كل ما استطيع قوله , حظا موفقا بالفيزا اخوي طلال , ولا اريد ان افتي بالموضوع لأن الإجراءات قد تختلف من الامارات الى البحرين او انها تغيرت من السنه الماضيه الى الآن .
على العموم اكيد الشباب راح يساعدوك وبالتوفيق .

Shadyzeee
مشكور اخوي Shadyzeee ويعطيك الف عافية اخوي ..
وتسلم على تشجيعك ووقوفك معاي .. بس لاتنسانا بدعواتك ..
عادي ترى افتر وخبرنه عن اللي عندكم في الامارات ترى الخليج كله مقارب لبعض مافي فرق

طلال البحرين
اخوي طلال
اول شي الله يوفقكم يارب والف مبروك مقدما
1. بالنسبة للنموذج عبي الخانات كل نموذج لحاله لين مايقلك اطبعه بالضغط على الايقونه التالية بالباركود تبعه !!
لا تحفظ شي لانه ما ينفع !!
2. ادفع وقت ما تبغى اهم شي تاخذ الايصالمعاك وقت المقابلة !!
الرسوم وحدة للعالم كله 131$
3. نعم
4. الكشف بيكون للشخص الي بيتكفل بمصاريف الرحلة مو شرط مبلغ معين اهم شي انه يكفي خطتم للرحلة !!
5. الافضل انك تحجز بدونما تشتري التذاكر كاثبات سفر فقط وخذ معاك برنت
اما انه لازم فهو لا .. ومنالافضل انه تكون مرتب رحلة وكم يوم بتجلس علشان تكتبهافي النموذج ولما يسئلك تجاوب في المقابلة .. وطبعا مو شرط لاكن الافضل
6. انت ممكن تختاره علىحسب ظروفك ..
7. حاول انك تشوف جوازاتك السابقة ... اذا الورقة ما كفت ارفق ورقة A4 معها السنة وبجانبها الدول الي زرتهامو شرط باليوم والشهر !!
بالتوفيق لك يارب
مع تحياتي من امريكا

1. في انتظار الرد منكم ومن جميع الاعضاء الكرام ..

Impact
هلا والله بالغالي اخوي Impact اللي راح امريكا وخلانه بروحنه اهني
يعطيك الف عافية وان شاءالله كل شي تمام هناك ومرتاحين ...
وتسلم يالغالي على تخصيصك وقت للاجابة على اسألتي وماقصرت ..
بس فيه كم شي بعد مافهمته ياليت لو يوكون فيه توضيح اكثر ..
1) بالنسبة للنموذجين .. انا اقدر احفظ النموذج 156 بس ما اقدر احفظ النموذج 157 وانت قلتي تحفظه ماينفع ؟؟ هل قصدك بس النموذج 157 ؟؟
2) وبالنسبة للنموذج 157 بصراحة دورة راس.. يعني انا اللي اعرفه اني راح اكتب الدول اللي زرتهم في صفحه A4 من عندي .. هل اكتب بعضهم في الاستمارة والتكمله في ال A4? والا كيف؟؟
وفيه بعد بالنسبة عن مخطط الرحلة في النموذج 157 .. مطلوب الرجلة وارقامها كاملة والاماكن اللي بزورها ؟؟ ياليت توضح لي ضنو قصدهم بالاماكن اللي بزورها ؟؟ هل المناطق فقط والا وسائل الترفيه والمتاحف ؟؟
ويصير اكتبها في A4 لانه احس مايكفي ؟؟
3) بالنسبة للدفع انت قلت لي ادفع وقت ماتبي .. بس كيف ادفع ؟ يعني هل يصير احجز موعد وبعدين ادفع ؟؟
4) بالنسبة عن كشف الحساب .. انا مبلغ الرحلة ليس موجود حاليا لانه باخذ سلفة من البنك في شهر يناير .. هل يصير اقدم على الفيزا والمبلغ لتطاليف الرحلة مو موجود ؟
5) بالنسبة عن الحجز .. موقع الطيران اللي بحجز عليه بس يحجز لفترة يوم واحد ولازم اشتري التذاكر ؟؟ شنو اسوي في هذي الحالة ؟؟وحتى في الفنادق لازم احجز وادفع مسبقا ..شسوي في هالحالة؟؟ انت ذكرت اني مجهز الخطه او وين باروح وكم يوم وامكتبهم في النموذج ؟؟ تقدر تحدد لي اي نموذج ؟؟
6) انا الحين سويت فورمتين 156 لي ولزوجتي ولكل وحده منهم باركود خاص .. فهل اللي عملته صحيح ؟؟ بس طريقة حجز الموعد كل باركود لحاله والا شالموضوع ؟؟ واذا فيه خطأ في الايميل هل اقو بعمل استمارة جديدة مرة اخرى والا كيف؟ لاني خايف يسوون لي سالفة على انه ايميل خطأ ,,

في انتظار الرد منكم ومن جميع الاعضاء الكرام ..

ويا اخوي Impact كلمنه موظفة تشتغل هناك في السفارة بس ماعندها فكرة وايد عن الفورمات بس قالت لي لازم تحجز كل شي وبعدين تقدم للفيزا .. وقالت لي تو الناس اصبر على الاقل 3 شهور قبل السفر وكل شي سهالات مافيه اي صعوبات لاتحاتي .. ريحني الكلام وضايقني في نفس الوقت :112: لاني الحين ما املك المبالغ للحجز .. واهي قالت لي لازم .. فما العمل ؟؟

وين الشباب ؟؟؟
وينك يا Impact ؟؟ المشكلة انت مسافر ومعذور ..
لكن انا في انتظارك ياخوي .. وان شاءالله احد بعد من الشباب يرد على اسألتي
وتفكوني من المعاناة اللي انا اعانيها مع الفيزا ..

طلال البحرين
هلا يالغالي
الحمد لله كل شي تمام والجية قريبة باذن الله
1. اهم شي انك تطبعها على طول افضل بالنسبةللنموذجين !!
2. لا فقط تكتبها في A4
وتكتب في النموذج Attached
3. الفيزا قيمتها 131$ للشخص فقط
وما يحتاج شي ثاني تدفعه قبل الفيزا
انا اقصد تذاكر الطيران احجزها وبعدين اشتريها لما تاخذ الفيزا افضلك ..
4. اهم شي لما تروح المقابلة يكون عندك مبلغ يكفي مصاريف الرحلة .. على الاقل مصاريف الاكل والشرب مع الفنادق !! واحتمال كبير ما ياخذوا منك الكشف لاكن الاحتياط واجب !!
5. عزيزي احجز من اي مكتب وخذ منه برنت وبعدها كنسل الحجز واشتري باي طريقة تبغاها وباي خطوط .
في اذا كان عندك خطة اذكرها .. حدد خطتك واكتبها !!
6. الافضل انك تعيد كتابة النماذج بكل المعلومات الصحيحة علشان امورك تمشي تمام باذن الله ..
وبيطلع بالضبط كل نموذج له باركود خاص !!
مو مشكلة انك تقدم على الفيزا من اللحيناهم شي يكون من 5 شهور واقل افضل !!
بالتوتوفيق يالغالي واسف مرة اخرى للتأخير

Impact
تسلم لي والله يالغالي ... والله فيك الخير وماتقصر ..
وتعبتك معاي .. ومسامحة ازعجناك وانت مسافر خربنه عليك اجازتك ..
والله هذي اللي انا ناوي اسويه الحين .. راح اسوي حجوزات طيران وفنادق من احدى مكاتب السفريات .. وبعدين راح اقدم للفيزا .. بس عندي مشكلة انه المبلغ الي عندي الحين مايكفي ولابغطي مصاريف الرحلة يعني مصروف يد غير الفنادق والطيران .. فهل هذي بأثر علي في المقابلة ؟؟
انا راح اقوله اني راح إخذ سلفه من البنك علشان صرفي في امريكا واهو بعد راح يجوف راتبي ..
ويعطيك الف عافية اخوي Impact وماقصرت .. تمنياتي لك بقضاء احلى الاوقات في اجازتك في امريكا بس ما ادري في وين هناك

الاخ امباكت ماقصر كفي ووفي
لكن نصيحه سو حجز مبدئ للفنادق والطيران لاتدفع فلوس
ولاتقول لهم باخذ سلفه وتدخل نفسه في متاهات انتبه تقول لهم هالشي
ولاتكثر اوراق لانهم يفحصون كل ورقه بدقه
والاجراءت في البحرين اتوقع تختلف عن السعوديه من ناحية التسهيل والقبول لان عدد الي يروحون امريكا من البحرين قليل مقارنه بالسعوديه فيتحمدون ربهم احد بيجيهم من البحرين مفروض السفير ينطرك عند الباب

@ابوفيصل@
هل كيف اسوي حجز كبدئي من دون ما ادفع فلوس للطيران والفنادق ؟؟
اهو الفنادق على ما اعتقد .. اقدر اسوي حجز ومايسحبون من الكردت كارد الا قبل بشهر من موعد الحجز.. هذي اعتقادي لبعض الفنادق .. ويسحبون قيمة ليلة .. هذي انا قريت مكتوب في فندق رمادا في الانترناشونال درايف .. لانه ناوي اسكن فيه ..
يعني هل اذا سويت حجز بالنت ماراح يسحبون مني مبلغ اذا الغيته قبل بشهر ؟؟
وبالنسبة عن الطيران .. هل فيه طريقة احجز بدون ما ادفع من النت ؟؟
انا لانه ناوي اروح على البريتش والامريكية وعن طريق الطيران الامريكي ونوع التذكره غير انه non-refundable فشنو الحل ؟؟
ويعطيك الف عافية على هالمعلومات القيمة راح اجوف لي حل مع سالفة السلفة ..مع اني ما اجوف انه راح يسوون لي مشكله على هالموضوع
الاجراءات في البحرين اكيد اسهل من اللي في السعودية وطبعا مثل ماقلت الناس اقل والمواعيد متوافرة الحمدلله .. شكله والله ببوسون راسي بيقولون لي تكفى تعال امريكا