المسلم المسالم
14-10-2022 - 05:22 am
سوريا الاسد
البلد حقيقة جميل ولكن ( كرامتي ) أجمل
شاهدت كذا موضوع اما يتعرض للحذف او الاغلاق بحجة ان المصدر غير صحيح
ومن باب حرية الرأي فإذا تؤمن بالرأي والرأي الاخر فلابد تحاورني ولا تقمع حريتي بالكلام
عدة مشاكل واجهتها في سوريا ماهي الا غيض من فيض
مشكلة وقعت لي بحمص يسمونها ( تشليح ) انا كنت علي نياتي ركبت مع راعي التكسي
اللي دخل معاي تعارف ولاحظت منه الطيبة وتفاجأت ان معاه قريبه يبي يعرفني عليه
المهم يااخوان عزموني وانا والله احسنت الظن فيهم .. مادريت يااخوان الا اخذوني لمنطقة خارج المنطقة السكنية
وانا ارتبت فيهم مادريت الا قريبه هذا ينافخ يقولي ياللي طلع مابجيبتك
والله يااخوان جاني خوف مايعلم فيه الا الله من الخوف ودي اعطيهم الدراهم كلها بس يردوني سالم غانم لشقتي
في حمص .. المهم تملكت نفسي وسويت نفسي مادري وش القصة قلتلهم وش تبون بالفلوس ؟
قال انت جيب ومايهمك والاحظ عليه ينافخ وبدا يتنرفز انا خفت بصراحة لايكون معهم سلاح ولاقتلة
والله ياجماعه الخير ماغير الله نجاني منهم .. نزلت من جيبي ورق سوري بمايقارب 200 ريال وقلت هذي اللي معاي كلها .. المهم كنها عجبتهم ووصلوني الين اطراف المدينة وانا والله ماني مصدق ان الله فكني منهم
رجعت شقتي قسم بالله مابي نوم فيني روعه احتسبها عند الله بس
اليوم الثاني رحت للشرطة الا الضابط يضحك يقول لخويه يعني سعودي جاي عنا شو بده يعمل ؟ انا عرفت اني ماني ماخذ حق ولا باطل ابي ارجع ديرتي بس واعتبرها قيمة درس لاينسي وراح انصح فيه غيري كثير
هالكلام قبل 3 سنوات تقريبا بتقولون الوضع اختلف لاياحبيبي الجيش السوري قده رجع من لبنان الا الوضع صار اسوأ .
قصة ثانية بعد 3 سنوات قلت يمكن تغير الحال وهالمرة ابي اكون حريص وقسم بالله ياجماعة الخير لاتعرفوني ولا اعرفكم لالي بالشراب ولا الخراب ولا السكر ولا النكر ولكن قلت ابي اغير جو بهالبلد ومن باب انها رخيصة وقريبة
اول ماوصلت محطة النقل الجماعي بالقدم
الا ويستقبلني ذاك الاطخم اصغر مني بكم سنة بس هيش
هلا والله وانا اشتغلت بالسعودية وانا وانا وانتوا حبابيبنا و قلت بيني وبين نفسي ( والله ماني معطيك وجه ) لكن بجامله الين اصل الفندق
ياجماعه الخير وصلت الفندق وحاسبته وراح
يوم صحيت الا وهو مسنتر عند باب الفندق الاستعلامات يقولون هذا يدور عليك :112:
انا عرفت ان وراه بلا والله ياجماعه الخير اني تذكرت القصة اللي صارت قبل بس قابلته قلت خلني اشوف وش عنده
الا هو يقولي اعرفك علي ولد عمتي وانا اناظر فيه الا هو اطخم من خويه هيش إس 14
يعني لو يلوي ذراعي ويحط يده بجيبي وياخذ الغلة كله ويشوتني بلنتي اظن مامداني احارش معه بشي ؟
خبركم المناخ والبيئة لها دور المهم مادريت الا اعتذرت منهم وقلتلهم انا مريض بسبب الطريق وتقلب الجو ( الحرب خدعه ) ورجعت غرفتي ويالله بالقوة راحوا وماصدقت يوم مشوا طلعت انا وقتها من الفندق
يعني شي فظيع شي يوحيلك ان دمك مستباح ومالك مستباح وامن ماغير الله وحده الحافظ اما الدواب اللي تدب علي الارض لاترجي منها خير ابد ( هذا الشي اللي استوحيته انا )
ياجماعة الخير والله المواقف كثيرة
ولا ذيك الموظفة اللي بالمطار والله الطعتني 24 ساعه كله علشان ماعطيتها رشوة لكن ماعليه ياسوريا
انا الغلطان وعشقتك انا اللي وفيت وغدرتيه ( تبون تحديد شنب ولا بدون ) < حلاق مغربي
هذا راي وهذي كلمة حق وتنقال
واعيد ارجع واكرر اقول اي نعم سوريا جميلة لكن ( كرامتي ) أجمل وأغلي
والحمدلله وقفت علي دراهم ولطعه ولاني مكررها باذن الله تعالى .
الكرة الارضية مليانة دول تحترم السائح مابقى بهالبلد الا هالولد ؟
هذي كلمة حق اقولها ولن تستطيعوا ان تحجبوا نور الشمس بغربال
ان كنتم ترون انني المخطي فأتوا بالحجة والدليل والا سياسة الحجب والمنع والحذف سياسة تدل
علي الضعف وانعدام الضمير وتزوير الحقائق لمصالح شخصية فقط لاغير .
ياعمي المشرفين هنا اما تمدح او تنطم ... لكن الشرهه مو عليهم على اللي مسكهم الاشراف وخلاهم مؤتمنين
وهم ضيعوا تلك الامانه .. اما تكتب ما بعجبهم او الي مزبلة المواضيع
هكذا هم مشرفي هذه البوابة
وبعدين وش ترجي من هالديره ؟؟؟؟ زعران لا اقل ولا اكثر
انت بيحذفوا موضوعك وانا بيحدفوا معرفي كله ههه
لكن تدري ؟؟ الله لا يوفق كل انسان لا يقول الامانه التي حملها الله له
الله لا يوفق كل شخص غرر بالمسافرين ولم يقل كلمة الحق في هذا البلد .. هذا البلد سيئة الاخلاق والتعامل
الي اللقاء ياصديقي بمعرفات جديدة