جدول رائع
اتمنى لكم قضاء اوقات جميلة في أوربا البهية
على فكرة أنا سمعت أن سويسرا دخلت مع باقي الدول بنفس الفيزا
تأكدي

ممكن تدخلون سويسرا بفيزا الشنقن
4 ايام وايد على سالسبورج .. ممكن تخلونها 2 و4 ميونخ

رحلة سعيدة إن شاءالله ...
رحلتكم تقريباً 15ليلة كاملة ...
اولاً ليش ماتخلون الوصول في ميونخ والإقلاع من فينا تراها ماتفرق بالسعر أبداً بالنسبة للطيران ... وبتكون خطة الرحلة اكثر ترتيباً ... إذا بالمقدور يكون احسن
وخصوصاً بأن السايرة لما تستأجرونها من ميونخ وتسلمونها في فينا ارخص نوع ب 2900درهم أما من فينا وتسلمونها في ميونخ نفس النوع ب 5400درهم فرق كبير جداً ...
أنصحكم تكون الرحلة على النحو التالي :
4 ليالي ميونخ - ليلتين انسبورك وربما ماتستاهل - 6 ليالي زيلامسي منها سالزبورق واللي جنبها - 3 ليالي فينا ...
وطالما تبون سويسرا ... هذا اقتراحي :
ميونخ 4 ليالي - برينقز ليلتين - إنترلاكن 5ليالي - 4ليالي جنيف وضاحيها والعودة لابوظبي منها ...
تقدرون تدخلون بسيارتكم لإيطاليا طالما انها ليست بي امي دبليو أو مرسيدس او اودي السبور ... أما السيارات العائلية فما فيه مشكلة ...
الجو بيكون جميل جداً ولا تشيلو هم إلا اذا معكم أطفال فخذو احتياطكم ...
بالتوفيق

رهووفه
ابوظبي .. ميونخ.. انسبورك .. زلامسي .. فينا .. سالزبورغ .. ميونخ .. ابوظبي
صراحه أحس هالبرنامج متعب جداً الافضل :
ابو ظبي -
ميونخ 3 ليلة (ومنها تستأجرون سيارة)

• سالزبورغ 4 ليالي
• زيلامسي 5 ليالي
• فيينا4 ليالي (والعودة منها للوطن وترجعون السيارة فيها مثل ما أفاد خبيرنا هشام )

انسبروك ما رحت لها ولكن أغلبيه الاخوان هذا برنامجهم
كان بودنا نروح سويسرا بس لان فيزتها لوحدها ومو منضمه مع باقي دول اوربا فشلناها من الخطه
وبعد كنا بنروح ايطاليا بس قالولنا ماينفع ندخل ايطاليا بالسياره
تقدرين تدخلين سويسرا بالتشنجن ما عندك مشكلة
بالنسبة لايطاليا ممكن تروحون الى فينيسيا اللي تبعد (خمس ساعات عن زيلامسي بالقطار) ومنها الى ميلانو والعودة من ميلانو للوطن
يصير المخطط : ميونخ - سالزبورغ - زيلامسي - فينيسيا - ميلانو
ولكن راح تكنسلين فيينا على هالمخطط
اما سويسرا فيكون المخطط :
ميونخ - زيلامسي - لوزيرن (تبعد عن زيورخ 60كم)- انترلاكن - جنيف (وترجعون السيارة فيها)
مع ملاحظة ان بين زيلامسي وزيورخ(لوزيرن) ست ساعات تقريبا
وتأكدي هل الاتحاد توصل لجنيف حتى ترجعون منها للوطن او لا ؟

الصيف الماضي انا كنت هناك
بالنسبة لسويسرا يمكنك الدخول بفيزا الشنقن
انا بفيزا ايطاليه ذهبت الى المانيا والنمسا وسويسرا
بين المانيا والنمسا لم يوقفني احد ولكن
عند الحدود السويسريه أوقفوني وشيكو على الجوازات وسألوني عن السيارة هل هي اجار ام لا
وكل هذا لم يستغرق الخمس دقائق
والظاهر انه مسموح للخليجين فقط الدخول لسويسرا بالشنقن وهم يتعاملون بالفرنك يأخذون يورو ويردون الباقي بالفرنك ويأخذون فقط العملات الورقية
هذا للمعلومية وانا جاهز لأي استفسار

اللورد ss
مشكور اخوي
وصحيح سويسرا نقدر ندخلها بس زوجي اتصل بالسفاره وقالوله مايصير ندخلها
وسال مره ثانيه وقالوله يصير
:112: بس خلاص رتب الحجوزات للفنادق والطيران وقال مافي سويسرا
وجاري الزن ..............
.
.
.
.
rehla
مشكور اخوي
وسالزبورق 3 ايام بس انا لخبطت وكتبتها 4
طيب ميوزخ تستاهل اكثر من يومين والثالث يوم الرجعه؟؟
Hesham
مشكور اخوي على هالاقتراحات
(اولاً ليش ماتخلون الوصول في ميونخ والإقلاع من فينا تراها ماتفرق بالسعر أبداً بالنسبة للطيران ... وبتكون خطة الرحلة اكثر ترتيباً ... إذا بالمقدور يكون احسن)
فكرنا بهالخطه بس طيران الاتحاد مايودي لفينا عشان يرجعنا لابوظبي
(أنصحكم تكون الرحلة على النحو التالي :
4 ليالي ميونخ - ليلتين انسبورك وربما ماتستاهل - 6 ليالي زيلامسي منها سالزبورق واللي جنبها - 3 ليالي فينا ...)
حلوه هالخطه انسبورق اصلا ماهي داخله مزاجي بس زوجي الا ونروحها
ويوم حجز الفنادق وردو عليه قال مابغير
اما سويسرا فما اضن لنا نصيب نزورها هالمره
(تقدرون تدخلون بسيارتكم لإيطاليا طالما انها ليست بي امي دبليو أو مرسيدس او اودي السبور ... أما السيارات العائلية فما فيه مشكلة ...)
للاسف السياره بي ام لان باقي السيارات قير عادي الا البي ام والمرسيدس
(الجو بيكون جميل جداً ولا تشيلو هم إلا اذا معكم أطفال فخذو احتياطكم ...)
مشكور ان شاء الله يكون الجو مثل ماقلت
وماعندنا اطفال للحين ربي ماكتب لنا
مشكور مره ثانيه .
.
.
.
.
.
خالد
وانا بعد احس هالبرنامج متعب بس ماينفع نرجع من فينا بطيران الاتحاد اضني بس بالامارات والنمساويه
بالنسبه لسويسرا المره الجايه صعبه 6 ساعات
ولك كل الشكر
.
.
.
.
alsari300
مشكور اخوي
وان شاء الله نروح سويسرا اذا زوجي رضا يغير الخطه
لانه تعب لين ما حجز الفنادق وردو عليه وماله خلق يقعد يغير بالايام
بس مثل ماقلت
جاري الزن

هذي اهي الفنادق اللي حجزناها
عطوني رايكم
وخاصه زيلامسي
Munich:-
الشيراتون
http://www.starwoodhotels.com/sheraton/property/overview/index.html?propertyID=274
Innsbruck:
bestwestern
http://book.bestwestern.com/bestwestern/productInfo.do?propertyCode=89120
Zee lams see:
hubertushof
http://www.zellamsee.or.at/hubertushof/
Vienna:
nh
http://www.nh-hotels.com/nh/en/search.html?action=search&event=1&stype=1&country=AT&city=16000&hotel=415&stext=&nrooms=1&nadults=2&nchilds=0&webrate=1&fini=&fout=
Salzburg:
mercure
http://www.mercure.com/mercure/fichehotel/gb/mer/0984/fiche_hotel.shtml
Munich:
اخر يوم يوم الرجعه واخترناه لانه مع المطار ونقدر نسلم السياره بالليل والضهر تكون الرحله ونكون في المطار
http://www.kempinski-airport.de/en/hotel/index.htm
اي احد جرب هالفنادق يفيدني ماعليكم امر
ومشكورين مقدما