1. هلا اخوي عبدالله


2. الجدول:

عبدالله الشبابي
كيف الحال يا اخوان ؟ كل عام وانتم بخير بعد الزحمة ..
خلصت حجوزاتي وكل شي تمام بإذن الله .. الله ييسر الامور ..
بروح شهر عسل لفرنسا واسبانيا .. بكون في برشلونة لمدة 6 ليالي و7 ايام ..
ان شاء الله اكون في برشلونة يوم الثلاثاء 18 اكتوبر .. والعودة للوطن في 24 من نفس الشهر ..

• * حجزت في فندق جران هوتيل توري كاتالونيا .. قريب من محطة سانتس .. الفندق تققيمه عالي في بوكينق وسبق قريت مشرفنا مزاجي سكن فيه ..

ياليت اخوي مزاجي تكلمني عنه وعن قربه من المواقع مثل الرامبلا وساحة كتالونيا وساحة اسبانيا والكامب نو وأهم المعالم ..
وياليت اعرف كيف اوصل له من المطار ؟؟

• * ياليت تساعدوني بجدول رحلات للسبع ايام ..

بانتظاركم .. خصوصا الاخوان مزاجي السعودية والليل والنهار واخونا لونلي ..

هلا اخوي عبدالله

من المطار تركب الباص (لونه ابيض وازرق ومكتوب عليه بالاسود Aerobus) بينزلك في ساحة كاتالونيا , وعلى طول من الساحة تنزل وتشتري بطاقة المترو (تختارها من الشاشه مكتوب عليها T-10 هذي لاستخدام المترو 10 مرات وسعرها 8.95 يورو, وتركب المترو الاخضر M3 وتنزل في محطة Sant Estacio ) وعندها فندقك..

الجدول:

الثلاثاء 18/10 , تطلع ساحة كاتالونيا وتركب الباص السياحي , لونه اخضر فاتح وشعاره عين ورموش ملونة, (اماكن بيع التذاكر في ساحة كاتالونيا) وتختار المسار الازرق , وبتطلع معاه لملعب برشلونة Camp nou والمتحف داخله وبتطلع لحديقة Parc guell وكنيسة Sagrada Familia ومتحف بيكاسو وبعض مباني جاودي..
الاربعاء 19/10 , فيه مباراة في الكامب نو للتشامبيونز , FC Barcelona v FC Viktoria Plzen
والا تروح لساحة كاتالونيا وعندها فيه مجمع اسمه el corte ingles وبعدها من نفس ساحة كاتالونيا فيه شارع اسمه Passeig de gracia حلو للتسوق والتمشية وفيه مطاعم وكافيهات حلوة , وهذا من احلى الشوارع في برشلونة..
الخميس 20/10 , تطلع الى قوس النصر arc de triomf وجنبه فيه حديقه اسمها سيوتاذيه وداخل الحديقة فيه حديقة حيوانات , وتحاول تخلص هالاماكن قبل 9 عشان تروح ساحة اسبانيا وتحضر عروض النافورة الموسيقيه من 9 الى 11:30 ..
الجمعة 21/10 , تطلع الى ساحة كاتالونيا وتدخل شارع الرامبلا وتمشي فيه الى النهاية لين توصل دوار مكتوب عليه (colon) وبعده بتشوف البورت , تطلع رحلة بحرية (ساعة ونص) , وبعدها ترجع وبتشوف ع اليمين مجمع Maremagnum , وخلفها لوحبيت تروح الحديقة المائية Aquarium , وبعدها تروح شاطئ برشلونة La playa ..
السبت 22/10 , تروح ساحة كاتالونيا وتنزل في محطة القطارات وتاخذ القطار اللي يروح التبيدابو وبتنزل منطقه وبعدها تركب ترام (عربة قديمة تنقلك لأعلى الجبل) وهذي اعلى منطقة ببرشلونة وفيها قصر التيبيدابو ومدينة الملاهي Tibidabo hill..
الاحد 23/10 , فيه مباراة في الكامب نو للدوري الاسباني بين برشلونة واشبيلية..
والا تقدر تضيف أي مكان من هذي الاماكن (عروض فلامنجو , موسيقى اوكسترا , المتاحف , القرية القديمه Poble Espanyol village , الحي القوطي Barrio Gotico)..
الاثنين 24/10 , من ساحة كاتالونيا تركب الباص للمطار قبل رحلتك بساعتين..
موفق اخوي ودرب السلام ان شاء الله

ماقصر اخونا lo0onely
كفو ووفا والله يعطيه العافيه
والفندق شكله رايق وقريب المترو
الله يوفقك يسهل امرك