قلقان وخايف
هلا بآخي الفاضل حياك الله بين آخوانك وخواتك تفيدون وتستفيدون بالنسبه الشقق ممتازه والموقع قريبه من الهايد بارك
والاجور رود فيها سكيرتي 24 ساعه
ويعتبر نجمتين واذا بغيت تسكن فيها بس بالشتاء فقط تدري ليش عشان العيب الوحيد بدون تكيف بس مروحه
والموظف آنا آعرفه شخصيا
وآذا بغيت آي خدمه آحنا حاضرين

المزعج
يطولي عمرك يالغالي وماشاء الله عليك اشكر ردك السريع
بصراحه انا استأجرته خلاص وطالع بعد اقل من شهر بأذن الله
واخذته ب 200 باوند تقريبا باليوم ولمده اسبوع وش رايك بالسعر كويس ولا غالي طبعا غرفتين
وسوالي اخير كم يبعد مشي عن الاجور رود بالظبط وممكن اذا تكرمت توصفلي من الشقق للاجور رود اذا امكن
والف شكر مره ثاني والله ماتقصر يالغالي

قلقان وخايف
هلا بالغالي اذا آقل من شهر آن شاءالله آنا موجود راح آضبطك بشقه ممتازه آن شاءالله وهذي الخريطه
تقريبا خمس دقايق مشي الاقدام توصل آجور رود بالنسبه السعر باجر بجيك وآعطيك خبر

المزعج
يطولي عمرك يالغالي ويعطيك ربي الف عافيه
وماتقصر يكفي انك امير باخلاقك وردك
تسلملي والله
والمشكله اني خلاص حجزت الشقه
هذا الله يسلمك واحد من الشباب يشتغل في مكتب سفريات وطلب مني اني احجز منه الشقه لانه عنده تارقت يبي يحققه وانا بصراحه من باب المساعده والاخوه الى بيننا وافقت اني احجز من عنده بس اخاف انه رفع علي السعر
مع انه يقول مو مره غلا علي وانا بصراحه مادققت كثير ،
بس مو مشكله انتظر منك رد بكره بخصوص السعر بكم بتجيبه خلني انقهر شوي اذا كان اقل خ
وبما انك بتكون في لندن اتمنا اذا وصلت بالسلامه اسلم عليك منها نتعرف على الوجه الطيب اذا ما عندك مانع يالغالي
انا رحلتي من 15 ابريل الى 22 ابريل اتمنا تكون متواجد في الفتره هاذي
حبيت اسالك في الفتره هاذي كيف بيكون الجو معي اطفال واخاف يكون برد بالمره
والف الف الف الف شكر على تعاونك معي يالغالي

قلقان وخايف
هذي الساعه المباركه نتعرف عليك بالنسبه الجو الحمدالله الايام هذي تمام يعني توصل 10 بليل 3 درجة الحراره
وآنا صارلي 10 شهور بلندن لا تحاتي الجو بارد بس اهم شئ تجيب القفازات الايدي والقبعه الراس والجاكيت مهم
عادي انا بنتي معاي البرد مو نفس برد الخليج يدخل بالعظم
وآي خدمه آحنا حاضرين