الافضل انه ما تاخذين خط الكويت وياج بره
و انج تشترين خط من اهناك او كروت للاتصال الدولي !
وهل صحيح لو أحد رن علي وأنا مسافرة بالتجوال وأنا ما رديت أيضا يأخذون رسوم! @@
اي صح ياخذون !

بالنسبه ل mtc او __زين الاسم الجديد لها
سعر الدقيقه 150 للمسقبل و300 فلس للمرسل طبعا العمليه تقريبيه وتتفاوت
في بعض دول الخليج من دوله لاخرى ولكن بفرق بسيط 50 فلس صاعد او نازل
في حال اسقبال خط دولي(((من الكويت او اي من دوله الخليج ))) تكون التكلفه ارخص والدقيقيه تكون 150 فلس
وفي حال الاتصال او الارسال دوليا تكون التكلفه الضعف يعني اذا كنت بالسعوديه مثلا وتريد الاتصال بالكويت
تكون التكلفه 300 فلس تقريبا بعكس الاسقبال لان الاسقبال يحسب دولي عادي والدقيقه الدوليه المتعارف عليها للمملكه العربيه السعوديه هي 150 فلس
اما الارسال يحسبها على الاثنين مكالمه دوليه + ميزه تجوال وتصبح دبل
في حال استقبال او الارسال لاي خط من البلد اللذي تتواجد فيه لاتحسب مكالمه دوليه ولكن
تحسب نفس تسعيره البلد المتواجد فيه
طبعا جميع الاسعار تقريبه
والتسعيره اللي فوق تم قياسها كمثال السعوديه
وانا جربت التجوال من السعوديه وقطر الامارات هناك فرق في بينهم ولكن بيسط جدا
بالنسبه للسوال الاخير لااعلم ولكن اعتقد يحسب لان اي متصل يتصل بك وانت مسافر ويظهر رقمه في جوالك ولم ترد في هذه الحاله توفرت لديك ميزه للتعرف على من يتصل بك ولا اظن شركات الاتصالات تغفل هذا الشي لديهم موظفين متخصصين شغلتهم ادخال ارباح للشركه باي طريقه

غاليه جدا رحت البحرين لمدة 4 ايام و اغلب مكالماتي داخليه "اتصل على ارقام بحرينيه" و مدة المكالمات لا تتعدىدقيقتين اغلب الأحيان صكوني بفاتوره 108 د.ك نصيحه اخذي رقمج و استخدمي خدمة المس يو حتى اتعرفين منو متصل عليج و الأفضل تاخذين خط من الدوله اللي رايحتلها بالتوفيق .

شكرا لردودكم
طيب المسجات كيف وضعها؟
كم سعر إرسال مسج؟
وهل يأخذون تكلفة استقبال مسج أيضا؟
يعني لو شخص استخدامه للتلفون معظمه ماسجات، هل تكون المسألة معقولة؟
شكرا

المسج يختلف علي حسب البلد اللى انتى فيها
وانا انصحك تاخذ خط من البلد اللى انت فيه وتريح نفسيك وترسل رقمك للى تبيهم ولا فواتير كسر الظهر ولا تعب حالك

شكرا اخوي
لكن حبيت أعرف سعر الماسجات من باب العلم بالشيء يعني كم تكلفتها في السعودية والبحرين والامارات
ومشكورين وعساكم عالقوة

المسج الدولي 50 فلس لدول مجلس التعاون

هذا اللي اعرفه بس ماادري اذا تغير والا لا :
اذا ترسل مسج من الكويت الى اي دوله سعره 50فلس ، اما اذا بالعكس يعني من بره الكويت الى الكويت فهو 125فلس بالنسبه للايزي والاكسبرس وفواتير الوطنيه لكن فواتير الاتصالات (زين) فهو يختلف من دوله الى دوله ، مع ملاحظة ان السعر لكل 70حرف واذا زاد يحسب سعر مسج آخر ،
واذا تبي تتاكد تقدر تتصل على رقم الخدمة لكل شركة وتسالهم ،
7الاتصالات ( زين ) ،
1الوطنيه ،
هذي الارقام مجانيه بشرط ان يكون الخط لنفس الشركه ،
وطبعا الافضل مثل ماقولوا الاعضاء انك تشتري خط مسبق الدفع من نفس الدوله اللي انت زايرها ،
ادري اني طولت بس هذا لزيادة التوضيح ، وان شاء الله اكون افدتكم بهالمعلومات ،
ورافقتكم السلامه بكل رحلاتكم ان شاء الله .

اول ما تدخلون السعوديه اخذو كرت سوا وصكو تلفوناتكم الكويتيه الغاليه على شنو ما اادري
خط سوا وفيه 200 ريال والله ما يخلص كلش مكالمات ومسجات شنو حادكم على زين الي مو زينه والوطنيه اللي مو وطنيه