السلام عليكم ورحمه الله وبركاته
مساكم الله بالخير جميعاً
بحاول اختصر لكم اليوم الشروط والطلبات الخاصه باصدار الفيزا السياحيه لبريطانيا
طبعاً اولا ً موقع القنصليه
كورنيش الخبر عماره الخليج الدور الثالث
اذا كنت منت مستعجل جداً وتحب الترتيب يجب عليك اخذ موعد عن طريق موقع القنصليه وغالباً يكون بعد اسبوع واحد بس
http://www.vfs-uk-sa.com
فايده اخذ الموعد انك تجي على الوقت المحدد ولا تاخذ وقت واجد وانت تنتظر ويكون لك نظره خاصه من قبل الموظفين بأنك شخص نظامي
اللي يجي بدون موعد لازم ياخذ رقم قبل الدخول ويمكن يلقى رقم ويمكن يقولون له تعال بكره انت وحظك ويمكن يكون اللي عنده موعد اسرع من اللي ماعنده لانه راح يظطر انه يجي كل يوم ويمكن يلقى رقم ويمكن لا
الخطوات الاولى للطلبات
1-جواز سفر صالح لغايه 6 شهور
2-صوره شخصيه 3.5x 4.5
3-تعريف من العمل بالراتب والمسمى الوظيفي وقت التحاقك بالعمل مصدق من الغرفه التجاريه
4-كشف حساب من البنك لمده 3 شهور (اذا كان رصيدك بالبنك كبير جداً) والراتب الشهري متوسط يجب عليك احضار شهاده بنكيه بتفاصيل اكثر عن الحساب مثلاً تملك محفظه اسهم او ماشابه ذالك
5-اذا كنت متزوج صوره بطاقه العائله مع بطاقه الاحوال
6-حجز طيران وحجز فندق
7-تاخذ معاك رسوم الفيزا كاش 6 شهور 540 والسنه الى غايه 5 سنوات ب1640
تعبئه الابلكيشن المكون من 21 صفحه وبحاول ارفقه في الموضوع اذا قدرت
لازم يكون الاصابع مافيها جروح ولا عليها (حنا) بالنسبه للبنات
لانهم راح يبصمونك
بعد كذا راح تاخذ وقت من 30 دقيقه الى 50 دقيقه بالكثير ويعطيك ورقه تراجعه فيها بعد 3 ايام عمل
متفرقات اخرى
اذا قدمت طلب فيزا 5 سنوات ولا وافقو عليك ماراح يرجعون المبلغ لك ابدً ويمكن يعطونك 6 شهور ويمكن لا
طبعاً اللي استخرج من قبل فيزا لبريطانيا انصحه يقدم على 5 سنوات لانهم يعطون بحكم انه مو اول مره يروح
اي استفسار انا حاظر