ياحليلك يابو لولوة
انت انسان مميز
انصحك تدخل الفن التشكيلي اتوقع تبدع
احسن مافيك اني انا وياك ندخل على نفس المواضيع الحال من بعضه .
المهم يبدوا لي انه مايهمهم الا الشهادات اللي معاك اما الدراسة التي لم تكملها فلا تذكرها لهم .

ياحليلك يابو لولوة
انت انسان مميز
انصحك تدخل الفن التشكيلي اتوقع تبدع:x1:
احسن مافيك اني انا وياك ندخل على نفس المواضيع الحال من بعضه .
المهم يبدوا لي انه مايهمهم الا الشهادات اللي معاك اما الدراسة التي لم تكملها فلا تذكرها لهم .

,,
,,
,,, + 4 + 2 = 7 ,,,
,,,
,,

ابو ابراهيم
انت اكيد خريج كلية الدعوة بالمدينه المنوره
بالنسبة لوضعك مستحيل اي جامعة تقبلك لان التخصص اللي تبيه من التخصصات العلمية الدقيقه لابد من تناسب البكالوريوس للماستر مثلا تخصص حاسب زيك لابد من ان يكون البكالوريوس حاسب الي علوم اوهندسة حاسب عشان تكلمل الماستر
بحالتك هذه الدبلوم الحاسب اللي معك هو دبلوم متوسط بعد الثانوي انصحك انك تطلب دراسة بكالوريوس حاسب والجامعة تعادل ساعاتك اللي درستها بالمعهد يعني سنتن ونص وتاخذ البكالوريوس وثم تكمل
اما بالنسبة للتخصصات النظرية ممكن يكون الاختلاف بين المرحلتين جائز بشرط دراسة مواد استدراكية تؤهلك للمرحلة التالية
انا متاكد من هالكلام لاني دراس ماستر تخصص والبكالوريوس تخصص اخر طبعا تخصصي نظري
وبالتوفيق
واي استفسار انا بالخدمه

اخوي اللنكاوي
اول شي شكرا على المرور
مع انه مالك منة لانك فاضي و لاعندك لا دراسة و لاهم يحزنون و مع كذا اشكرك
على العموم اخوي تراك ما ابعدت يوم تقول فن تشكيلي لأني حاولت انتحر قصدي آخذ دورة في التصوير الفوتوغرافي لكن جت سليمة وطلع ما عند بيت الشباب الا دورات اكترونيات فأخذت لي وحدة مدتها ستة شهور
نراها تصلح لك دامك فاضي رح خذ لك دورة تنفعك ويعطونك ميتين ريال =ما ادري ليه ميتين= وممكن تفتح بها محل تكرونيات قصدي الكترونيات
المهم تابع موضوعي حق المرحلة الثالثة للتقديم للبعثات لاني دخلت على المعجل والا اقول لك هناك
مرحبا اخوي ايقل ون
شكرا على المرور
فهمت من كلامك انه يمكن اكمل ماستر من خلال شهادتي لكن في غير التخصص ذا اللي أخترته
ممكن تفيدني كيف اعرف المسارات في الماستر اللي اقدر اكمل فيها؟
هلا ماجد
اول شي قل كيف عرفت اني من كلية الدعوة بالمدينة؟
شكيت أنك تعرفني..
اشكرك اخوي على تفاعلك مع الموضوع
بالنسبة لكلامك فما عليه غبار لاني حاولت اكمل ماجستير بالجمعة اليمنية بالمدينة في الادارة فالزموني بكورس في الادارة
لكن انا سمعت =وليس الخبر كالمعاينة= انه في امريكا =العن ام امريكا ذي اللي فيها كل شي= تقدر تكمل ماستر في تخصص علمي حتى لو كان البكالوريوس أدبي
بالنسبة للطب و الهندسة هذي ما بها شك لكن الحاسب ممكن على ما أظن ولا أدري لاني اعتقد انه خصوصا تقنية المعلومات ما تتطلب تعمق تقني كبير بقدر ما هو متعلق بالادارة
وهالفلسفة كلها عشان ابرر لروحي انه يمكن أكمل على الماستر على طول
فهل تعتقد انه اقدر اكمل بشهادتي هذي ماستر؟
بصراحة انا ما اقدر من البكالوريوس لاني ما اعتقد اني املك الوقت الكافي فكيف اعرف التخصصات اللي اقدر اكمل فيها ماستر؟
هل في السعودية اقدر القا جامعة اكمل فيها ومعترف فيها بنفس الوقت من التعليم العالي؟
وجزى الله الجميع خير الجزاء

ابو ابراهيم
بالمدينة واعرف كلية الدعوة وشكيت انك متخرج منها
بالنسبة لدراسة الماجستير بالحاسب ماتقدر لافي امريكا ولاغيرها واخذ الكلام الصحيح وانت تاكد بنفسك
والتخصصات اللي تدرس فيها انت اي تخصص نظري انا اعرف واحد خريج الدعوة معاه ماجستير بتكنولوجيا التعليم ولان يكمل دكتوراه
وانت ادرس اي تخصص تربوي او اداري ومع هذا لابد تاخذ مواد استدراكية تؤهلك لدخول اي من هذه التخصصات

اخوي ماجد جزاك الله خير
ودي تسأل لي صاحبك اذا ماعنده مانع اتواصل معاه.
واذا عنده اسأله عن الجامعة اللي اخذ منها الماستر هل هي معتمدة؟
وكم المدة للماستر؟ وماهي أقصر فترة يمكن أحقق فيها الماستر؟
واسم الجامعة؟
وهل يمكن أخذ الكورس التكميلي بالمراسلة؟
وما هي متطلبات اللغة "درجة التوفل"؟ فلو كنت مجتاز المتطلب هل يجب على الطالب الاجنبي أخذ كورس لغة؟
وبما انه من الدعوة وشي التخصصات اللي ممكن اكمل فيها؟
واكمل لك بعدين
هذي المعلومات ودي أعرفها منك ومن صاحبك بعد؟ عشان تصير المعلومة اشمل
لا تلومني على كثر اسئلتي
لكن ما كثرت الاسئلة الا لأنك كريم ولا اقول الكلام ذا مجاملة, لا والله, لكن لأنك عرضت المساعدة يوم حسيت اني محتاجها من دون ما احد يجبرك
ما اقدر اكافئك الا بجزاك الله خير واي خدمة من المدينة تامر امر