التكلفه تختلف اخوي من شخص الى اخر وتعتمد على وقت السفر الي انت رايح فيه بس راح افيدك بالاسعار تقريبا
التذاكر تبداء من 1100 الى 2600 لشخص الواحد ريال سعودي
الفنادق من 11200-13500 ريال سعودي
مصروف يومي من 300-500 ريال سعودي

حياك الله اخوي معانا ..
اولا كم شخص ؟؟؟
ثانيا ممكن بالحجز المبكر على التذاكر تحصلها بسعر رخيص
اما المصروف فهاذا شي ممكن تقدر انت وكيفية التنقل وعدد الرحلات .. لكن برايي من 100 الى 150 يورو باليوم مع الاماكن السياحيه ووسيلة التنقل بالقطار او الباص والاندرقراوند اذا كنتم شخصين .. والافضل تجعل الرحله بين زيلامسي وسالزبورخ مع النهايه والبدايه بميونخ اقرب من حيث المسافه

حياكم والله يجزاكم خير
أخويali-q8لأنا وزوجتي ورايح بأذن الله بشهر8هجري كم تكلفني 10 أيام
بالريال عساس أحسبه مضبوط وشاكر ومقدرمجهودك

حياك الله اخوي شوف مصروف الجيب نقدر نتحكم فيه من حيث الاكل ممكن نقلل وايضا التسوق
واذا حسبنا صح .. لازم نعرف السكن بكم وايضا التذاكر والتنقلات بالقطار
انا من رايي بشكل مبدئي مصروف ل10 ايام من الف الى الف ومئتين لشخصين باليوم الواحد .. لكن ممكن تزيد وتنقص على حسب الاماكن الي حاب اتزوره وممكن تنقص اذا في يوم لم تذهب مكان معين يعني يكون راحه اما بالجلوس على البحيره بزيلامسي .. او التمشي بساحات فينا او ميونخ ..
انت كم تقدر ميزانيتك شامله كل شي .. ؟؟

والله أخوي من15ألف ل20ألف ريال
ماتشوف أن ألف ريال باليوم كثيره أنا شفت موضوع الأخت توتيه تقول400 أو500 باليوم

والله اخوي انا ذكرت باليورو وقربته بالدينار .. لاني لا اعرف الصرف كم يعني بالظبط بالريال لكن ممكن 60 دينار كم بالريال ما اعرف لكن باليور 150 يورو... تقريبا 800 ريال
او استفسر منها هل هاذ السعر لشخص واحد او لشخصين ..
عالعموم انا ذكرت بشكل تقريبي وحدد السعر الاعلى وممكن تنقص الى 500 ريال لكن بشكل مجموع كما شرحت لانه بعض الايام راح يكون فيه راحه ومعنها بتقل المصروفات .. وايضا اذا قلنا 10 ايام يعني راح يقل المصروف ايضا باول يوم وصول واخر يوم بالعوده
.. واخيرا احب اقولك ان 20 الف ريال لمدة 10 ايام كافيه بكل المقايس ان شاء الله ...

مشكور ياذوق الله يكثر من أمثالك
ويجزاك ربي الجنه

حياك الله اخوي العزيز شوف احب اوضحلك اكثر حتى تكون عندك فكره اكبر من اللحين بالنسبه للصرف
اذا اخترنا ميونخ هي البدايه والنهايه افضل من حيث المسافه
الوصول الى مطار ميونخ راحه يوم واحد والفنادق 4 نجوم .. واقترح كالاتي
HOLIDAY INN MUNICH CITY CENTRE
Mercure Hotel
ثم الانطلاق الى زيلامسي والجلوس فيها 4 ايام والسكن .. بالكراند..او وسي هوتيل هذوله على البحيره مباشره .. او بالسنتر .. نيو بوست او فندق .fischerwirt
ثم الانطلاق الى سالزبورخ والحلوس فيها3 ايام واختيار الفندق Renaissance Salzburg Hotel Congress Center ممتاز ومجرب وقريب من محطة القطار والباصات
ثم العوده الى ميونخ يوم للتسوق والعوده منها الى الوطن ..
انا اخترتلك فنادق مجربه وممتاز و4 نجوم وقريبه من المحطات والسنتر ..
ما عليك اخوي سوى ادخال تواريخ سفرك بالظبط على الفنادق الي كتبته لك بموقع بوكنق وشوف كم اسعارهم وايضا شوف السعر التقريبي للتذاكر السفر .. حتى تحسبه صح من ناحية صرف الجيب .. وكم المتبقي من المبلغ الي كتبته ..
وان حاضر لتفاصيل الرحله
ولك تحياتي