادري طولت عليكم بس عشمي فيكم كبير ...
1. الافضل علشان تختصر الوقت والجهد !!
2. بما انه حتزور اماكن كثير ممتاز .
3. نعم .
4. بين لاس فيقاس ولوس انجلس 4.5 ساعات
بين لوس انجلس وساندييقوا ساعتين
بين لوس انجلس وسانفرانسيسكوا 8 ساعات
اتمنى لكم شهر عسل جميل وموفق